接受直資offer定搏大抽獎？

silvia_ng

蝕D報名費, 報左先, 到面試果日小朋友心情唔靚, 咪唔好去囉。總好過而家已經講定唔報

wendywaiwai

報咗先，因為是人揀你，不是你揀人。「計劃」沒有「變化」快！等真的有得你㨂，再諗啦！

Jane1983

如果真系好想抽獎，就精選願意為它放棄抽獎的直資，我舊年亦只系報左2間直資，報多幾間私小做back up。

考完，收左都吾讀，就吾值得簁精力了。

Sharon111

jane,  就係因為你所講個point 呀！既然結果係收左都唔讀，怕浪費左精力，大人小朋友都累。
唔想佢in 到怕，影響日後叩門時心情

Sharon111

因為有細佬跟尾，到細佬時得返10分，細佬仲要係龍b, 所以首選一定係津校

Jane1983

回覆 Sharon111 的帖子

都係架，精選再報，寧願報多少少私小。
有兩個小朋友，學費、接送和照顧都係考慮。

Sharon111

jane,  咁你最後結果係點？可以分享下嗎？

chingcging

唔好諗叩門！叩門一般都係有玩自行+抽獎嘅機會高。面且叩門位實在太少

siden

除非好醒好勁或有人事關係，否則唔好心雄想敲名津校門。幾百人爭十個以下的位。失望而回的多。

不大hit的津校會易些。

Sharon111

原帖由 siden 於 14-08-02 發表
除非好醒好勁或有人事關係，否則唔好心雄想敲名津校門。幾百人爭十個以下的位。失望而回的多。

不大hit的 ...

咁其實你喺咪建議放棄直資offer, 搏大抽獎，唔中先再叩？thanks

Cowbit

原帖由 Sharon111 於 14-08-02 發表
jane,  就係因為你所講個point 呀！既然結果係收左都唔讀，怕浪費左精力，大人小朋友都累。
唔想佢in 到怕 ...

呢幾年出生率太高, 而且勁人太多, 博到一個入直資私小未必等於第二個都會得。除非你好有把握或者打通人物網絡, 否則幾醒都要靠天時地利人和。
唉, 無計, 針無兩頭利, 只嘆生不逢時。

Sharon111

原帖由 Cowbit 於 14-08-02 發表
呢幾年出生率太高, 而且勁人太多, 博到一個入直資私小未必等於第二個都會得。除非你好有把握或者打通人物網 ...

唉。。。。真係生不逢時。。。

Bstar

既然有兩個，一心要津校，留啲力去叩門啦！或者抽到心儀學校就慳番唔洗晒咁多時間

tinnor

原帖由 chingcging 於 14-08-02 發表
唔好諗叩門！叩門一般都係有玩自行+抽獎嘅機會高。面且叩門位實在太少



  ...

還有 叩門 好大壓力

jojade

分享真實經歷,本人有兩個小朋友,大果個今年九月小一了,由於第一年考小一關係,總共幫小朋友直資私小報左二十間,一路諗住報左先,唔in 再算,因為預小朋友有機會病或者撞期,到後來有不是心儀的直資收左但冇去reg，到十月尾有間ok的直資在手,思前想後下release返個位去抽獎,因為有個細跟尾,卒之抽到四寶飯(當時有間二線私小backup）,唯有去叩官津,可以見的只有五間,其中一間差唔多五百人叩八個位之下,我小朋友中左,戰績係叩五間,一中兩waiting（有間waiting call左冇要到),我想講唔係話我有幾成功,而係呢個過程是辛苦交戰,但唔抽過又唔心息,抽左唔中唯有努力叩門,最worse只係讀返二線backup間 私小,但由於小朋友之前in 得直資私小經驗多,而半年後又可能成熟左長大左,到叩門2nd in成家面對面對住老師又出奇的淡定,我地也感意外,而且以防要叩門要比學校睇profile,最好幫小朋友報下d認受性較高的比賽,可能有幫助!希望分享啟發到部份想法比大家!

Sharon111

原帖由 jojade 於 14-08-02 發表
分享真實經歷,本人有兩個小朋友,大果個今年九月小一了,由於第一年考小一關係,總共幫小朋友直資私小報左二十 ...

多謝無嘅實戰分享

Sharon111

原帖由 jojade 於 14-08-02 發表
分享真實經歷,本人有兩個小朋友,大果個今年九月小一了,由於第一年考小一關係,總共幫小朋友直資私小報左二十 ...

多謝你嘅實戰分享

Sharon111

jojade,  如果畀你重頭揀多次，你會唔會仍然放直資搏抽獎？

jojade

其實都會抽, 始終有個細跟尾, 我身邊都有十個八個派倒第一志願, 只要自己諗好抽獎如果失敗....冇怨冇悔,之後見步行步就ok 了(我和c6 是達到共識之下決定抽的),其實叩門唔係想像中咁難, 叩多幾間, 就算唔係即收, 都會有人放棄學位之下比倒後補位, 希望在明天, 當然講緊我本身有私小打底先去抽啦! 我而家果間唔係111叩入, 亦冇人事之下靠自己叩入的, 所以我相信由而家起比機會小朋友去比賽下,(如朗誦比賽練下膽, 又可以有d成績去叩下門)

siden

原帖由 Sharon111 於 14-08-02 發表
咁其實你喺咪建議放棄直資offer, 搏大抽獎，唔中先再叩？thanks

如兩個細路，下定決心津校的話，你會唔會考慮抽次熱學校增加命中率？