周宋主愛~~媽咪入嚟交流下

Shirleen媽媽

petmum,
Yoko 佢緊係要揍蕃茄, 所以唔得閒回應你住, 等我加把口回答你問題啦.

周宋主愛又真係好鬼多活動架. 佢地d 活動都會邀請義工家長幫手一齊照顧小朋友.
好似最近佢地又再一次親身體驗坐西鐵, 今次就係去屯門市鎮公園, 就要十二位義工家長啦, 加埋兩個老師同埋一個姐姐, 基本上係一個大人睇兩個小朋友. 咁樣的安排我都覺得幾好. 學校仲係通告到講如果唔夠義工係唔會成行的.

至於家長義工呢方面, 我記得yoko 做過, 上次就係應該同小朋友坐西鐵. 詳情等yoko 講下啦.

petmum

hello!!!  Jocasta

Thanks a lot!!!! 從活動中可以幫助小朋友視野更廣闊.
帶家長都能獲益,親子活動!!!!

best rgds.
petmum

petmum

hello!!!  Jocasta

Thanks a lot!!!! 從活動中可以幫助小朋友視野更廣闊.
連家長都能獲益,親子活動!!!!

best rgds.
petmum

yy@october

jocasta,yoko:

唔jo既職位咁難估既   
好就一網打盡,佢可能係~副主席,文書,總務,聯絡,康樂,財政,是但一個(hehehe,估咗等於無估    )

唔~我想知周宋既課外活動係幾時搞架?
仲有佢既親子活動多唔多呀?係咪多數星期六搞呢?

我尋日好唔開心呀,事關我已好耐無放短週,原本諗住23/4會有我呢年第一個短週,點知收到通知話又要出差,而24/4星期日又要返工,即係我由下星期一開始會連續返足十三日工呀,宜係想 老闆呀!!!

yoko(蕃薯媽媽)

早早,

的確我係要揍番茄,今次你叻番,升番做十下十下,
努力呀,成功在望.

你都講得好清楚,我今次冇咩補充.

petmum,

我上次做義工家長,係同佢地參觀西鐵,一位家長照顧兩位小朋友,我覺得ok. 只係小朋友一出街會無比興奮,情緒會去到最高點,行行下佢見到d佢好有興趣既野,佢會fing甩你隻手,
一支箭咁標左去,真係追都追唔切,好驚.
上次我就係照顧某某十下十下家長的小朋友.

yoko(蕃薯媽媽)

yy,

好叻喎,你咁醒目既,咁都比你估到,早早既post真係~副主席,文書,總務,聯終,康樂,財政,是但一個呀.  
我比你十個叻.

佢地參觀既活動係平日上課時間.
學校會有親子既比賽活動,新年吊飾,復活節吊飾,
母親節咭,中秋花燈,聖誕吊飾....等等
仲有一年一度親子旅行,係星期六的.放心. (不過聽聞
你係長長週,不是長短週喎 )
家教會都會舉辦活動.
仲有聖誕晚會.新年活動.
今年好似會有親子運動日.
仲有觀課活動... 仲有咩呢. 諗到再講.

你份工又幾辛苦喎,一星期做足7日.
都係個句啦. 努力! 加油! 努力! 加油!
見唔見到我揸住草球跳舞幫你打氣呀.

petmum

Hi Yoko,jocasta,yy

有無元朗好兒科推介呀!! 我仔仔有鼻敏感睇開大橋附近的謝醫生,一直普通,好多時要看2次才好.  近日睇咗3次肚瀉每次都成$3xx.  成6天都無任何作用.  昨天轉睇梁醫生,減少些肚瀉了,仔仔已請了5天假了,精神OK,要完全介口,白粥/豆奶.

你地睇開邊個醫生架!! 可PM告知!  thanks!

best rgds.
petmum

yoko(蕃薯媽媽)

petmum,

我個女都係睇開謝醫生,睇得幾好,冇睇過其他呀.
肚瀉都係要佢本身屙清d菌.精神ok都唔駛咁擔心.
希望你仔仔快d好番啦.

yy@october

petmum:

係呀,我個仔都係睇謝醫生架,我試過睇合益廣場有個叫黃國榮既醫生,但佢d葯我覺得溫和得濟,感冒發燒都要睇兩次,反而謝醫生處一次就得,所以都無再轉醫生啦!

你仔仔疴咁多日都仲未好係咪根本有d野唔乾淨,令佢疴完又疴呀?我同事個女細個時又係咁,謝醫生叫佢返屋企check清楚d食具,點知佢發現個工人原來成個星期都係用同一煲水去烚佢個女既奶樽,慶到佢死即炒工人,當佢同個女換咗奶樽水後,佢個女好快就好返啦!你試下諗諗會唔會屋企有d咩令仔仔咁呀!真係陰公,疴咁多日,個人實瘦晒,肉痛死你囉!

  

yy@october

yoko:

wo~wo~wo!!!喂,乜你淨係揸住草球跳舞幫我打氣咋??點解唔見你著埋see through及超短裙呀?養眼好多呢   

唔得唔得,要返歸換過件衫呀!   

噢,乜你講個d親子活動,多數都係美勞野黎架,屎啦!我唔曉畫又唔曉做手功架喎   

yy

yy@october

petmum,jocasta,yoko:

傾咗咁耐,都唔知你地係邊度返工添,等我可以得閒約你地去飲茶呢!(雖則我份工好衰,成日都要返工,未必得閒 )

我係元朗返工架,你地呢?

yy

yoko(蕃薯媽媽)

yy,

點解唔著埋see through及超短裙,
唔係掛,唔嚇屎你就奇.  

當你番左呢間學校之後,
你會發覺自己既藝術細胞係會日益膨脹架.

yoko(蕃薯媽媽)

yy,

我晌自己屋企打工.

你晌元朗番工又晌元朗住架? 咁正既.

Shirleen媽媽

Petmum,
我個女多數睇政府(因為我老公唔多buy 謝e生), 睇唔掂先睇下謝e 生. 而家開始試下同佢睇中醫, 上次佢病, 我地同佢去睇中e. 係吉星到睇. 一星期七劑藥, 210大元. 感覺都ok . 以前我個女每個幾兩個月就要睇一次e 生. 有時仲要係連續睇兩三星期都唔繼尾. 睇到我都驚. 佢就係成日咳同好多痰. 近呢年叫做好d. 無咁容易病.

我個女係歲半的時候都試過腸胃炎入左屯門e 院住一個星期. 成個人瘦晒番出來. 我幾心痛呀. 當時都唔知係咩出左問題. 唯有注意多d 清潔同個人衛生.

希望你仔仔快d 好番.

Shirleen媽媽

yoko,
see through及超短裙? 我都想睇呀
藝術細胞日益澎脹?我就不嬲都無呢隻細胞架, 所以諗做吊飾諗到頭bao 呢... 黎近又要做母親節咭啦.

yy,
我係長沙灣番工架, 你就好啦. 係番元朗番工咁好.   

yoko(蕃薯媽媽)

早早,

母親節咭,我都未有頭緒,
細胞,你有既,唔只細胞,係大大胞,晌某D地方

petmum

Hello!! Yoko,Jocasta,yy

Thanks a lot !!!! 原來你地小朋友都是睇謝e生.
唔怪得謝e生的booking次次都爆滿,
booking 完 都等成2個幾鐘.  

其實今次肚瀉已跟足謝e生話只食白粥,其他食物和奶都全部戒口,而且已無上學成星期,留在home休息. 輕了成1.5 磅,真係好心痛.  今天已好了好多,明早再去覆診,希望星期四健健康康上學去.

thank you!
petmum

yoko(蕃薯媽媽)

嘩,乜個個都係睇謝醫生架.
唔怪得咁多人啦.

話時話,早早老公做咩唔係咁buy佢呀?

yoko(蕃薯媽媽)

petmum,

你又晌道呀?

petmum

hi yoko,

係呀!!! 今晚夜了, 仔仔睡了,到我減壓時間.
你小朋人也睡了zzzzzzzzzz.

petmum