南區鴨利洲小學

Sinfather

南區好的英中真的寥寥可數，但小學就要舟車勞頓出它區讀書，亦是非常辛苦的。
尤其是我囡囡容易暈車浪，亦會賴床，一太清早就要上學，相信不多不少都有影響。

Charlotte_mom

可能細個屋企環境唔好, 父母覺得"近"就係最好, 因為唔駛車費, 飯錢etc, 又唔駛補習...
正如我之前所講, 我好彩讀得上, 條路都行得辛苦(你唸下, 我d "mount車邊"同d"一班馬"編埋一班, 邊有得玩?), 而家叫做多d options, 都想盡量offer好d既俾小朋友姐
如果我講既說話, 令到有家長覺得uncomfortable, 請見諒

tpy

我細個時媽咪都係咁諗, 無計啦, 又唔係多錢.

時代唔同啦, 作為而家的媽咪當然希望自己仔女唔好似自己細時咁, 有經濟能力的都希望比d好野佢地, 等佢地可以得到多d機會.

Charlotte_mom 寫道:
可能細個屋企環境唔好, 父母覺得"近"就係最好, 因為唔駛車費, 飯錢etc, 又唔駛補習...
正如我之前所講, 我好彩讀得上, 條路都行得辛苦(你唸下, 我d "mount車邊"同d"一班馬"編埋一班, 邊有得玩?), 而家叫做多d options, 都想盡量offer好d既俾小朋友姐
如果我講既說話, 令到有家長覺得uncomfortable, 請見諒

Sinfather

真的很難講，現代追求愉快學習，到它區讀一些較好的學校，固然理想，但又驚引來反效果，因為可能未夠‘一班馬’質素，反為影響信心，不願上學，到時重長手尾。
所以，最大前提都要睇小朋友的能力。

tpy

呢個當然啦, 我自己都會就住個女的程黎

Wingtung-MaMe

係唔係"聖伯多祿"呀??我聽人講...佢地升中派位都幾好o架喎~我去參觀小學時, 都見到佢地 post 該年的派位結果, 又真係幾好的....

tpy 寫道:
raccon_dog,
請問係邊間小學?
[quote]
raccoon_dog 寫道:
南區的小學,在區外很出名和有名氣,因為囡囡在區外上興趣班,所以識得很多名校的家長,那些家長問囡囡讀邊間小學,初初不敢說,後來先知間學校咁有名氣,很自豪呢.
但在南區不是很多人讀和很少人選呢間,
連某機構的總幹士都讚過呢間小學.

[/quote][/quote]

moonin

我住左係南區幾十年，我唔敢話邊間小學最好。而我自己都係南區教幼稚園的，畢竟每間學校都有自己的強弱，每間學校都有自己的教學取向，有的學校重視活動(寶血、南官--學生好動，但十分頑皮，成日有畢業生家長話我知學校有打架、失竊的事情，甚至有同學經常擾亂課堂秩序)。有學校重成績(始南,聖心--程度係高但功課壓力好大，好多學生都讀得好辛苦，部分結果讀唔上，最後中學都入band3)。有學校重視學生品德(培德--學生斯文、乖，但校風嚴同學校比較傳統一點)。有的就普普通通，程度較參差(聖伯多錄、香島官)。
每年我都接觸到好多幼稚園高班的家長，大多都抱住入名校的心態。有的僥倖入到心中的名校，但小朋友就過住6年唔開心的小學生活。其實只要小朋友讀得開心、程度適中，任何學校都可以培育出優秀的學生。

Martin媽咪

有無其他媽咪比下意見, 講下南官

raccoon_dog

hi,
我都話啱我的小孩未必啱你哋的小孩,你們又不會選,只會選某南小學,問來都多如!
我在南區大的,爸媽之上幾代也是在南區呢,而且我又"八"又多親朋住南區,老實講南區間間學校都識幾個家長.
還有我的小孩分三間小學呢,所以有比較,至於邊間,就不說了.

如果你們係講培德,我知些啦.
培德真的很大轉變,轉了全日制後好了非常好呢,活動+全統,老師又夠經驗,功課唔多,但學習好,尤其是今年p.1的老師,有次她忘了派作業給學生做功課,她就打電話給每一位學生家長講返,她還會做一份每課課文的重點的文件夾給學生方便溫習,朋友囡囡手指生了條"倒次"流少少血她都立刻幫小孩貼膠布,在家長會中,有問必答非常清楚每位小孩的上堂情況,真的和以前非常不同,而且裏面又裝修完,早兩年麻麻,轉了全日制後值得推介呢.還有頭八名係直入聖心.
我的朋友也是這裏畢業成就唔錯,律師,語言師和醫生等,好似很多學生都入到大學!

如果你們講東邨聖伯多錄
下午校好些,即搬去石排灣,功課都幾多,程度都幾好,去年朋友囡囡(小學考2x)升中入了英中都跟得到,還考全級第一,
上午校都好,但頑皮些,我曾見過該校學生爬上利東社區會堂頂,成幾層樓高,還和一大班"飛仔".

街坊的話呢
間中見到有"人"等放學,去年有次我細佬去球場踢波,該校幾位學生竟然行過來"收費",都幾恐怖呢,識得幾位七,八年前的畢業學生,他們現在成了大哥大姊大,連讀書考頭幾名嗰個都早幾年前做了未婚媽媽,最叻嗰個係讀大學做銀行.

宝血
海怡麻麻,學生非常頑皮,放學的時候去7仔看看就知,
華富的好很多呢,功課都幾多,美勞,音樂等都計分架,係計入平均分裏面.

鴨脷洲聖伯多綠
朋友囡囡升中考2x,搬屋考了入沙呂,我只"八"到呢個

至於南官and始南不說了,你們成日都講,比我更清楚,但始南在區外真的冇人識,唔信你們去問吓.

Martin媽咪

多謝分析, 有無其他媽咪發表下........

moonin

嘩，分析得好好呀，等我都試下分析啦，不過以下只屬個人意見，分析得唔好請見諒。

寶血--學校大而且靚，學習環境一流。但學生就中下啦(行為上)，成績就一般-中下啦。不過，學生總算學得開心，冇乜壓力。

始南--學生醒，好好動。功課深而且多，如果家長有時間睇小朋友的功課就唔錯，因為小朋友功課壓力都好大，如果讀得叻就真係幾好。要做呢間學校叻的小朋友一點都唔易，學業又好，活動又要多。學校好重視活動架，有時都覺佢地好辛苦。不過，派位都好架。

培德--學生行出來斯文大方，仲好有禮貌架。同埋，我都覺呢間學校真係進步得好多，以我所知入面都好多特別活動，同家長又有溝通。程度適中，加上學習風氣好，讀得舒服開心。老師經驗好夠，學校對任何一位學生都關顧到。我查過網頁，呢間學校上年個派位都好好呀，8個入聖心，10個入呂明才，10個入聖士提反，差的學生都有培德中學收留，起碼有個保障。不過，唔好就唔好在學校細，地方唔夠。

南官--分精英班，僥倖入到精英班就好好，因為精英班同非精英班真係天堂同地獄的分別。精英班得一班，呢班通常程度唔錯，好的官中都入到。但我姪仔幾年讀緊非精英班，佢好似係被放棄左的一群咁，好多時我同佢溫習，佢的程度真係差得好緊要，但學校都冇理會。學校勝在活動多，成日都有新奇野玩。學生較頑皮，姪仔話上堂都冇啦啦有同學打人，有時仲嘈到唔知老師講乜。

m1m1sam

That's the point.

moonin 和 racoon_dog的分析很多點都好啱。

綜觀大家的意見，如果大家認同住海怡的家長會有更多選擇(generally speaking)的話，再睇番你們自己所作的分析，絕對不難得出我先前講的現象---

培德 --- 8個入聖心，10個入聖士提反
海怡的家長會咁諗︰咁不如比佢一開始就讀聖心&聖士提反小學!

始南 --- 在區外真的冇人識
海怡的家長會咁諗︰所以要去聖若瑟、聖保羅、華仁小學law

南官---僥倖入到精英班就好好
海怡的家長會咁諗︰咁不如在區外找間有直屬中學的小學，如高主教、聖保祿

moonin

哈，講得好

好彩我未有仔女，如果唔係我一定頭都大埋。南區真係欠缺左一些特別出色的一條龍名校。所以大部份人都以以上的學校作為名校的踏腳石....冇人敢單保一定踏到，我可能大膽講只有少部分學生能夠踏到......唉......可憐

:cry:

raccoon_dog

對不起!我的言論好似引起大家對南區小學的不滿,那不是分析而是所見所聞!
我覺得好的你未必覺得好,最重要選間啱自己的小孩,
正如我朋友知仔仔好動,所以選了南官,因為活動多,
朋友囡囡文靜,選了培德
又有一位的囡囡喜愛粵劇,選了街坊
我有朋友仔女在街坊和海怡寶血,我話很差,但他們卻讚不絕口!
點解唔多参加家校合作的活動,把小孩的小學攪好些,
而那些攪事的學生家長點解唔好好管教自己小孩.
在區外的小學一定好嗎?小孩山長水遠上學好嗎?
名校沒有頑皮學生?只係眼不見為乾淨.
功課多到扒係到,小孩開心嗎?
鬥有錢,鬥名牌好嗎?
我自己認為南區的小學不是太差,如果要讀名校,點解還要入住呢區.

Sinfather

哈哈，這真是南區的一大特色，就是所謂的名牌學校欠奉，但其實成績方面又不是太差。
很認同raccoon_dog 說到無論在哪裏其實都有好及不好的學生，重點是家長對小朋友的付出，一定成正比，沒有不勞而獲。

mable1124

Sinfather 寫道:
重點是家長對小朋友的付出，一定成正比，沒有不勞而獲。

I agree.       

ringoivy

哎睇完曬你地既發表我想喊呀    我覺得好辛苦, 我自己以前都無咁煩, 因為我又唔熟呢區, 但老師又話我個女記性好讀得到書叫我好好栽培佢, 攪到我壓力仲大個過女, 點栽培啫, 讀唔讀到書好睇佢自己, 我比到佢入名校又如何, 我怕p3時我自己無能力教佢了, 因為家陣時下d功課越黎越深我自己都只不過係中五生, 所以比得佢考入好學校又怕自己教唔黎, 唔同佢搵間好學校又好似 "曬" 左佢咁. 好煩呀?

我一心比佢讀聖士提反女子中學既附屬小學, 但打過電話去問, 佢地話無一條龍服務但遲d就唔知, 即係話即使比你跨區考入到中學時都未必入到呢間中學. . 但據聞個個都想入呢間學校, 真係咁好

本來我自己都一心諗住入南區官小, 但聽到你地話精英班同唔係精英班既差別真係有d怕, 咁精英班即係邊班呀?

培德我有朋友個姪女都在個到讀緊咁佢都幾乖幾好, 都好似好啱我個女咁, 但要頭八名先入到聖心都好似有小小難道, 因為個女越大我就越怕管佢唔掂, 若果佢無變, 好似家陣咁我都有信心, 但上到小學識左d咩朋友就真係一個未知數.

所以d人成日話我讀小學之麻使咁咁緊張仲要諗埋中學呀? 但我覺得小學唔好就自然中學都唔使指意派得好咁咪只會越黎越差囉. 另外, 有無家長可以教下路, 我個女今年九月要攪小學了, 若果要跨區係咪要開始做功夫了

wwyee

moonin

>>>南官--分精英班，僥倖入到精英班就好好，因為精英班同非精英班真係天堂同地獄的分別。精英班得一班，呢班通常程度唔錯，好的官中都入到。非精英好似係被放棄左的一群咁
~~~~~~~~~~~~~~~~~~~~~~~~~~~~~~~~~
我仔仔係B班唔算咩野,被放棄的一群
可能A班會多小小功課,但大至上都係一樣,

係,呢班通常程度唔錯，大多都入到聯繫官中,以南區升中派位,係唯一多個聯繫官中選擇,
~~~~~~~~~~~~~~~~~~~~~~~~~~~~~~~~~

>>>好多時你同姪仔溫習，佢的程度真係差得好緊要，但學校都冇理會。
我又唔係好覺,程度上可能係英文會淺D,我唔駛返工,同仔仔溫習唔會有問題,有媽媽話雖然囝囝的成績一般,唔係精英班的學生,但他們比佢嘅鼓勵返而仲多，令佢不會因為成績唔好而失去自信心，例如 : 今次默書成績唔係幾好， 老師會在默書上寫上 "下次要努力呀!"，如果今次默書真係比上次好，老師就會在默書上寫上 "有進步喎!"。其他在功課上亦會有貼紙、星星或寫上好、做得好、Good 等等鼓勵的字句。

>>>學校勝在活動多，成日都有新奇野玩。
係呀!有好了多活動

>>>學生較頑皮，姪仔話上堂都冇啦啦有同學打人，有時仲嘈到唔知老師講乜。
我諗每間學校都會有頑皮的小朋友,我小朋友都好頑皮,

ringoivy

依你所講都好似讚成南區官立喎.

kkmother2000

其實每間學校精英係得一班, 唔係精英嗰D根本老師都好少理. 非精英嗰群, 根本經常被冷落, 呢D根本就是香港教育既失敗. 有錢都唔好係香港學校讀書.