65網基真祖天邊間好？

sammibaby

我2個小朋友都係祖天畢業，現已升上葵青band 1英中，祖天每位老師都好錫學生，好緊張學生品行、成績，由其5、六年級，老師真的希望所有學生能派到好中學，盡力幫佢地考好3個呈分試（你可以話谷又得），只不過佢冇聯繫band1中學所以輪為2、3線小學，但學生操行、成績絶不差。
至於食飯時間，午飯後是小息，可以用埋食飯，放心啦，祖天小朋友個個都係愉快學習，D老師、間學校絶對值得讚架!

hopeeee

Thanks for reply.  想問是否有精英班？

AHGU

原帖由 sammibaby 於 13-09-15 發表
我2個小朋友都係祖天畢業，現已升上葵青band 1英中，祖天每位老師都好錫學生，好緊張學生品行、成績，由其5 ...

小息鐘一響，就要倒飯，15分鐘完成飯盒，實在不健康！吃得急會肥胖，昨天上去眼好多稱佗型肥仔!

sammibaby

-祖天冇精英班，但3、5、6年級逢星期一至四要返7：30am，佢地叫輔導班，其實係中、英、數、常補課，個個學生都要返。

-老師一定唔會叫學生倒飯咁浪費，每個小朋友一齊放飯，祈禱再一齊食飯，其實每日最開心就係D個時段，佢地盒飯冇我地食茶餐廳咁大size,而且學校冇電視、玩具可以專心食，咁耐以嚟未聽過學生因為唔夠午飯時間而討厭學校什至投訴，我2個細路當年係班長、服務生，食飯真係有D趕，但唔聽見有怨言，小朋友學校生活佢地會慢慢適應，我地唔使太緊張佢地夠唔夠時間食，盒飯會唔會吸收唔到等....又或者放學後父母在家教導佢地點樣善用時間，家、校一齊把孩子培育成長。