阿仔升中二終於願意補習,請各位給我意見

norton

阿仔升中二(英中)終於願意補習...
我係未婚媽媽, 阿仔出生到依家經濟上都是自己一人,悭悭地勉強可以到現在.
自己學歷話就就中五會考畢業,其實英文方面一啲都唔得,所以教唔到同幫唔到阿仔,
所以阿仔k.3開始就讀公文數到現在一路數學方面都不用擔心(因為公文數現時阿仔已經讀到中四程到),測驗考試都好理想,
小學p.1 至 p.6 都無補過習(除公文數)...升中一開始英文教學關係考試都係普通中等,全班33人考17名.
我接受到.
但老師建議如果可以就補吓英文打好個底子, 一路升上去無咁辛苦,但係中一時阿仔死都唔想補..
到現在依家升中二了同佢傾過....終於接受補習,呢個補習老師係老表補開,見補得幾好又有心機.所以加多阿仔入去倆老表一齊分開一人一個鐘咁.阿仔逢英文教既科唔識都可以問可以教同主力英文文法打番好個底.
(可能因為呢個補習老師係可以同老表一齊補習有伴,仲可以補完輕鬆吓掛)
但我煩惱緊係人工得八千幾, 公民數連私人補習都去左我二千幾蚊.....屋企水電租交完, 得番少少勉強可以到月尾出糧.
我應唔應該CUTE 左公文數,因為公文數現時阿仔已經讀到中四程度級別????
其實係中三選科定中四選科呢?我唔太明白?!
CUTE 左會唔會影響佢好大呢?

請各家長給我意見,謝謝!

connielam

你囝囝是讀中中定英中？因資源有限，如果我係你，我會將資源投放在英文先。

黃巴士

中三成績決定中四心儀科目. 公民數一個月多少錢??  其實S.2可去回數學大班, 每星期一堂1小時, 一個月約$500.  英文要KEEP住.

norton

connielam 發表於 15-9-22 13:14
你囝囝是讀中中定英中？因資源有限，如果我係你，我會將資源投放在英文先。 ...

佢讀英中, 以前讀過公文英文(只係P.1同P.2時,之後見到同學校教既不同,最終停了主力數學)
多謝您意見

norton

黃巴士 發表於 15-9-22 13:37
中三成績決定中四心儀科目. 公民數一個月多少錢??  其實S.2可去回數學大班, 每星期一堂1小中三成績決定中四心儀科目時, 一個月約$500 ...

原來中三成績決定中四選科目,佢讀英中,咁好似打好英文基礎會無咁辛苦
公民數一個月$700,私人逢三,五,日補每月$1800大約
所以開支好大

多謝您意見!

TwinWong

cut 数先, 補英文

虫虫主人

其實數學要做得多就可以, 買d練習回家做可以嗎?

norton

原帖由 TwinWong 於 15-09-22 發表
cut 数先, 補英文

您都覺得英文緊要啲。多謝您意見

norton

原帖由 虫虫主人 於 15-09-22 發表
其實數學要做得多就可以, 買d練習回家做可以嗎?

公文數就係日日都要做，做完返公文有人同佢對教佢改正，所以依家成績好好囉。至於我買練習比佢，做唔做可能未必做。
多謝您意見。

黃巴士

如果英文上手了, 我會一星期兩天英文, 平衡數學大班1星期一天 (但不會公文數).

norton

黃巴士 發表於 15-9-22 16:11
如果英文上手了, 我會一星期兩天英文, 平衡數學大班1星期一天 (但不會公文數). ...

其實呢個補習哥哥好好架啦....我同佢講主力打番好英文底, 就ok啦!
但係哥哥話同英文有關其他科目都可以問佢, 好似 IH ,GEOG, MATHS, HIST都得, 默書測驗考試前預早同佢講,搵多d野比佢做同溫習.
唔係續科同我計架.
出面有d續科計鐘又貴..怕怕!

norton

知道，我同囝囝都會加油

norton

就係囉! 哥哥幾好㗎。再加上囝囝願意補習，唔洗好似中一時，因為讀書大家有時意見不和。呢啲時間青春期心態反覆，我特別小心自己語氣同態度。多謝您地意見

Grammacat

你個仔都好乖, 你要加油

洋蔥頭媽咪

數學唔駛補啦，如果底子○K自己操都可以，唔識可以問老師，反而英文差影響會比較大，所以英文弱一定要跟左先，還有中文都不能忽視。

Yanamami

norton 發表於 15-9-22 21:26
就係囉! 哥哥幾好㗎。再加上囝囝願意補習，唔洗好似中一時，因為讀書大家有時意見不和。呢啲時間青春期心態 ...

有个幾好既補习哥哥guide住佢都好㗎，有个好榜样嘛~青春期唔鈡意听阿媽話，但同輩就好受落，有d野你可以靠哥哥把囗代你同仔講：例如引导下佢諗下F4想揀乜野科、去大学open day睇下(呢两个月开始有啦)……其实F2諗下唔算太早，有个概念都係好~
http://www.edu-kingdom.com/forum.php?mod=viewthread&tid=3141141&highlight=%E5%A4%A7%E5%AD%B8

brother4

同亞仔講吓將來目標，向着目標行事半功倍，冇目標冇方向可能事半功半

norton

Grammacat 發表於 15-9-23 21:57
你個仔都好乖, 你要加油

多謝鼓勵! 我同囝囝都會加油!!!!

norton

洋蔥頭媽咪 發表於 15-9-24 08:38
數學唔駛補啦，如果底子○K自己操都可以，唔識可以問老師，反而英文差影響會比較大，所以英文弱一定要跟左 ...

明白!
打探到佢公文數讀到J教材(好似係中四五既程度...公文老師話),
佢好彩中一中二都係同一個班主任仲要教佢數學, 班主任係家長日見面時都有講佢數學咁多科最好(全級第27名/135人).
英文真係普通底子,又未去到唔合格....平均分數都有60頭至70頭咁.以囝囝無補習計佢都算係咁啦, 我無要求了.
多謝您意見

norton

Yanamami 發表於 15-9-24 08:50
有个幾好既補习哥哥guide住佢都好㗎，有个好榜样嘛~青春期唔鈡意听阿媽話，但同輩就好受落，有d野你可以靠 ...

認同您講法, 有時係要外人講先聽. 難得有個好補習哥哥教, 佢真係做足哥哥既練習同預習
多謝您介紹open day D 資料我! 唔太早...我都要消化吓先可以同囝囝一齊傾揀乜科目做目標
多謝您意見