中三停學

oriwod

有冇媽咪會俾自己仔女中三停學
自修,(不論成績如何)說可更快速
吸收更多學識,知職,

sagill

冇可能。自挖墳墓。

oriwod

是嗎??
你是否唔信得過自己的仔/女,

sagill

自修可唔可以会考? 可唔可以讀大學?

BillyM

第一次考會考，除非滿18歲，否則不能以自修名義報考。

DoReMi媽媽

oriwod 寫道:
有冇媽咪會俾自己仔女中三停學
自修,(不論成績如何)說可更快速
吸收更多學識,知職,

有冇成功個案或例子, 分享下! :wink:

fatbabymother

BillyM 寫道:
第一次考會考，除非滿18歲，否則不能以自修名義報考。

滿18歲但未讀過中四中五都可以考会考???

oriwod

唔可以考 會考及不能升上大學又如何,
能夠讀到大學,大專又有咩咁巴閉,
只要自已有心讀佢話佢有能力自修佢讀
摡一定快過學校教的
仲多左時間讀其他的書
呀仔之前係咁樣講的
佢有咁樣的決心,我有俾佢停學
而家一年了佢冇令我失望佢有努力日日讀
今年佢慨冼費仲貴左(用黎買書)
不過俾得咁心,多多都俾
好彩,

smartkaka

紐西蘭地大人稀.某些鄉村地方.小朋友是在家中聽廣播學習.
但只限小學.中學都是去校園上課.
但這兒是香港..
學校生活除了學習知識外.還有學習的是人際關係.
14歲的男孩由他去決定自身前路.
會唔會有點冒險呢?

oriwod

記得我自己做女的時候好希望母親信賴自己,但她沒有
而家仔大了我亦好應該對他有高度信任...
age:14唔小了,係我們家長對仔女冇信心
孩子長不大係我們家長唔夠膽放手俾佢地自己行
我個仔以前D同學仔有好多都在我面前哭訴
例1..   佢成日係DC拉8婆面前數我又話我讀個間唔係名校
             令佢冇面喎.....
例2,,,  細個母親叫佢學彈琴及打鼓,最後要佢二選一佢揀  打 鼓佢呀媽又話彈琴有出識D唔俾佢續繼學打鼓,咁選黎做咩
..........仲有好多,,佢地都咁大個對住我我哭訴真係心酸嫁
我們家長真係要檢討下,,
14歲的男孩由他去決定自身前路.會唔會有點冒險呢
難度父母幫仔,女決定前路,就一定岩,,,,,唔冒險????
佢有佢既想法.理想.目標,人生路係佢自己行出黎,佢自己訂
冇話絕對岩與錯,只要佢唔係做壞事,未來佢真係為左冇考過會,冇証書,冇讀過大學而後悔都要佢自己承擔,但睇番轉頭
佢由上年至而家佢得著既野多過佢讀左3年中學,但我又咁諗
佢中一至中三係為佢打基礎
佢中一至中三成績各科頂多50-60分最好都係75分有時仲
唔合格,而家佢不繼改變佢讀書方式,

我亦都好感謝自己對仔仔的信任,就係因為係佢中三時佢
得到我們之信任,就算佢自己岩岩開始時有一定既難度
佢都會不繼改變佢讀書方式,唔會令我們失望

smartkaka

oriwod

當然14歲係唔細.有他的思想和主見.亦要給予信任和支持.
在情理上完成九年免費教育.已不是觸犯法例.而且有毅力的話.21歲以後在香港可用年長生資格.繼續求學尋知識.外國七老八十也很普遍.
蓋茨也是未完成大學.已急不及待發展他的王國.而且很成功.
但有一點你如何評估.自學一年的得着多於中學3年.你只提學業其他又如何.
兒子不願再去學校.多少可能對制度有所不滿.但是否也對群體生活厭惡.
如認為兒子選對道路.要尋求意見是否信心還不足夠?

oriwod

他中學時常常帶朋友回來6,7個大家一齊玩數臭,數臭d
miss,sir ,同學,及任何的不滿,,,我的角式咪買多D食物俾佢地食等佢地放鬆d及同佢地嘻嘻哈哈,佢地數臭當中當然有編激字句對miss,sir 佢地有咁既行為其實可以理解佢地講過
例1  週會..一個呀sir講解食煙既壞處,幾個星期後學生係街度見到佢食煙,咁佢地認為呀sir有咩知格教佢地呀..
例2  學生帶手提電話番學要向school申請,學生有申請有家長簽署同意書,有一天學生冇帶手提電話番學,話俾班主任知竟然班主任罰佢俾$50-班會如果唔係記缺點....佢同我講,我同佢呀媽講,最終我地同佢校長講咩理由好彩揮贏
你話......仲有好多好多....
相信我個仔係對老師冇信心
自學一年的得着多於中學3年  佢既意思係..如下
我個仔好鐘意踢波佢逢5,6,晚都會同佢係球場識既朋友踢波
年紀有老有嫩踼完波吹下水佢話同佢地吹水可以知道多D
社會既事,當中層面更不同,有時吹到零晨點幾兩點,比住以前
緊係唔得拉,佢同我講過人地教的以前係school係紀律,你去遵守就得,出黎社會做野係自律,唔會有人幫你,擔花買水官才山地死人都要靠自己.........想真D又係岩喎!!!

以前係中學人情世顧佢邊知咁多,得着咪lee d law
書本,老師教唔到家

oriwod

如認為兒子選對道路.要尋求意見是否信心還不足夠?
講得岩!!!但我係想知係香港仲有冇我這類的媽咪,可能你沒
見過我個仔背英文字典時個種認真,別的係背後話我咁教仔
都冇所謂,因我見到呀仔的認真,感覺真有呀仔剛出世時的喜悅

sagill

如果你感覺喜悅，你便行你的路。

如果你個仔是天才，將來便可成龍。

如果你個仔是庸才，你可能後悔莫及。

oriwod

多謝你的提點!!!!
但都好想聽你見解,
係你接受唔到他這樣讀書方式
還是你認為他一定沒有恆心或定力
定係不滿我這樣對我的仔呢
大家交流下

smartkaka

oriwod

兒子要停學.想你和他之間必有一番爭持至讓步.要迫他讀下去也沒意思.但他始終是細路.對很多似是而非的觀點.你不應過份認同.球場上學到的世故.你放他去做學徒也學得到的.
香港始終是傳統社會.要吃飯就不能脫俗.人生的路好漫長.很多事情不是用黑白去區別.以前在學校對人對事太執著了.這點要讓兒子要明白.否則到真正接觸社會.他會更失望.
希望有有識之士能給你中肯意見

黃o禁o禁

oriwod,
始終一個只有十四歲的小朋友是要在學校學習群體生活架 !!
不過如果你認為甘樣會對你的小朋友好的話 , 試o下都冇妨,
不過你要預o左第時佢長大o左面對好多突如其來的環境應付吾到而有怨言 ,同埋處理人際關係都有障礙o架!! 佢會怨你
o架!!(因為佢而家仲細,佢既思想就係亞媽話乜就做,年紀大
o左之後又會唔係甘諗o架啦)呢樣你一定要好好同佢溝通!!另外如果你兩真係决定甘做,甘你可排一o下o的正常既興趣活動比佢都好噃 !!始終在屋企同波地學既o野有限,未時第日唔識同人溝通呀 !!!!我諗如果係我的話,我會考慮以上咁多點lor~ 比我我可能吾會甘做,因為我知道一定會影響佢將來發展,而家呢一代唔係李嘉誠o個代lu~,o個時真係靠自己進修就可以事業有成,佢個代因為冇甘多競爭同咁多人識野o丫麻.但呢代真係靠學歷既,而且競爭大到不得了,所以就算你阿仔自修到博士課程,英文講到＇勒勒聲＇,但冇cert,人地唔信你都冇法子o個噃.......唔通走去讀公開大學咩??(公大cert冇乜用個噃)係o米???

東京mewmew

oriwod 寫道:
多謝你的提點!!!!
但都好想聽你見解,
係你接受唔到他這樣讀書方式
還是你認為他一定沒有恆心或定力
定係不滿我這樣對我的仔呢
大家交流下

如果你覺得咁做係對, 你又何必介意人地點諗?

你既然已經行左第一步, 就必須知道要承擔後果, 每件事都有正反兩面, 有好有唔好, 你都已經選擇左, 你唯有睇下有無野可以幫到亞仔將來生活。(例如: 以你個仔的case, 怎樣可以取一個社會公認的文憑去搵學校、搵工?)

我諗你同你個仔要plan好D囉!

raccoon_dog

滿18歲就可以自修生身份報會考,
未讀過中四中五都得.

小孩子的天空

條條路都通住羅馬............ 我知有一名中二已停學的小男生, 在這數年間已考獲MCSE的專業文憑, 在今年已考完會考, 並在這年立即報A-level.........學習要看小朋友不同性格, 不可以一概而論.