德萃幼稚園

h9907246

Not an offense..
可能這位家長對德萃學校幾位fundraiser校長、G.Fieldings、Mr Cheung都十分了解，並對學校行政、執行指引等方面也瞭如指掌，所以就有這麼 ”有力、肯定” 的Comments😊👍👏👏👏.



但我沒有參與德萃、只聽過一個講座。但這個講座，我個人的overall feeling也是”肯定地” Negative，除左G.Fielding部份👍👍。



或許其他家長不是有心去否定這學校，只是在沒有任何學生畢業往績，大家就靠所聽所見，自作分析。

Haroldyip

h9907246 發表於 16-1-26 13:15
Not an offense..
可能這位家長對德萃學校幾位fundraiser校長、G.Fieldings、Mr Cheung都十分了解，並對學 ...

我回覆呢啲post,寫嘅時候,我自己都覺得搞笑,值唔值得我花咁多時間去覆返。不過都講下自己嘅切身情況,係唔涉及私隱嘅情況下等啲outsider亦了解下，交流下為人父母嘅經驗及心得。

咁始終徐生係一個生意人,佢係校董,但唔係親身去教嘅老師或者係校長,有啲幼稚園可能啲幕後老闆未必咁高調啫。咁其他兩個前校長,起碼佢哋坐鎮,受咗薪,自然會幫忙睇住間學校。

我睇到小朋友返咗未夠一個月,肯同陌生人交流,佢平時已經多講嘢,但返完之後,似乎更加唔怕生寶,再加上,佢平時係大堂等校巴個陣,個receptionist肯同佢玩,唔使等佢一個係度無聊,咁仲想點啫?一個兩歲小朋友,你想佢有咩嘅成就呀?

就算畀你啲仔女入咗龍校,咁就代表成功咩?咪一樣要家長去教,花嘅心血分分鐘仲多。我已經可以肯定SH嘅英文科會好。

全港有幾百間幼稚園,我真係唔知邊間讀完將來擔保入到邊間小學或者中學大學。但而家最困擾我嘅係搵學校程序繁複,令人煩厭。

如果有心水清嘅家長,應該去告政府,將教育制度搞到烏里單刀。點解幼稚園有去面試?所謂出名嘅幼稚園全部都偏向收年頭出世或者收大1年嘅小朋友。講得白啲就係屈機。年中出世,你以為係中間,因為學校截龍一般係9月30號,變相年中變咗年尾。呢個情況就好似古時「田忌賽馬」,咩情況,將年尾出世嘅重讀一年,變咗佢同下年嘅人去競爭,咁就所謂贏在起跑線，但其實,去到三年班,呢個年歲分別自然消失。都唔知香港嘅家長一窩蜂搞乜。其實係教育官員根本唔知自己做緊乜,令家長冇信心,爭崩頭。

hedy32

乜原來係「國際學校」黎架， 請轉去「國際學校討論區」， Thank you

dragonwarrior

原帖由 hedy32 於 16-01-26 發表
乜原來係「國際學校」黎架， 請轉去「國際學校討論區」， Thank you

點為之「國際學校」呢？


不過SH 應該唔係

Haroldyip

我好簡單㗎啫,只要小朋友語文,包括中英文搞得掂,認知冇問題就得喇,健健康康唔使我擔心,日日提起返學都開開心心就得喇。將來唔入飛仔學校就very good。

kelly2011

我都係咁諗，所以衡量過後，揀咗德萃。
我喜歡佢嘅教育理念，希望仔仔會讀得開心啦！

Lovelebron

科水個老闆，點睇都唔似係阿教練