Stamford or ESF?

cookingmummy

有冇家長可以分析下Stamford 同ESF 的pro and cons? 大家會點選擇？

ckmammy

cookingmummy 發表於 21-7-15 12:21
有冇家長可以分析下Stamford 同ESF 的pro and cons? 大家會點選擇？

美制 VS 英制。ESF 有 track record, Stamford 未有。ESF 學費較平。Stamford 課程比ESF 深 (根據朋友仔仔兩間都讀過比較),  特別著重 STEM, 每班學生人數較少。剛加建校舍，設施新净。

Kevin2021

回覆 cookingmummy 的帖子

從IB成績即可看到結果

ckmammy

Kevin2021 發表於 21-7-15 15:53
回覆 cookingmummy 的帖子

從IB成績即可看到結果

選學校唔應該淨係睇 IB 分數。 ESF 出特別多狀元係因為佢比起其他學校多好多學生考。 唔計今年同上年因疫情而有改變嘅成績， ESF 2018/2019 年考35分以上既人只有 60%。

cookingmummy

ckmammy 發表於 21-7-15 15:18
美制 VS 英制。ESF 有 track record, Stamford 未有。ESF 學費較平。Stamford 課程比ESF 深 (根據朋友仔仔 ...

美制和英制對升大學選擇的影響?

cookingmummy

ckmammy 發表於 21-7-15 15:18
美制 VS 英制。ESF 有 track record, Stamford 未有。ESF 學費較平。Stamford 課程比ESF 深 (根據朋友仔仔 ...

咁你朋友仔最後讀緊邊間？覺得邊度適合佢小朋友多D？

ckmammy

cookingmummy 發表於 21-7-15 17:06
美制和英制對升大學選擇的影響?

兩間學校最終都係考 IB, 所以對去邊個國家升大學都冇影響。

cookingmummy

ckmammy 發表於 21-7-15 17:35
兩間學校最終都係考 IB, 所以對去邊個國家升大學都冇影響。

Thanks

tanamushi

我個仔上年由Stamford轉咗去ESF 我哋轉嘅原因係因為我哋住港島區太遠 個仔搭校車 要5:45起身 返到屋企差唔多下午4:00 覺得佢太辛苦 搭校車嘅話 你住越遠就越早到學校 佢哋話怕塞車 順帶一提 校車費堅貴 我哋要$18xxx 半年一個學期 自己送返學嘅話 因校外果條路係單程路 勁塞車 附近住戶不停投訴 連區議員都要出動埋 所以無論搭校車或自己接送 都好頭痛！

我個仔最初唔想轉校 所以我覺得佢都讀得算開心 如果唔係都唔會唔捨得 我最初都有少少爭扎 我好鍾意Stamford 嘅設施設備好高級 每個班房有touch screen大電視 個游泳池都好正 室內恆溫 雖然唔係標準池 唯一校舍唔好就係我覺得有d污jo 因為我每次去廁所(每層有一格大人厠所同埋男女學生厠所各一間）有時因為大人廁所有人用緊 人有三急要用學生廁所 學生廁所就真係唔得 我都有同老師提醒過 但第二年都冇咩改善 同老師講笑咁講話女學生廁所板好濕 話好彩我小朋友係男仔 細d嘅女學生未必識抹就坐上去會好核突！

學習方面， 我同老公對英式或美式冇乜概念 淨係想d小朋友喺愉快中學習 我覺得2間學校都做得好好 Stamford 有埋心理健康嘅課程 例如教你分辨咩係bullying 同埋你要點解決 遇到不同問題你要點做 但stamford中國學生佔大多數 ESF就多外國人 要睇你自己鐘意咩 課程程度我反而覺得差唔多 有d野ESF深入d 有d野Stamford 深入d 但普通話我就覺得Stamford深d 我估因為多中國學生嘅關係。

學費方面就更係ESF又抵又正啦 簡直係一個頂兩個呀！除咗校車，校服我都覺得Stamford 好貴，不過Stamford校服設計係靚嘅，最初轉入ESF 買校服用咗$1xxx 但Stamford 要$3xxx 我個仔仲要成日唔見校服，每次佢唔見就超肉痛，仲要一定要去出去校服公司買，ESF 校服校內購買。但ESF 有雜費 好似PTA年費 軟件費 yearbook自己選擇買唔買 文具到咗某年級要自己帶 呢d stamford都學費包埋! Stamford 有canteen，d lunch好味 但好多ESF嘅校舍冇canteen 要自己帶lunch。

以上係我身為過來人嘅一些意見，我最初轉學都有d爭扎，但我同自己講，如果ESF讀得唔開心 轉番去Stamford會比較容易，但錯過咗ESF，就唔知有冇機會再入！所以就的起心肝Accept咗 ESF，到目前為止都冇後悔當初嘅決定！

希望幫到你！

ckmammy

cookingmummy 發表於 21-7-15 17:10
咁你朋友仔最後讀緊邊間？覺得邊度適合佢小朋友多D？

兩個朋友兩個仔由 Stamford 轉 ESF, 最大原因係學费每年平六萬幾。 小朋友適應能力高，所以兩間都適應到。我小朋友讀緊 Stamford ，已讀咗 4年，從未諗過報或轉 ESF。 建議你去參觀學校才决定適唔適合。

ckmammy

tanamushi 發表於 21-7-15 17:41
我個仔上年由Stamford轉咗去ESF 我哋轉嘅原因係因為我哋住港島區太遠 個仔搭校車 要5:45起身 返到屋企差唔 ...

你都寫好詳細，補充些少，好奇點可能 Stamford 校服買咗三千幾蚊？ 每件都係百幾二百蚊，我自己都係買咗千幾蚊咋喎.... 校車真係視乎你住邊區，我只係比二千幾蚊半年 (油麻地/何文田站上車)。我暫時都末遇過厠所污糟嘅問題， 係咪咁啱你去嗰次係咁， 又或者而家已經有改善。如果純粹睇錢，ESF 一定勝出。 至於師資， 2 間學校差唔多。如果特別鐘意 STEM, Robotic etc 就 Stamford 比較 high tech。 新校舍剛落成，加咗圖書館，天台運動場，design technology room etc....

lulukoko

ckmammy 發表於 21-7-15 18:11
你都寫好詳細，補充些少，好奇點可能 Stamford 校服買咗三千幾蚊？ 每件都係百幾二百蚊，我自己都係買咗千 ...

請問如果何文田或油麻地上校車分別甚麼時間上車？

ckmammy

lulukoko 發表於 21-7-15 18:46
請問如果何文田或油麻地上校車分別甚麼時間上車？

大約 7:15 上車

Kevin2021

回覆 ckmammy 的帖子

對於IB學校, 學費在ESF以上的國際學校硬件、軟件、師資、校園大同小異，對小朋友來講都已足矣。有IB狀元以及IB平均分高已經代表學校有能力培養出優秀學生，師資及環境均優。其他的在於學生本身。至於學費，能夠滿足要求，為什麼還要多付好幾萬的學費呢？當然家有過億資產請忽略。其他因素當然也包括離家的距離等等。最最重要應該是是否可以拿到offer. 從受歡迎程度來講，ESF應該高過Stamford. 据用家朋友講ESF之前需要排到1-2年甚至更久。朋友孩子有兄弟姊妹優惠，面試不達要求仍然無offer. 目前我也還在排隊等位中。個人覺得，多申請几間，等拿到offer再做決定吧。如您已拿到offer, 那麼恭喜您，小朋友真棒！我當然希望您把ESF位置放掉，後面的人會好感謝您！：）

tanamushi

ckmammy 發表於 21-7-15 18:11
你都寫好詳細，補充些少，好奇點可能 Stamford 校服買咗三千幾蚊？ 每件都係百幾二百蚊，我自己都係買咗千 ...

我Stamford買校買張單都仲貼喺雪櫃 件jacket要$5xx 書包Stamford $3xx 仲要校服各冬夏天各兩套 運動服 冬夏天 冷外套 襪 泳褲 泳帽 太陽帽 每件就算百幾二百 都差唔多三千幾！你係咪分開咗冬天夏天買，所以每次千幾？2次夾埋就差唔多三千㗎喇！

廁所問題有一年同老師講咗 第二年去都冇乜改善 除非我每一年每一次都咁唔好彩趁d阿姐未清潔前入去! 其實因疫情關係，我都未入過ESF嘅廁所，所以我唔係比較，只不過呢樣野令我印象都幾深刻，所以講出嚟。

我完全贊成你話校內設施好high tech，我都覺得好正！

我同老公其實都覺得Stamford唔差 只不過對我地嚟講太遠 見到小朋友太辛苦 好心痛 本身諗住佢會慢慢習慣早起身 但成日on and off咁返學 好難習慣！

其實每間學校都有自己嘅特色 真係好睇你自己嘅focus喺邊度！

ckmammy

tanamushi 發表於 21-7-15 19:19
我Stamford買校買張單都仲貼喺雪櫃 件jacket要$5xx 書包Stamford $3xx 仲要校服各冬夏天各兩套 運動服 冬 ...

無錯係。 我覺得校服就就視乎各人需要，因為我個仔唔怕凍，所以校褸外套長袖校服我全部都唔買，中學用自己書包。校車就每個家庭開支都唔同。 你哋住得遠的確係好辛苦。 每間學校都有自己好同唔好，你需要乜嘢就自己衡量自己揀。

ckmammy

Kevin2021 發表於 21-7-15 19:14
回覆 ckmammy 的帖子

對於IB學校, 學費在ESF以上的國際學校硬件、軟件、師資、校園大同小異，對小朋友來講 ...

同意你所講 ESF 的確有其優點。 我自己都只係中產人士，並唔係千萬富豪。 我比多幾萬蚊選擇 Stamford 係因為佢有獨特之處, 所以家長自己行量邊間學校適合或者鍾意。

cookingmummy

多謝大家咁詳細的意見。
各位家長可否都分享一下Stamford 同ESF的assessment 大概是怎樣？

ckmammy

cookingmummy 發表於 21-7-16 04:51
多謝大家咁詳細的意見。
各位家長可否都分享一下Stamford 同ESF的assessment 大概是怎樣？
...

Stamford 每年考兩次 MAP assessment, 考英文，數學，同科學。 無考試範圍冇得溫書。 另外一年派四次成績表。 小學比分係一至四分，中學係一至七分。

tanamushi

ckmammy 發表於 21-7-16 08:11
Stamford 每年考兩次 MAP assessment, 考英文，數學，同科學。 無考試範圍冇得溫書。 另外一年派四次成績表 ...

Stamford嘅 MAP 係用嚟評估學生嘅growth 即睇吓小朋友有冇進步 開學考一次 學期尾考一次 有d老師唔會話你知邊日考 所以好多野會影響學生嘅表現 例如心情、夠唔夠瞓 所以我自己本人對呢個assessment 只會睇睇 但唔會上心。
ESF 每學期都有assessment report, 唔駛考， 老師平日觀察。ESF assessment比Stamford詳盡，例如數學科 佢哋唔會淨係話我個仔喺數學嘅表現 佢哋會細分到每個學過嘅topic 都assess 所以份assessment report 水蛇春咁長 好有heart！

BTW 我個仔讀緊小學 我唔知你想問嘅係小學定中學！