鴨真初中有兩班英文班,中三就中西史、地理、生物、宗教體育先中文教,主要應考科目都係英文。高中就 Phy、Chem、Econ、Bio(Form 5、6)、ICT 都係英文教,甚至數學都可以英文教,其餘中文。所以女女就算入唔返 St Clare 要入鴨真,女女都可以努力讀書入英文班。所以 not the end of the world。依家一定要努力谷好中文,咁無論入 St Clare 定係其他學校都唔會因為中文而成績嚴重被拖累。入到英中嘅話,因為環境繼續英文,中文時間相對少,所以就好容易繼續忽略,去到 DSE 嗰高中三年先發覺中文攞 3 都成問題就好難補救。到時候要花好多時間去搞返好中文,其他科就會少左時間溫習。
我望就覺得鴨真可修科目同 St Clare 都好接近,但當然 St Clare 係全英,有 Eng Lit,同埋 RE 可以考 DSE。
雖然話女女排名中下,但你學校係強校,就好似坊間咁講「XX 校考第尾都叻過你」,我信 St Clare 嘅中下游都唔會差。我以前間直屬都有 Band 2 生 (130 人排 80 之後)叩入返/考直資 Band 1C 校,都讀得唔錯。最好問下老師意見,問下以女女目前能力,讀 SCGS 會唔會吃力,定係去鴨真女更好。