在名校考第尾 VS 在次一級的學校考第一

揚莉煒媽咪

ELING:
我個女都係咁架
O係幼稚園真係勁醒(頭幾名)
點知上到小學~勁谷佢成績都起唔到
因為我都係一個幾無耐性O既媽媽
一教佢唔識就打
係呀~佢D成績真係好好(O係幼稚園)
但上到小學~因為已經返全日~放學又要返補習
返到屋企~仲要俾我依依哦哦咁(而家覺得自己有d變態)
又同佢溫多次
卒之我個女放棄左
O係小學~差不多O係尾尾果幾個
=.=
最後~我唔理佢D功課~又俾佢參加多D課外活動
反而佢而家D成績慢慢升緊
當然都要老師配合啦

judy

好認同丸媽媽所講，唔好講得咁誇張，在band 2 或band 3的學校考第一，唔會在名校考第尾的．

同意，在band 2 或band 3的學校考第一，一定唔會在名校考第尾的。band 2, band 3  只是指所收學生暫時之banding， 学校的師資，管理水平並無banding之分，band1學校，可以是band3之師資和band3之管理水平。

都說英雄莫問出處，你升到那家中學，將來會考成績如何，自然和中學有最大關係。出來工作，是否成功，除了最初幾年外，和本身的努力，幾年來經驗之累積，有最大之關係。(所以，如有一人工作多年，仍到處向人吹自己出身名門，好打極有限)。

睡覺

JJ1122 寫道:

不過會唔會好睇小朋友性格呢?  有d 就天生樂觀, 唔太執著.  有d 就好執著.   會唔會唔同性格又要有唔同選擇?

ELING

Dear Judy 及各位

多謝回應，
其實我個仔到現在，
佢寧願 坐在"書房"內足足三至四個鐘頭，
都唔願快快做功課或溫習或看書，
佢全無心機自動自覺去做( 看書、做功課、或著溫習)，
但我出招壓迫之下，又好驚好快地完成功課，
然之後，又要我看著佢溫書，
行開一陣佢又發夢，
全無動機學習，
真有點無知所.....

G-Ma

SandyKL,

我贊成你嘅講法, 小朋友嘅情緒及感受係好應該要顧及.  如果佢原本係一間普通嘅學校讀得好地地, 開開心心, 成績又中上, 點解仲要轉校呢? 當初揀呢間學校時應該係覺得適合佢先會揀.  其實轉校對小朋友心理上會有一定影響, 佢要離開熟悉嘅老師, 朋友, 又要面對新環境.  如非必要我個人就不會幫小朋友轉校.  除非我覺得學校對佢品得上有影響.  

[quote]
SandyKL 寫道:
有三個真實例子:

一. 入到瑪X諾紅磚小學，校內成績中等，運動唔出色，佢冇嘜心機讀書，因為覺得受唔到重視。佢阿媽見佢咁，於是同佢轉左去一間band 1尾，band頭既學校，由於受到老師既鼓勵，佢日日自動自覺溫書，完全唔洗佢阿媽勞氣，佢阿媽話佢個女開始鍾意搵學，亦有興趣讀書。

二. 有個小一已抽到喇X小學既男仔，佢阿爸唔俾佢讀，激到佢阿媽

October.

ELING 寫道:

佢全無心機自動自覺去做( 看書、做功課、或著溫習)，
但我出招壓迫之下，又好驚好快地完成功課，
然之後，又要我看著佢溫書，
行開一陣佢又發夢，
全無動機學習，
真有點無知所.....

ELING

“谷”唔“谷”要睇學校的教学方針、小朋友是否受得了和家長的取向。
但無論如何，功課一定要讓小朋友習慣自動自覺去完成，這是起碼要求，妳試試一兩次不催他做功課，讓他第2天上學沒功課交，看看老師的話他敢不敢不聽？

JJ1122

G-Ma,
今次我agreed你.. 哈哈.
除非小朋友真係好top, 咁由一間普通轉去間深d 既學校, 可能好易適應.
如果唔係..無端端轉.  我估事前要做好多心理輔導.  同埋真係好易無信心, 又怨亞媽..

[quote]
G-Ma 寫道:
我贊成你

G-Ma

JJ1122,

多謝多謝    !  因為我之前幫個囡由轉過幼稚園, 佢都適應咗好耐同好唔開心, 夜晚瞓覺仲會偷偷喊 話好掛住d老師同同學, 真係聞者傷心聽者流淚.  我唯有成日係佢放學之後帶佢返舊校探吓d先生同同學, 到宜家仲有咁做. 我想係小學轉校嘅影響力更大.

[quote]
JJ1122 寫道:
G-Ma,
今次我agreed你.. 哈哈.
除非小朋友真係好top, 咁由一間普通轉去間深d 既學校, 可能好易適應.
如果唔係..無端端轉.  我估事前要做好多心理輔導.  同埋真係好易無信心, 又怨亞媽..

andrewmummy

非常非常同意!

JJ1122

G-Ma,
    我仔今年會由幼兒園轉去另一間幼稚園...不過我估男仔無有咁心肝..呵呵.
That's why 我之前有諗過如果亞女考頭10名就試同亞女考插班去"瑪利",  不過諗諗下(+ 懶懶下).. 都係算數..一驚考唔到, 肯定大人細路都多多少少有唔開心.  就算考到入到去, 人地會唔會埋哂堆, 唔同佢玩?!  會唔會跟唔上?!  好多如果... 所以安於現狀, 隨遇而安算數..

andrewmummy

G-MA

我有幾個朋友d仔女都係咁,不過係小學轉小學,有一個仲攪到睇心理醫生.其他嘅成績及情緒都不及從前.

fion414

ELING,
小兒係SFA P.3 學生, 每次成績都大上大落, 我唔會太睇名次,  反而介意佢學習態度&自信心. P.1-P.2 時大家都好輕鬆, 今年多左課外活動, 又有好多"系統評估"工作紙, 另外有中英文寫作,考試做功課仲要用鉛字筆......好彩學校老師配合好好, 小兒都讀得好開心!
以前個仔寫字好"肉酸", 我叫佢寫好d字, 講到我口水乾,佢都唔聽, 因為佢話寫得靚好晒時間, 但有次班主任話邊個寫字唔靚冇得用鉛字筆, 佢即刻寫得d字又靚又正齊! 另外有次數學評估, 老師話佢係全班最高分時, 亞仔不知幾開心, 放學番屋企自動自覺溫數學同做練習, 近幾次數學小測&評估都好高分,有了老師讚賞, 令到亞仔充滿信心. 所以我覺得鼓勵&讚賞真係好重要!
妳試下用鼓勵&讚賞方法, 例如買定一些佢喜歡小食&小玩具, 同佢講如果自動自覺去做功課溫習, 就送比佢作為獎勵, 平時一見佢有少少進步又要好好讚下佢! 另外有時我會扮唔識GS生字, 亞仔立即解釋比我知, 我又會話你讀d英文好好聽, 不如你讀下Literature比我聽

G-Ma

JJ1122 ,

係呀, 女仔係多愁善感d掛, 我當初無諗過佢反應咁大, 個時得果四歲, 諗住佢傻吓傻吓, 去到新環境有新朋友就無事.  我實在太低估咗佢嘅反應.  男仔可能好d嘅....不過會唔會放咗係心度, 唔表達出嚟, 小心觀察.

係呀, 埋堆又係一個問題, 人地一句"唔侵你玩"  幾咁hurt呢.  都係以不變應萬變好.  無話一定要係"瑪利"先讀到書嘅.我自己一直都係buy "中塘中魚" 係無壓力底下愉快學習.

G-Ma

andrewmummy,

我都相信係小學轉校影響係會大好多, 朋友間感情一定會深厚過幼稚園.

andrewmummy 寫道:
G-MA

我有幾個朋友d仔女都係咁,不過係小學轉小學,有一個仲攪到睇心理醫生.其他嘅成績及情緒都不及從前.

JJ1122

stccmc,
到大學, 人大左知道朋友既野有來有去..但係細路仔就未必會咁諗..even 件玩具借左比人玩, 都會覺得一去無回頭.  傷害可能真係大d.  當然家長事前事後應該都要做d輔導工作, 唔好比小朋友一轉就轉咁會好d.  

G-Ma

stccmc,

我諗唔可以用大學生同出嚟做事嘅人去同一個心智都未成熟嘅小學生去比較.  我自己都係好aggressive嘅人, 有好機會當然第一時間就去.  但對於一個小學生, 我唔會用我自己個套套落佢身上, 我會幫佢揀適合佢嘅而唔係淨係我覺得"好"嘅比佢.  如果入到去名校佢係要考第尾或者中下, 要受好大壓力, 我唔會揀.  名校有時只係大人想要嘅虛名, 如果小朋友係好醒好叻一早入咗去, 中途入去都係搏吓架啫, 咁又何必擺小朋友上賭枱呢.

G-Ma

有例子一則想同大家分享:

有一個小朋友小一時派到去一間好普通嘅學校, 讀咗一年佢成績好好, 考第一.  佢媽咪本來想幫佢轉去一間名小學, 不過結果見個仔讀得好開心無轉到.  二年班頭一個月學校就同佢講佢個仔成績好好, 二年班d嘢可能對佢嚟講實在太淺, 所以佢唔係好留心, 因此建議佢個仔跳班上三年班.  如是者又過一年, 佢又考第一, 學校又建議佢由四年班跳上五年班.  到今年佢只係十歲, 但佢已經係首輪自選中學到入咗九龍塘名中學啦. 照咁計佢十六七歲已經可以讀大學.

我好相信如果佢亞媽幫佢轉咗校, 佢可能已經無咗跳班呢個機會, 所以唔一定係名校先有機會嘅.

瑄婷

請問那一間學校這樣開明?

G-Ma

沙田區, 校名要問吓先, 不過一d都唔出名.

瑄婷 寫道:
請問那一間學校這樣開明?