女孩子以游水/乒乓球作個人運動操練, 邊樣易突圍而出呢?!

小時了了

因為十一月係小女最後一期學游水 (十一月至明年二月), 我打算學埋最後呢期及最後一式蝶式就唔學游水, 用學游水錢及時間, 用係小女其他方面預備出年小五開始的呈分試.

我以為呢一期會教蝶式, 因為蛙式已教了一年啦. 我上星期問接待處職員及教練, 佢地講唔會教蝶式住, 亦都唔知會幾時教, 佢地話要視乎小朋友手臂及胸用力游才會教, 呢一期仍然會係繼續游蛙式及自由式. 但我想小女一氣呵成咁學識晒 4式, 因為驚佢日後升中後忙無時間學, 又擔心她如果佢真係升中時考體藝, 體能考試可以考4式游水

有以下疑問:
1) 學咗3年游水, 最後蝶式仍唔教,係咪合理? 因為我真係唔知合唔合理!

2) 如果我堅持係呢期學蝶式, 惟一方法是額外加多大約$320/堂單對單教, 如我12月開始至2月, 共要額外俾多差不多$4,000元, 呢個選擇的話小女3月以後唔洗再學游水, 學游水的錢及時間, 3月以後可以立即學其他英文/普通話之類, 為小五小六呈分試補底及加強學習.

3) 如果唔額外俾錢而我又想小女學晒 4式, 咁呢 3月時我會轉游會要有蝶式學的, 即係3月以後仍要繼續俾錢及付出時間學游水, 而打算唔學游水的錢及時間就要推遲.

咁,  值唔值依家俾多$4,000 學蝶式, 買時間呢? 抑或已學3式已好足夠, 唔洗再學埋蝶式傍身呢? 請指教

little_yolky

小時了了 發表於 14-11-13 14:01
因為十一月係小女最後一期學游水 (十一月至明年二月), 我打算學埋最後呢期及最後一式蝶式就唔學游水, 用學 ...

1. 如果諗住第日考體藝, 我諗你要一日保持操水, 有乜可能小四停游水, 但小六去體藝考游水。


2. 你女女游水叻唔叻? 操下攞番一兩個校際奬, 可能有幫助喎。

3. 我今年小朋友學游水一個月已經要4000大元, 所以如果真係想學, 無話抵唔抵的。

4. 學蝶式會好大隻喎, 有無見過莊泳同葉詩文。

5. 如你囡囡喜歡運動, 建議一直學游水, 一來強身健體, 二來可以relax。對讀書都好啲架。

julinata

原帖由 小時了了 於 14-11-13 發表
本帖最後由 小時了了 於 14-11-13 14:27 編輯

因為十一月係小女最後一期學游水 (十一月至明年二月), 我 ...

你係邊間分校呢？ 會唔會間間分校唔同呢？ 如果一路學，自然就會順住教…… 你個小朋友都唔係細細個既bb啦…… 我女都開始左蝶泳了。。。 你問下職員，係咪佢要“就”埋其他組員進度？ 還是你小朋友真係未到果個level..... ？  或者轉去有游蝶泳既班？

ling1211

原帖由 小時了了 於 14-11-13 發表
本帖最後由 小時了了 於 14-11-13 14:27 編輯

因為十一月係小女最後一期學游水 (十一月至明年二月), 我 ...

因囡一星期要操4曰水關係，所以我經常到泳會睇人游水，見太多例子，游得幾好幾快都好，如果唔keep住游(一星期一曰都好丫)，一段長時間停咗，隨時游什麼都不成型
我唔知你囡游既進度係點？可能教練認為你囡3式末算游得好，所以唔教蝶式住？你有冇直接問過教練？我囡個泳會，係睇進度升級，如果游得好嗰式，教練會中途升學生去高一班學另—式，不用等一期完咗先升。
每人學習能力不同，冇話學幾耐4式先合理。我囡4式都在泳會學，用咗2年時間，之後被教練叫入泳隊操水，但我都有另搵私人教練一星期一堂再執下D姿勢(係囡要求我搵的) 。如果睇你想點？如只想識游就得，咁轉泳會keep游都0K啦，想姿勢好一定係私人好D

水杯

回覆 小時了了 的帖子

我女由高班-小四,在史丹福學,早已經學識了四式.現操水.

小時了了

小女係大埔學, 由小一學到依家小四, 同組有另一個同隊員同小女一齊學學足咁多年的.

我有話要轉去第二組學蝶式 (因為只有星期六及日才有時間學), 星期六早上有一班電腦顯示係蝶式, 但教練話呢班依家都係未教蝶式. 咁之係星期六及日無蝶式班?

Yanamami

little_yolky 發表於 14-11-13 14:10
1. 如果諗住第日考體藝, 我諗你要一日保持操水, 有乜可能小四停游水, 但小六去體藝考游水。

學3年好嚇人下~~~

學樓上話齋，水唔喺禁學o咼~~私人教練一個summer都教曬4式（阿女K3時連續10堂已學識3式），然後操水期間會不斷改善各式（唔喺學左一式，操好先再學另一式吖。喺學曬禁多式，邊操邊改善吖~）。除非主項喺蝶（要不斷練），如果唔喺，久不久練下唔會好大隻吖。操水都喺1100蚊一個月吖（每興期6日，教練唔建議少過4日吖~）有d叻叻P3已出戰學界囉。要用游水考學校，邊有得停架？停一個星期都慢曬啦~~~考學校唔喺識游就得吖，要鬥時間吖。

小時了了

Yanamami 發表於 14-11-13 17:27
學3年好嚇人下~~~

學樓上話齋，水唔喺禁學o咼~~私人教練一個summer都教曬4式（阿女K3時連續10堂 ...

咁點好呢, 我唔知游水係咁學並且唔停得架???? 小女卻幻想報考體藝呢!!!!!!

依家上錯隻咁嘅船, 係咪繼續 keep 落去俾佢"昆"呢? 當強身健體少生病痛算, 不求學到咩式? 抑或轉呢?

Yanamami

小時了了 發表於 14-11-13 17:50
咁點好呢, 我唔知游水係咁學並且唔停得架???? 小女卻幻想報考體藝呢!!!!!!

依家上錯隻咁嘅船, 係 ...

真喺入錯會。問下其他會，而家個女禁禁禁，想禁禁禁，你個會可以幫到嗎？如要以游水入體藝，休想只喺識游就得，唔止要游得好，甚至入左體藝都唔可以停。

一喺放棄入體藝，keep住游當運動就算。

你女每周游幾多日呢？

有心喺游水方面搏殺的，8歲都開始比賽了~~跟住不斷比到上中學呢~

http://www.hkasa.org.hk/index.php?option=com_content&task=category§ionid=12&id=63&Itemid=169?LANG=CHI

ling1211

原帖由 Yanamami 於 14-11-13 發表
本帖最後由 Yanamami 於 14-11-13 18:06 編輯

我都認同樓上家長講，要用游水搵學校一定要參加大型公開賽攞奬才行。但我會告知你，游水競爭都好大下，要突圍不是容易事，同時真係要用好多時間去練水架。我囡7歲，上個月有幸比學校選出參加九龍北區校際賽，比我同囡見識到大場面，D學生真係快到嚇人而且呢個比賽冇分齡之分，阿囡都要同4，5年級D大姐姐同組比，亦係第一次出賽，都總算幸運入到8强，得到8強證書一張D家長叫我好好keep住，話如要轉校，呢張野都有幫助

piglet_be

三年學三式，拖得太慢了，會否考慮轉泳會呢？

ling1211

原帖由 ha8mo 於 14-11-13 發表
有分齡，分甲組同乙組
你千金咁細都出，證明你千金訓練有素之餘，更說明學校極缺人
...

學校好缺人又真係丫可能好多家長都以學業為重 學校安排6年級游甲組，2-5年級冇再細分，全部游乙組。我只能話阿囡當日好彩冇遇到太多猛人，僅僅用49秒背泳入8強，我睇返以往記錄，呢個時間入8強係好微喺泳隊中，阿囡都唔係突出，同隊中有2個同囡差唔多大嘅女仔仲快過我囡

ling1211

原帖由 ha8mo 於 14-11-13 發表
總之學體會的小學生註冊就係甲組U13
乙組U11
丙組U10

我當然明白游出嘅時間先係重點 多謝解答比賽分組，而家明了

仔仔錫錫你

想憑游水入中學，唔需要學齊4式，學好一式稱皇就掂。