---

tongtracy

我都想了六年才生了第二胎, 我知道每個父母都想比最好的小朋友, 又學多幾樣野, 食好D, 去旅行....... 同我以前想一樣,
但我發覺佢地要ge野好簡單, 生活開心和父母,姊妹的愛!  而讀書都要靠佢自己努力,有時點補習成績都一樣,  如果入到band1小學, 壓力和功課都一定會多, 你到時想生第二胎一定say no!

小兔咕

我見獨生既朋友有起事上來好孤獨無助，尤其發生家庭事故時。生2個感情點唔好，係重要關頭精神上都可互相支持。我同我女講你同妹妺要做好朋友，爸媽一定比你早離開，只有妹妺先可以伴你一生，你地要相親相愛呢。（妺妹未出世）

seeker.email

好視乎自己的想法，我有兩個小孩，每天照顧他們，從早忙到晚，但我樂在其中，覺得生活過得很充實。當你投入喜歡做那件事，就不會覺得是一個負擔。以前聽過一句說話，令我要生兩個孩子的想法更堅定... 每個父母都想給孩子最好，這應該包括給小孩一個弟弟或妹妹。

seeker.email

那當然要做負責任的父母，並不是說要不顧一切去生孩子。如果未生之前自己都已經要他人扶助，就可能連第一個都不要考慮生，否則就不只是父母的負擔，還成為社會的負擔，他人的負擔。

austinyuen1005

我非常同意有細B陪大B是對大B好，始終有事兩個人承擔總比一個人容易。

gatochat

我有一個仔, 而家有咗第二個.
之前一直都係心大心細, 諗嘅都係錢嘅問題. 但係其實tongtracy講得好啱, 小朋友要嘅嘢真係好簡單, 有父母愛, 生活開心就可以.

我覺得一係唔生, 一生就要兩個以上. 萬一我哋有咩事去咗, 就會得返佢自己一個. 而且我身邊有幾個朋友都係獨生女, 都同樣覺得細個嗰時好悶, 雖然有呀媽倍, 但都係唔同. 佢地同呀媽關係唔好, 由細到大全部心機放嗮落去一個度, 唔識放手.

JessieToys

我有兩個小朋友, 我一定唔係鍾意小朋友, 以前直頭有少少憎。喺細果個仲未夠兩歲之前, 真係好辛苦, 我冇工人, 乜都一腳踢, 次次喺廚房煮飯個細嘅就走入來攬實要媽媽抱, 所以一定要晨早起身預備定三餐嘅材料, 到時快快手煮好食得, 真係嚴重睡眠不足。

不過細果個兩歲後開始好好多, 佢哋一齊玩, 我喺廚房一粒鐘都唔會有人理, 大嘅喺玩嘅時候不知不覺教細果個, 我慳番唔少功夫。講故事果陣一左一右坐喺身邊一齊聽, 食飯之前一叫就齊齊幫手開枱, 食飯要搶食所以大家都食得快咗好多, 食完飯又齊齊執野, 叫刷牙/沖涼又鬥快衝入洗手間唔使氹, 總之做乜都好, 因為有另一個爭, 爽手好多。

大果個鍾意睇書, 細果個唔使特別培養都鍾意; 大果個自己食飯, 細果個一歲三個月已經唔肯比你餵(雖然後果係好嚴重); 大果個做功課, 細果個又要拎支筆畫畫畫; 大果個鍾意講故事, 細果個本來唔多出聲都搞到變開籠雀。

因為生咗兩個, 我覺得依家自由好多, 大果個唔會下下都要搵我陪佢玩, 雖然好多時都打交喊晒咁, 不過我覺得, 兩個反而易湊過一個... 不過事先聲明, 我大果個冇學十樣八樣野, 我所有學術野係自己教, 佢只係學下一啲運動/畫畫/音樂, 我唔使成日湊佢周圍去上堂嘅, 如果要, 我諗我都唔知點湊埋個細嘅周圍去。

ashleycece

呢個topic 對有一個小朋友既父母已經有點負擔

pisontam

回復 ashleycece 的帖子

我都係咁話~~

好多道出左自己既心聲,都係一句: 想想地再生但卻步!!!

kerkermui

當個大嘅激到你cc下，個細嘅就會嚟氹返你！

jan80

回復 babaxmama 的帖子

我本身唔係獨生, 但我C6係獨子, 當聽佢講起童年時我總係覺得佢好孤獨, 屋企無人同佢玩, 去公園玩時又比人地D兄弟虾, 相比我有兄妹, 我既童年真係開心好多, 3個响屋企都可以玩一餐, 咩都可以玩, 所以我決定一係唔生, 一生就要生2個. 雖然長大之後各自都有家庭, 但同兄妹回想兒時趣事時都覺得好開心.
時間, 金錢, 一定會分薄, 生一個係將所有既比哂佢, 但咁樣對佢係咪最好呢?

hksunshine

this is a good post !

2 is better than 1 in terms of kids growth and development

marcuscyrus

我兩個相差兩年，有時都諗，如果只得哥哥一個，我可以提供到多d resources比佢，但多一個細佬o既生活，就唔係$可以買得到，好在佢地兩兄弟相處得好好，時間上減少我不少負擔

maggiemai77

回復 小兔咕 的帖子

我覺得吾一定，我老公個所謂啊哥，走左老7年無翻來探過佢地，連個兩個女都無理過，仲成日問我老公借錢，真系無兄弟好過有兄弟！！

maggiemai77

回復 hksunshine 的帖子

everything has two sides... two kids is not "must better than" 1 kid in all ways!!!!! i have two sisters, but i was not happy in my childhood... because my personality needs lots of safety and confidence from my family... however, my mum is bias to my two sisters..... i had very bad experiences about that... of course, after so many years, i understand she did not mean to give me that bad experiences and feelings... my relationship with my mum is much better now.... but i have to say, everyone should look into their actual situation to decide if they should have two instead of 1....these factors include your financials, your personality, your husband's personality, your time and your expectation to your kids, etc ... it is a decision for your life and your kid's life.... do not be so sentimental....

chanwendy

我有兩個小朋友, 基本上我覺得除了打理學業上的事情係用多咗時間外, 其他覺得冇太大分別咋喎, 加上佢地兩個會自己玩, 我反而多咗私人時間添.  學業上自小培養自動波, 即使大女而家小一, 我都唔需要花太多時間做學業跟進.

olivia511

我都明得阿女一個, 我兩公婆老左可能佢壓力大D, 不過我暫時諗既係, 養佢一個, 我期望到我五十歲就供晒樓, 供完佢讀書, 我都仲有十年糧可以save下for自己退休吧, 如果係兩個, 經濟上可能好緊.....份糧仲有幾多可以留俾自己? 仲有得一個, 而家層樓都可以留俾佢, 生多個, 到時佢地爭唔爭都好, 都係唔好分~

olivia511

再講我個女痴身到爆, 我係呢個月佢開始二歲我先可以係佢未訓前沖到涼, 呢兩年做五、六、日媽媽都叫救命, 我真係冇勇氣再由頭挨多兩年~  再黎多個就要請工人, 每日放工對兩個, 我真係估我會晚晚發癲!

shevachevy

我生左一個, 本身對生多個定唔生係neutral, 但我老公勁反對, 所以都應該收得工~
一個有一個好, 兩, 三個又各有好處, 但我覺得係唔同階段, 大個左可能真係會多兄弟姐妹好d, 細個時當然係分薄資源, 我細個時都會覺得有細佬妹幾煩, 而家3個人又覺得ok, 打牌都可以即時夠腳, 照顧阿爸阿媽又多d人分擔~