瑪神真的不如往昔？

yellowyu

有人可以講講瑪神點解被說不是40網四大？咁40網小學排名係點，好想知道，謝謝。

worldcat

係唔係四大真係咁重要？四大無一定標準，首選最緊要適合小朋友同家長。

到現在，我都覺得瑪神係好學校。只係綜合其他因素，所以無㨂佢做首選。
如果111係必入，我一定揀佢哋。

個人意見，小朋友學術好叻，家長又想入b1中學不可，40網仲有其他選擇。如果唔想煩中學對學術成績又唔係有極高要求，直升瑪神中只要中上成績就可以。
部分人覺得瑪神中跌grade，但要明白自己小朋友又係唔係係其他一線小學就一定係b1學生？可能b2中學今日你睇唔上眼，但他日小朋友真係b2成績，你就發現可以直升一間b 2a(甚至a1c)嘅學校有幾吸引。

自己做嘅Research，唔分名次, 過去幾年升中一b1 50%以上或左右有下面幾間。除瑪神外，因為瑪神大部分直升，所以好難計。
荔天，長協，旅小，愛德，善導
我自己睇善導係一線，亦有人計佢做二線。

下面部分學校無直接公佈，都係人云亦云，資料唔定正確。
3x~4x%
善導，嘉靈，基福，聖紀文，聖安德烈，

2x~3x%
聖多馬，基愛，大坑東宣道，深信

20%左右或以下
福官，深官

其他就無特別研究，因為以上已經包括自己心水同第一第二保險線。但李官同深街福，我一定提議放最尾。

88881111

worldcat 發表於 17-6-9 13:59
係唔係四大真係咁重要？四大無一定標準，首選最緊要適合小朋友同家長。

到現在，我都覺得瑪神係好學校。只 ...

早兩年留意到深官有公布升中比例，好似無20%，好似10%左右

man811231

worldcat 發表於 17-6-9 13:59
係唔係四大真係咁重要？四大無一定標準，首選最緊要適合小朋友同家長。

到現在，我都覺得瑪神係好學校。只 ...

同意  現在叩門戰開始中 似乎想打心理戰多d啊。

starrymama

如果111必入, 我都會選瑪神.

worldcat

Hoining 發表於 17-6-9 14:39
但要明白自己小朋友又係唔係係其他一線小學就一定係b1學生...呢句好啱但唔係咁多家長明白，間間學校都有人 ...

無辦法，雙職父母未必有咁多時間去深究個玩法，明左小一又未必諗到升中。有朋友誤解玩法，又聽到身邊嘅高明分析。今年將長協 瑪神 基神 愛德放晒係頭4志願。。。。

瑪神係一條龍，基礎考慮嘅野已經唔係b1 b2呢個方向。
認同學校現有成績和表現就揀，唔認同就揀第二間。

worldcat

88881111 發表於 17-6-9 14:06
早兩年留意到深官有公布升中比例，好似無20%，好似10%左右

打得簡單左，聽返嚟上年有廿幾三十人入b1。
學校校內都無公佈，係今年升中選校，老師俾左啲意見一啲級廿幾學生，我都係反向估返出嚟。
例如，老師提議級廿幾嘅學生揀“wong帝山”，我估應該有廿名b1位先咁講卦。

worldcat

Hoining 發表於 17-6-9 15:13
基本上瑪神小勁果d升中都會走，其實其他區好似沙官小、聖小一樣有聯繫中學同龍校都同樣面對跌band嘅問題⋯ ...

我覺得瑪神小都有人追捧。
仲有班唔需要追B1中學嘅家長。

但對無舊生分加又無宗教分嘅家長，再加上瑪神位小，風險會比其他一線小學高。

yellowyu

自行階段時已中，內心爭扎，聽聽埋埋，又不知道自己有無為小孩選錯。
多謝各位的留言。

worldcat

yellowyu 發表於 17-6-9 16:30
自行階段時已中，內心爭扎，聽聽埋埋，又不知道自己有無為小孩選錯。
多謝各位的留言。 ...

做父母盡助自己能力就好。小朋友成長有太多因素可以影響，同時大部分影響都唔係父母可以控制。

同小朋友一齊努力新階段，瑪神一定唔會係錯嘅選擇。

michellelee1979

starrymama 發表於 17-6-9 14:43
如果111必入, 我都會選瑪神.

我都係咁話，如果協和111必入，我會先揀協和，再揀瑪神。

thyhma

瑪中跌Band，原因係瑪小升瑪中嘅學生不濟，定係瑪中教唔好學生，應付DSE？點解hkpapa話瑪小唔入40網四大？

twlo

thyhma 發表於 17-6-9 21:41
瑪中跌Band，原因係瑪小升瑪中嘅學生不濟，定係瑪中教唔好學生，應付DSE？點解hkpapa話瑪小唔入40網四大？ ...

因為大部分瑪小學生會升上瑪中，而瑪中只可說是一間B2頭，B1尾的中學，與同區幾間有50%升B1率小學而言，當不算四大。就是此原因，瑪小學生到五、六年級時，追分壓力比較少些，子女關係也許會融洽一點。當然，有更高要求要升讀其他B1中學，也可以去追分。但我會咁覺得，hkxxxx一向用升中成績或升大學成績作基礎，就好像一個商業評估員分析一間公司，著重公司賺錢多少，作為公司評估，總之越賺得多錢(升入B1中學人數)，越是好公司。但大部分家長也只會睇升中成績，總之升B1中學率高的學校就是好學校，要求子女追成績 (當然有部分亦天生聰慧)，其他因素可以放在一邊(如子女的承受能力)。

worldcat

michellelee1979 發表於 17-6-9 18:11
我都係咁話，如果協和111必入，我會先揀協和，再揀瑪神。

協和同瑪神係兩類唔同教學模式嘅小學。

正如用sfa同英華比，性質好唔同下。

worldcat

thyhma 發表於 17-6-9 21:41
瑪中跌Band，原因係瑪小升瑪中嘅學生不濟，定係瑪中教唔好學生，應付DSE？點解hkpapa話瑪小唔入40網四大？ ...

瑪中比例上少左汰弱留強的階段(基本b2b以上成績都可以直升)，dse成績就好睇小一收生。統一派位對家長係大抽獎，但對學校可嘗不是。
揀瑪小或多或少都係唔想面對升中壓力，
本身唔想有壓力又想keep住brand 1, dse 同jupas 結果好。係香港制度下，本身就係矛盾，家長諗唔明呢點真係無謂揀瑪神。

有家長要求95分先叫高分或合格，又有家長只要求85分以上已經叫好好。所以四唔四大真係無意思，最緊要啱小朋友讀。

qualcomm

或者咁講

其他區B2a中學可以keep全級英中，瑪神中一一班半要中中，仲要係一部份瑪神小來的

要40區英中，俾多少少錢B2b基崇也可，為什麼要辛苦自己，谷了6年但只為入一條龍中學

thyhma

twlo 發表於 17-6-10 09:30
因為大部分瑪小學生會升上瑪中，而瑪中只可說是一間B2頭，B1尾的中學，與同區幾間有50%升B1率小學而言，當 ...

如果追分壓力少左，即瑪小唔使谷學生入B1英中(又唔會向外公布)，谷得叻又怕佢唔直升中學部，咁嗰D小六跳船去B1神校嘅學生，會唔會差人一截？