林護 vs 荃官

somimi

hello dear all,

比d意見丫, 唔該 !!

judy

我會選林護，林護好像活動多啲，成績穩定點。

somimi

但近兩年'林護'成績有下跌( 系個主任講). 見報都少左.

小彬彬

睇網站又唔覺成績下跌喎...........

rclamlam

應該揀荃官好o的.

somimi

小彬彬 寫道:
睇網站又唔覺成績下跌喎...........

睇網站唔知嫁, 我問主任, 當然私下問佢, 同埋有留意學校課外活動.

小彬彬

somimi 寫道:
[quote]
小彬彬 寫道:
睇網站又唔覺成績下跌喎...........

睇網站唔知嫁, 我問主任, 當然私下問佢, 同埋有留意學校課外活動.[/quote]
今年比前幾年都好........林護成績

somimi

不過根據數句, 若以全校平均計算, 林護是頭10以內.

rclamlam

somimi,

林護同荃官中入到邊間都好架啦, 你小朋友既成績係點樣呀? 全級幾多呀?

catcatmom

小彬彬

朋友個女咪讀林護籮！1ROUND 林護就表態收佢，識彈2胡（4�5級）＋地區名校全級第三，你勁唔勁呀？但E＋佢都讀到C下C下！

somimi

rclamlam,

多謝你回應, 我仔全級18x人, 佢嚮15內算ok啦 !
因入林護幾會好大 ( 除非佢個'隨機no'太後),
若真系唔好彩, 校長都可以幫下佢.

我想博下荃官中, 但反而唔易, 佢收生標準系成績佔25%, 但interview 要全英+普通話 佔75%, so冇把握.

請指教 ! thx.

simoncheungyw

朋友個仔今年在林護讀中一，仲係精英班，可能剛開學，讀得都幾輕鬆。另學校規定學生選擇學習一種樂器，每一學生都有一個大哥哥姐姐照顧，令他們早D適應中學生活。學校補底工作亦很積極，暑假已辦英文補習班，由高年班同學教，仲有就係學習氣氛很好，每一班都好似一個大家庭。

rclamlam

somimi,

如果你阿仔成績咁, 我個人覺得你應該自行同統一第一志願都要揀林護, 真係入到既機會會大過荃官中.

如果你阿仔有埋音樂方面既成績, 林護就多數會收.

somimi

rclamlam,

佢音樂方面既成績好普通, piano g.4 有135份, G.5 下個星期考, 小提琴G.5會 07年先考, 但科學佢好liki, 曾經入選'美國萬通小太空人', 請問林護會唔會睇lee d, 仲有interview系問全英呢 ? 知唔知問題 ?

sorry, 我太多問題, 相信煩到你.

rclamlam

somimi,

咁既成績都唔算差啦, 真係有機會, interview一定會全英文, 只係會唔會再加普通話問就唔知, 安柱Interview講明會用普通話同英文問.

sorlo

林護就一定全英文既討論，　無特定題目，　佢係睇你思考得快唔快同埋英文根底係點，　琴要起碼 G5先計分

小彬彬

catcatmom,

今年信信都有一個叩門入咗林護.....上年循小有二人入到, 一個全級第一, 另一個全級第五.........

谷到死下死下咪好 law.....九華就係唔理 d 學生, 所以今年會考成績跌到新低, 一個信信入咗九華既學生家長話我知, 今年九華會考只有 87 個 A, 有部份校友好唔滿意, 叫 d 九華學生勤力 d, 仲話想當年最勁試過攞 400 個 A tim..........

catcatmom

小彬彬

信信全級第幾去左林護？聽聞林護好寸喎！全級１－３先至收。傳聞Ｄ名校老師唔冼點教，個個學生都係出面補，朋友個仔畢業九華，佢話叻果Ｄ全係出面搵補習，甘我同佢講出去補習都要自己勤力先至得，唔咪個個有錢補習就籮Ａ。

我另外一個ＦＲ佢個大ＧＥ係讀沙田名津，佢個校長著重德智，體，群，美，Ｄ學生又玩得又讀得，舊年大女會考係５Ａ４Ｂ，一科自修，學校唔比考９科。
甘相對佢個細女，佢讀林護就好辛苦，其實佢兩個女都係讀得之人，都到Ｃ下Ｃ下，甘我問佢有關林護Ｄ野，佢實係甘ＳＡＹ：林護唔係個個讀得ＧＥ！我話你唔好比多壓力囡囡，佢話：無！係佢個女比壓力自己喎！

小彬彬

catcatmom,

入林護果個信信學生以前同我地都幾熟, 但我都唔知佢全級第幾, 不過佢五六年級巳經年年品學x優(一至四年級成績只是中上), 佢自行考林護, 唔收, 佢媽咪同我太太話派咗去聖芳濟, 但開學之後就有信信家長話佢冇讀聖芳濟, 去咗林護........佢英文好好, 但數學應該比我個仔差, 因為佢五六年級兩次考奧數都空手而回, 成績同全級第一考入皇仁果個信信學生冇得比.........

林護自行時的確只收全級 1-3, 上年循小有兩個學生自行考林護, 一個全級第一, 另一個全級第五.....校長話全級第一果個面試即收, 第五果個唔收, 但後來叩門考筆試成功考入........感覺上如果想入林護, 叩門考筆試比較容易..........

IamBallBall

我係林護畢業的, 88年讀f.1, f.7後入了港大. 以前成績好好, 100%入港大, 中大, 科大的。 宜家不知變成點, 校長都唔同了。  不過果時都谷得好勁, 我地個個都好憎讀林護, 因為只focus 成績, 很多同學出到出面唔夠presentable, 宜家應該改善吧。  不過學生就好純品勤刀, 畢業多年, 就算以前很頑皮的現在都生活得好好, 經濟很差時都冇人失業。