st paul cat 校規係咪真係咁嚴?

yianleen

St Paul Cat 校規嚴, 但算合理, 無聽過唔俾坐車/ 出街食嘢。
老師好多都溫和、有耐性, 普遍都幾好。

但佢最大問題係學生質素參差、英文水準低, 結果大家一齊要做好多好多功課, 先可以幫差果班補底。今年特別多人移民、轉校, 有跟唔上/ 轉國際都有, 所以大把位, 但佢未必收晒插班喎。有部份班級宜家得28人一班。

上到佢自己間band 1 St Paul Sec, 原校生好多都唔適應, 學校亦都無好好幫佢地bridge up.

Hkccpt

yianleen 發表於 21-12-22 10:35
St Paul Cat 校規嚴, 但算合理, 無聽過唔俾坐車/ 出街食嘢。
老師好多都溫和、有耐性, 普遍都幾好。

無論個post講校規講扣門又好，一關於st Paul cat就見到你好熱心提醒大家，st Paul cat有十幾樣功課

tungmin

回覆 yianleen 的帖子

作為現時用家，我分享下學校情況:
1. 好記得以前學校小一新生開學禮，校長講過學校對學生有要求，好嚴格。但事實上，開學之後覺得學校、老師對學生非常之好，老師不單溫和、有耐性，甚至當學生好似自己既女、細妹咁照顧。所以學校並不是想像中咁嚴格，亦未聽過唔俾學生坐車/ 出街食嘢。

2. 學生質素參差的原因係津貼學校大抽獎制度既問題，大抽獎制度既可愛之處係任何家庭背景既學生都可以有機會享受優質既教育。由於st paul cat 係津校，學校無權去揀選學生，所以學生質素參差在所難免。但學校會幫學生增值，六年後絕大部份學生都能順利升上中學部，而中學部一直都能保持 Band 1水平，即證明小學部係有能力提升不同背景既學生。

3. 小女現時並非小一學生，但由小一到現在，從未試過一日出現超過8份功課，平時一般都係4-6份功課，而且部份功課係做 "改正"。

4. 其實學校不斷幫助小朋友準備升上中學部，例如小一已經開始中文數及英文數一齊教，令學生升上中學部容易適應。

5. 學校有好多課外活動俾小朋友選擇，所以學校並不是一味讀書。

6. 學校非常注重家長意見以及人性化，家長可隨時聯絡級代表 / 直接打電話去校務處，學校好快有回應及改善優化政策及措施。

7. 本人早前以家長義工身份參加學校既學生活動日，當時我被安排與五年級學生一齊在英文攤位負責遊戲，用英文跟低年級學生玩遊戲。我覺得五年級學生既英文說話能力不俗，有部份更非常流利，而且佢地好錫低年級學妹。雖然本人既英文水平唔係好勁，但覺得呢間學校既英文水平不錯。

小女在 SPPCS 讀左咁耐，我自己非常滿意學校，而小女亦好鍾意自己學校。希望以上小小分享幫到大家了解學校情況 :D

PTL_L

tungmin 發表於 21-12-22 13:34
回覆 yianleen 的帖子

作為現時用家，我分享下學校情況:

有現時用家表達現況，實在太好！

作為前用家，我都非常滿意sppcs的教學及活動安排，由於小囡經歷過新舊校長，所以有網友提及的情況確實出現過，如10多樣功課在星期五時出現過約5隻手指都數得哂（關校長之前）當中包括改正功課都當一份；中小銜接問題，我們當年是小五才加入英數，但同期初小亦開始加入英數，讓小朋友每年容易銜接上中學；英文課程，認同是比同區私校或男名津淺，亦因為咁，以我所知，2/3年前由初小一二改為校本教學；現各級一致推行電子書（有錯請指正）不是因疫情問題而順勢改，記得當年小四班開始推行，有家長反映不想轉用電子書（學校有做問卷調查）於是，學校安排3電子1實體書班（同區男津小今年起轉用電子書，是通知非問及讓家長選擇）

Sppcs成績不是最突出又或可以迎合所有家長要求，但經歷2任校長，見到學校願意與時俱進！

luckydecbaby

tungmin 發表於 21-12-22 13:34
回覆 yianleen 的帖子

作為現時用家，我分享下學校情況:

謝謝現有用家分享。喜歡此校校風低調樸實，女孩子也很乖巧有禮。
有點奇怪最近好像很多人談論。也有些不實傳言。

isismiffy

PTL_L 發表於 21-12-22 14:14
有現時用家表達現況，實在太好！

作為前用家，我都非常滿意sppcs的教學及活動安排，由於小囡經歷過新舊校 ...

現時用家
英數而家已經由一年級開始，我女P2, 暫時未用電子書上堂
功課：每日唔多過8份，當中仲要係有1-2份改正，以今個聖誕假期為例，連改正總共10份，我哋23/12 先放假，我女爭兩樣就做晒，我老公仲講笑話，學校對呀女咁好，呢個假期有得玩

PTL_L

isismiffy 發表於 21-12-24 13:35
現時用家
英數而家已經由一年級開始，我女P2, 暫時未用電子書上堂
功課：每日唔多過8份，當中仲要係有1-2 ...

謝謝指正電子書問題！

yianleen

princesscupcake

isismiffy 發表於 21-12-24 13:35
現時用家
英數而家已經由一年級開始，我女P2, 暫時未用電子書上堂
功課：每日唔多過8份，當中仲要係有1-2 ...

假期後考試？

pizza121

回覆 princesscupcake 的帖子

不是,3月才考

isismiffy

princesscupcake 發表於 22-1-3 04:00
假期後考試？

唔係呀，11月，3同6月

Vivian74

isismiffy 發表於 21-12-24 13:35
現時用家
英數而家已經由一年級開始，我女P2, 暫時未用電子書上堂
功課：每日唔多過8份，當中仲要係有1-2 ...

你好！請問中文是否粵語教學？我見另有普通話科，謝謝解答

小艾美

好羨慕入到st paul cat。
當年幫女叩門，入不到。
見這裡有部分人講到st paul cat好差咁，但其實作為一間津小，仲差不多直升中學，已經好好啦，我都唔知幾想入到。如果我知乙一係入梗，我會搬屋。
不過我一直以為st paul cat主打英文。

小艾美

yianleen 發表於 21-12-22 10:35
St Paul Cat 校規嚴, 但算合理, 無聽過唔俾坐車/ 出街食嘢。
老師好多都溫和、有耐性, 普遍都幾好。

自己小學上中學都唔適應？點解？

小艾美

Hkccpt 發表於 21-12-22 12:37
無論個post講校規講扣門又好，一關於st Paul cat就見到你好熱心提醒大家，st Paul cat有十幾樣功課 ...

其實我見話10樣功課。津小不是大部分都這樣？
我女個間名氣冇咁好，成績又冇咁好，初小一樣8至10樣。

bj1315

Vivian74 發表於 22-1-16 13:52
你好！請問中文是否粵語教學？我見另有普通話科，謝謝解答

粵教中

luckydecbaby

小艾美 發表於 22-1-18 23:28
好羨慕入到st paul cat。
當年幫女叩門，入不到。
見這裡有部分人講到st paul cat好差咁，但其實作為一間津 ...

本帖最後由 luckydecbaby 於 22-1-19 10:55 編輯

香港家庭一般着重英文多過中文，加上YouTube NetflixDisney+咁普遍，小朋友學好英文唔難。

反而中文先令我頭痛，所以入中文小學，打好個底，將來香港公開試應付死亡之卷。如果去外國讀書，就係小朋友唯一學習中文機會。

St Paul cat畢業生英文一啲都唔弱，但同英小或國際學校比較，當然有距離。

luckydecbaby

小艾美 發表於 22-1-18 23:30
自己小學上中學都唔適應？點解？

以過來人身份答你。
小學由集會，唸天主經聖母經，全部中文。上到中學，即刻轉Channel全部英文，初時會唔慣。但同班熟悉嘅朋友仔一齊上堂，半個學期已經習慣晒。
學術方面，都係咁讀書，上堂語言老師會中英夾雜，又唔會聽唔明。所以都好快適應。讀精英班的，有由小學升上去，有外來同學。所以讀書都係靠資質同努力。