又一村面試後感

fanhim1213

wcm991101 發表於 17-11-6 22:57
我屋苑讀又一村既真係偏黑，但佢地個個都好開心，小朋友開心返學都係我報又一村既原因之一，但面試果日我 ...

小朋友讀緊K1, 覺得課程適中， 唔覺得易， 但如果對比谷校當然無得講。我小朋友n 班時讀既都算一間唔錯既學校，
報K1時我亦有同佢in 左八間左右既學校， 但最後簡左又一村， 因為係全日， 有net, 有學卷， 硬件好又係Happy school 。
老實講， 老師真係好多野做， 所有書本同各樣文具老師都幫小朋友貼好晒名， 安排好晒， 所有小朋友既野都安排好整齊妥當， 家長都唔洗咁費心。
總括而言， 我覺得又一村學校算係干淨， 返左兩個月學我都好滿意！

wcm991101

fanhim1213 發表於 17-11-6 23:24
小朋友讀緊K1, 覺得課程適中， 唔覺得易， 但如果對比谷校當然無得講。我小朋友n 班時讀既都算一間唔錯既 ...

本帖最後由 wcm991101 於 17-11-6 23:41 編輯

多謝你既分享，其實我真心想問下，你覺得床單同被幾年都係學校既，咁多同學用過，真係覺得唔污糟?

其實k1我只係報左1間，就係又一村，我宜家讀緊既屋村n都係全日制，入學都會買新床單被寫晒名，返n後成日病，鼻涕口水都會有，我聽家長會知全日班床單都係學校提供，唔駛買新專for自己用我真係好有疑問

如同學a 今日流鼻水同咳，咁訓覺唔會帶口罩訓，鼻水同口水咪會係被，第二日嬸嬸床單被唔會又係同學a去使用，咁同學b用左咪受感染囉

如有錯誤請指教，因為我都好擔心交叉感染哩個問題

fanhim1213

wcm991101 發表於 17-11-6 23:29
本帖最後由 wcm991101 於 17-11-6 23:42 編輯

本帖最後由 wcm991101 於 17-11-6 23:41 編輯

N 班時就要自己安排， 每個星期五攞返去洗。 而家又一村學校一開始就話學校會安排， 所以我無詳細問幾時洗一次， 因為我相信學校唔會成年或見污糟先洗。 我問過小朋友， 佢話佢每日午睡都係訓叮噹同一床鋪（唔知佢有無老作）， 每個小朋友都有唔同公仔床鋪。好彩我小朋友直到宜家都無唔舒服。 如果下次老師打比我， 再同大家分享下幾耐洗一次被單。

wcm991101

fanhim1213 發表於 17-11-6 23:51
N 班時就要自己安排， 每個星期五攞返去洗。 而家又一村學校一開始就話學校會安排， 所以我無詳細問幾時洗 ...

家長會果日係講2星期洗一次，但冇講係小朋友專用1張定大圍mix咁用，因係我老公去聽，所以冇咁詳細了解，多謝你分享

pamelaywy

回覆 wcm991101 的帖子

我想講，幼稚園學爸爸、媽媽、哥哥、姐姐就等如淺？話你知，D字頭小學小一都仲係學緊：上學去、老師、同學，數學而家仲學幼稚園生都識嘅十位內加減，佢地都好淺？

wcm991101

pamelaywy 發表於 17-11-7 07:14
回覆 wcm991101 的帖子

我想講，幼稚園學爸爸、媽媽、哥哥、姐姐就等如淺？話你知，D字頭小學小一都仲係學 ...

我唔係話幼稚園唔應該學哥哥爸爸媽媽姐姐，而係2個月已經有幾個節日，如中秋節，咁係咪應該學下節日食品或水果呢？哩間其中1個賣點係有net,但除左個net老師係門口見到，我留意左課室係一句英文既標籤或文字都冇（如果睇留左請指教），而小1學加減我覺得係非常正常的

calbeeli

之前我仔讀又一村, 揀依間學校原因好簡單, 就係開心唔摧谷, 有大操場玩, 果時面試流程同今年一樣, 唔知點解今次要攪咁耐

又一村一直都係HAPPY SCHOOL, 其實學劵學校課程好難同每月4-5千學費幼稚園相比

一間學校咁多老師, 會正常有流失, 要走的老師大部分都完咗一年先離職, 而K1老師特別有愛心的

而學校會安排差不多每日都會去操場玩, 可以學踢波, 踩車, 滑梯, 但係會有蚊, 但無咩晒黑到架, 我仔果時好期待去操場玩

當年同班的同學真係無咩國內人,可能位置問題, 差不多全部學生都會搭校車, 雖然係學劵學校, 但學生都唔錯,  

wcm991101

calbeeli 發表於 17-11-7 09:44
之前我仔讀又一村, 揀依間學校原因好簡單, 就係開心唔摧谷, 有大操場玩, 果時面試流程同今年一樣, 唔知點解 ...

我報女女報哩間都係因為佢有操場可以比佢玩，唔駛成日係冷氣房，冇咁易病，我女女讀緊都係學卷學校，k1連埋吃全日都係800蚊，學校都冇乜b6,因為有細女既關係，如果轉左又一村要考慮到細女就冇姐姐宜家讀緊既n班讀，所以面試果日先觀察同留意學校咁多野，我係新手媽媽，都想了解多點又一村，宜家n班每個月學左咩都會分享比家長知，我覺得真係好好，女女都好喜歡返學，唯一唔好就係學校冇戶外設施，同埋冇net日日教（1星期得2堂15分鐘），成日比身邊既朋友講讀小1會好辛苦，所以先報1間幼稚園（唔知考唔考到隨緣），因為宜家哩間可以直升k1

想問下又一村既用家，學校多唔多出外參觀，又一村有興趣班，咁係放學上?如果係咁校巴會接走定要家長去接?（因遲左放學）

因為個女如果考到，返學坐車要30至45分鐘，又一村全日制係冇早餐安排，所以要好早起床（宜家讀緊果間係1日4餐，早餐 水果餐 午餐 茶點）大家都係happy school,如果都差唔多，除左有戶外場地大外，還有什麼優勝之處?係咪真係值得放棄宜家哩間轉去咁遠讀，真心求教，thx

我目標係津校，謝謝

17-11-7 11:08 上傳

下載附件 (100.88 KB)

ihui

wcm991101 發表於 17-11-6 23:06
本帖最後由 wcm991101 於 17-11-6 23:10 編輯

還有一樣野拎我大大扣分既，因為等得耐細女（7個月大bb） ...

其實如果對又一村有咁多疑惑的, 又滿意現在N班學校, 何不直升。 我相信間間學校分別不會太大, 小朋友讀得開心就可以了, 不用想太多。

wcm991101

ihui 發表於 17-11-7 23:30
其實如果對又一村有咁多疑惑的, 又滿意現在N班學校, 何不直升。 我相信間間學校分別不會太大, 小朋友讀得 ...

係，我哩2日都諗過，決定直升算

rebjon2002

tatkou 發表於 17-11-3 20:56
你地等兩個鐘好好啦，
我係最後一批，約五點，四點半到，過左七點半先走得！
四點半入到去人山人海 ...

真心想回應，我同你一樣5pm in，4:30pm到，7:30pm走，我女上年都有in又一村，今年細佬想試下，點知感覺極負面，雖然老師都見到佢地好辛苦，不停講唔好意思，要你地等甘耐，但係真係等到想放棄，上年大女in都無甘衰，我唔明點解要等甘耐，in都無可能有好表現，我仲要請假陪個囝去，真係相當失望，又唔係一定收，老師仲話夜d無甘多人，條隊排得快左，我唔明有咩分別，除非佢地安排錯誤，自己約人黎in，知晒人流架，我真係in過甘多，未試過覺得甘唔掂，簡直係耐力既表現，好彩我都帶左少少乾糧，如果唔係仲慘，我單拖乜都無帶甘去，好彩無咩事，等到我先生放左工到左，都未有得in，真心覺得經典囉！

Christylok0120

pamelaywy 發表於 17-11-6 15:10
回覆 wcm991101 的帖子

wcm991101 發表於 17-11-4 20:14

認同，本人也是用家。

bape0060

daisylhn 發表於 17-11-4 19:31
朋友大女畢業後唔比細仔讀呢間

Why why

daisylhn

bape0060 發表於 17-11-9 00:53
Why why

對升小無支援，小朋友最後派寶要叩門，學校一點反應都冇。

靠自己入左津小，但追得好辛苦，日日要睇住小朋友做功課溫書，中英都要追

hkgra

回覆 daisylhn 的帖子

想請教,又一村學術淺嗎?
因為想搵一間幼稚園,有一定學術,可以跟到小一課程
謝謝

carol0914

我都係又一村用家 今年女兒已經K3! 英文同數學係淺既！但係中文我覺得好深喎！而家寫緊句子！啲字都好多筆畫！但係學卷學校就係咁！要跟返教育指引！所以大家想幾深？如果你地覺得學校淺 可以自己加練習俾小朋友做和教！

老師方面，三年啲老師都好好，好有愛心！經常晚上接到電話報告小朋友情況！其實佢地都好辛苦！一早返學 晚上9點仲聯絡緊家長！我相信冇邊間幼稚園做到！但流失係高 K1,2有啲班主任已經唔見左！通常佢地一定做足一年先走！所以我覺得冇咩影響！只係可惜冇合照過！

當初揀又一村係俾環境吸引！有好多活動空間！仲要學卷學校！而家仲要唔洗俾學費！每個月只係俾二百幾蚊茶點！真係覺得好抵讀！

每間幼稚園都有好有唔好！大家為子女揀學校！了解間學校先好讀！岩唔岩小朋友！費時到時失望！加油！

(利申：今年細仔都考幼稚園）

hkgra

回覆 carol0914 的帖子

想問問,學校有提供早餐給小朋友嗎?有無教普通話?THX

carol0914

hkgra 發表於 17-11-9 12:10
回覆 carol0914 的帖子

想問問,學校有提供早餐給小朋友嗎?有無教普通話?THX

我讀半日班 半日就冇早餐！好似10點幾就食茶點！有普通話堂同書！

hkgra

回覆 carol0914 的帖子

甘都算幾好, 因為我早面試,
所以無咩大家等好耐既問題
對呢間學校印象都好好,婆婆同我去既,
佢去完都話呢間學校好,
想問埋,學校課程可唔可以連接到小一~
都係問下先,成二千幾人考,我個小朋友都唔大機會