在名校考第尾 VS 在次一級的學校考第一

KITTY.WONG

我會轉SFA，因為讀書氣氛好些。

睡覺

catcatmom

我家姐從小就唔駛逼，自動自覺又聽話，唔駛理佢架。
我呢，兩歲逼我認字(因我家姐做到，所以佢認為我都要做到)，但我就係死唔肯認，當時，佢仲問我寧願打定讀書，我話寧願打呀，哈，我得兩歲咋，我要玩架嘛﹗

小學階段，只要一有阿爸係屋企，除左新年頭三日，即使有親戚小朋友來我家都無得玩。所以我地唔鍾意阿爸係屋企架。佢一走左，我地就會即刻取野出黎玩，一聽到佢回來的key聲，就會即刻把玩具收埋︳拿拿林咋帝取本書出黎架喇。
阿爸仲曾經因我成績唔好，關了我在房間一個暑假唸書，除左去廁所吃飯，不准踏出房門半步.....非法禁錮呀﹗><


實情逼都無用，我係咁stupid架嘛....愈逼我就愈憎讀書。

到中學喇，因一上中學就考第一，所以我就唔駛逼都自動自覺去讀....父母再無管過我讀書喇。我只係每次拿張漂亮成績表俾佢地睇就得。但可悲的是，阿爸看著我的成績表無讚我不得止，仲話我只係在一群矮人當中，所以就顯得高出來了。我好唔開心................

當年崇真的師資真係好參差，有部分差到貼地。至於有無很好的，我真係唔記得清。
但程度呢？

佢地上午班係中文部，下午班係英文部，真係好深，根本唔係個個讀得上。

我和姐當時係讀下午班。(爸爸的兩個弟弟當時都讀緊及讀完博士，但佢自己只有中學都未畢業程度，所以他望子成龍深切，想我地代替佢沒有機會的，希望我地讀多一點書吧？所以一定會選程度深的下午班)

當時我地小一開始已有兩本英文數學書。
小四開始，除左聖經、社會及中文外，其它統統都係英文書，仲要係在馬來西亞、新加坡訂返黎。包括 ﹕History, Health，Geography、SICENCE....等等....真係發神經架，所以，我四年級就中左七科唔合格 "獎"。呵呵﹗

唔好以為我英文好好(我姐英文就很好)，我會考最差係英文也。

所以，當時崇真由最初小一有五班，變成小五得返兩班，好多小朋友因為追唔上，都轉左校或轉左去上午班喇。
我這個STUPID GUY竟然夠膽仲留係下午班....
: (可能因為姐和妹當時都正一起讀下午，唔方便把我掉走吧？)

你話啦，資質唔好，留係D程度深的學校度，不單止在校無自信心，仲要被父母拼命催逼結果咪一樣派唔到好學校﹗(可能如果我係讀程度淺d，令我無咁有挫折感的學校，我會有心機讀書d，有多d自信，派位仲好...)......小學對我來說真的是不堪回首的歲月啊﹗

catcatmom 寫道:
hi 睡覺

題外話
甘你家姐小學階段係自動自覺地讀書，定係家企人要跟得好貼，即係要家企人or補習班老師教先至有好成績？因我覺得自動自覺好緊要law！
你o甘多年前讀祟小（私），當年佢既英文程度係咪好高？







[quote]
睡覺 寫道:
仲有，我家姐也是讀崇真，在校取了好多獎，每次學期末都有獎攞，仲唔止一個兩個獎。成績經常名列前五名。
結果升中派左去第一志願聖芳濟各中學 (係果區度當時都算幾好)，咁，入左去之後，佢的成績係果度比較起來就變得極普通，無乜特別，好似五年來只取過一次學科獎。
入到去，見佢已經無乜學習動機了。

[/quote]

淋雨

EmilyDavey 寫道:
現在真有其事如下，如果你是父母如何揀?

阿仔在極普通津小讀書，成績中上，但是就懶到死，明日考試而家仲睇电視。最鐘意運動。

今年阿媽手痕,同他插班考吓D學校,唸住等他見識多些不同學校程度,而家聖芳濟收他,2間油天叫他筆試.

真是如Topic所講,在次一級的學校可以優閒無壓力,在好一些的學校真是驚他考第尾.

如果你是父母,會不會給他轉校呢?

轉,近朱者赤,近墨者黑。較好的學習氣氛對孩子有正面的影響。

ChiChiPaPa

睡覺，

多謝你分享你的經歷。

但是，每人有不同的故事，有不同的體會。我的經歷告訴我有三樣東西要注意的：

1)要選有良好的閱讀氣氛的學校，是不是名校不是最重要。
2)要培養孩子的社交能力，因此要多鼓勵他參加群體活動。
3)要培養孩子的正面價值觀，因此不能給孩子壓力。

第一和第尾，我都拿過。其實名次不重要，學習態度才是影嚮將來的成功因素。

揚莉煒媽咪

我都好似你呢個想法
唔係一定要band 1學校先係好
只要校風好~校長好~老師好就得
學習氣氛都好緊要
讀唔讀名校係要睇自己小朋友資質
同埋父母有無咁多資源

淋雨 寫道:
轉,近朱者赤,近墨者黑。較好的學習氣氛對孩子有正面的影響。

andrewmummy

agree~

揚莉煒媽咪 寫道:
我都好似你呢個想法
唔係一定要band 1學校先係好
只要校風好~校長好~老師好就得
學習氣氛都好緊要
讀唔讀名校係要睇自己小朋友資質
同埋父母有無咁多資源

[quote]
淋雨 寫道:
轉,近朱者赤,近墨者黑。較好的學習氣氛對孩子有正面的影響。

[/quote]

SandyKL

有三個真實例子:

一. 入到瑪X諾紅磚小學，校內成績中等，運動唔出色，佢冇嘜心機讀書，因為覺得受唔到重視。佢阿媽見佢咁，於是同佢轉左去一間band 1尾，band頭既學校，由於受到老師既鼓勵，佢日日自動自覺溫書，完全唔洗佢阿媽勞氣，佢阿媽話佢個女開始鍾意搵學，亦有興趣讀書。

二. 有個小一已抽到喇X小學既男仔，佢阿爸唔俾佢讀，激到佢阿媽

SandyKL

//
二. 有個小一已抽到喇X小學既男仔，佢阿爸唔俾佢讀，激到佢阿媽

Bluejazz

我的經歷跟 睡覺 的頗相似.

我由小一至中三, 每次考試的名次都是梗頸四, 無論我如何努力, 就算我大小測驗都拿100分或9X分, 都是梗頸四. 老師每次都說我的總分只跟第三名的同學相差0.5分或0.3分, 她說這是品行分的差異 (即是抽像分的差異啦 !!!!). 從此我漸漸明白, 家境高尚或父母有高尚職業, 是名校考慮名次的 "部份”因素,  因為頭三名的同學的父母,  真的對學校作了很多捐獻.   

因為每個學年我都與奬項無緣, 我覺得很有錯敗感. 到了中四及中五, 又遇着一個白鴿眼的女班主任 (常常炫耀自己的丈夫是外國人 及 家有二千多呎等), 更加使我討厭上學, 成績還跌至5X名.

幸運地, 我會考也有2X分, 原校收了我唸預科, 不過我想也不想便報了他校 (非名校), 我是故意跟這所名校及老媽賭氣的. 那所預科學校的老師都很關心學生的需要 (而非$$$), 我也終嘗考第一的開心滋味, 而且AL的成績比會考的還要好 (當然tips都很重要啦). 最意想不到的是英文科的成績, 竟然比在名校時進步了.  

所以, 睡覺 說得很對, 成功感是很重要的.      

sell2japan

就大家所論及例證都很有說服力,但好多人仍然覺得入讀名校或band1學校是極為重要, 人同此心, 心同此理, 當未知道結果是禍是福時通常都會先追捧選擇banding 好/出名辦得出色的學校, 心理上有優越感和點點虛榮........

如果辦得差的學校還有很多人去追捧, 那些人嘛, 你地可能暗暗笑覺得佢地係傻呢 !

ELING

各位爸媽

其實我都有很大困擾，
希望大家都俾些意見，
小兒 幼稚園時常常頭五名 及都取了不少獎，
又開心、又主動、又積極 (畢業於次等出名 教會幼稚園)，
又俾佢考到 SFA，所以一定俾佢讀啦....

(但我沒有比太大壓力及補習或吹谷佢溫習或做功課
因我想俾機會佢學習，讀書樂趣及自覺性)
於小一，第一個學期，都成績都中中地，
第二學期就差不多包尾，
到第三個學期，我就不斷吹谷佢，成績都中中地。

今年小二，第一學期我又吹谷佢，成績又中中地，
第二學期，我試 無吹谷佢，要他自己溫書，
結果又差不多包尾，
當然到現在第三個學期試又不斷吹谷，
成績未派，?????

於兩年時間，有感到小兒 已開始無心及無自覺性
的學習態度......
其實唔知是否 學校課程實在太多及太深，
(我都覺得實在，又幾深對小二學生來說)
佢應付唔到，所以無晒學習動機，
還是有另外原因呢?.....

煩請各位...多俾意見.....
謝謝.....

ChiChiPaPa

Bluejazz,

先多謝你的分享。

我中學時，亦是讀一間地區名校，(當然不及傳統名校)。這已是二十多年前的事，我會考只有18分。18分係自己的學校收自己F5生讀預科的minimum requirement。亦即是說在原校升F6，我會係包尾的一個。不過，亦有一些和我一樣情況的同學，大家都喜歡做雞口，不做牛後。所以，這個分數的同學都喜歡報次一等的學校。我和幾個好朋友最後去到一家私校讀F6。一年後，我考第一，GCE A-level科科A。

不過，一班裡，你知不知道究竟可以有幾多個第一。還有你以為次一等的學校的學生全部是豆腐，你說要從他們處拿第一就可以拿第一。我見到的失敗的例子很多，他們今天的成就都比在原校升讀的學生差。成功感，僥幸拿到第一就有。在次一等學校失敗的那些呢？他們的父母怎算。在次一級的學校搏第一，是個高風險、高回報的遊戲。不要拿自己的子女去冒險。會在這裡分享的，會告訴你兒子考第一的，當然是成功的例子，不過，失敗的例子比成功多不知幾多倍，但唔通拿失敗的例子來通街唱。

選學校應選有閱讀風氣的，閱讀的習慣會為子女種下一顆成功的種子。至於那種子何時發芽成長，有時要看機遇。

Vernique2005

[quote]
stccmc 寫道:

//
二. 有個小一已抽到喇X小學既男仔，佢阿爸唔俾佢讀，激到佢阿媽

judy

ELING,

如果係我，我就不去吹谷佢，考試合格算了，不是說SFA的程度比外校好嗎？

我會將空餘時學陪阿仔睇書，中英文書一本一本慢慢看，SFA注重文法(現時全港已少有這樣的學校，可惜)，加上你睇大量中英文書，中英基礎一定十分穩固。基他科目，到中學才發掘才能也不遲。

養成良好閱讀習慣之好處很多, 從消極方面想： 1.可減少上网打機時間. 2. 升中時遇着程度太淺或教得唔好之教師，有自修之習慣十分重要。

JJ1122

D 個topic 咁似我之前向另一個topic 入面請教人地個個.. 我久唔久就諗下d個問題, 久唔久個答案又會轉下..不過暫時.. 我都會選擇入左好學校試下先, 真係唔得咪轉番出去其他次一等學校.  先苦後甜會比先甜後苦黎得開心.  先難後易比較易返轉頭,  先易後難就未必.  我會選擇一個可以有位走既選擇.  當然我都覺得信心好重要, 咁係咪要向信心未流失之前就走呢?  

不過會唔會好睇小朋友性格呢?  有d 就天生樂觀, 唔太執著.  有d 就好執著.   會唔會唔同性格又要有唔同選擇?

MayFair

讀書上學係學做人, 學知識。 認為子女考第一､考得前才會有成功感是很惡俗的想法。 選學校當然在有限條件下選一間最好的, 接受良好教育。  去一間次一等的學校考第一, 好鴕鳥。

小兒在SFA 有很開心的校園生活。每日放學, 佢個樣都好似成粒糖咁。 他的成績不是名列前茅啊, 他現在最希望下一個學年能跟回舊班主位。

下星期考完試,  老師還請合唱團團員食BUFFET, 師生感情極佳。