因小朋友患有先天腦病,想放棄撫養權!

kimluibaby

我個8個月大B女患左小腦症及巨腦回,醫生說佢將來會行動不更,及智力低下, 命也會比較短, 我知道後很傷心及難過, 好唔開心, 日日對住我個B女,我好多野諗, 想了結左佢生命,免得大家受苦, 但又怕坐監, 我不是個好爸爸, 我想放棄撫養權.

carmenkmlo

原帖由 kimluibaby 於 14-08-25 發表
我個8個月大B女患左小腦症及巨腦回,醫生說佢將來會行動不更,及智力低下, 命也會比較短, 我知道後很傷心及難 ...

爸爸，彼此不要放棄！
生命是上帝給我們的禮物。
明白作為父母，看不見小朋友將來，
而且身體受苦;是最難過。

你先找家人及朋友傾訴一下,
再找社工協助，總有方法解決問題。
不要放棄，這裡的父母也會大家扶持！

kimluibaby

回覆 carmenkmlo 的帖子

多謝你的鼓勵, 知不過我心裡真的很難過, 頭也經常痛!

衰豬仔

爸爸，我是在一間嚴重智障學校做的, 看見有很多不同殘障的小朋友，其實佢地都好可愛，都有好多人愛錫，包括自己父母。

我地有一個學生甚至嚴重到不能看(盲)、不能聽(聾)、不能講(啞)、不能行動(坐輪椅)、不能食東西(胃造口)，須然是這樣，但她每天的樣子都是充滿笑容的，非常可愛，她父母都很愛錫她，不要放棄，祈禱交托，天父會拖帶你行每一步，Amen!

Olympian

爸爸唔好做傻事。

siusei

我知道你一定好痛苦，但BB冇罪，佢一出生已經有病，但有家人愛錫係佢唯一幸福，你要撐住呀！

DollyCC

爸爸你來得呢板證明你都好錫你小朋友，唔好放棄呀，如果覺得照顧有困難，可以搵醫院社工，佢地會提供協助。

kimluibaby

回覆 DollyCC 的帖子

多謝你地咁多位的回覆! 我覺得面對個女, 好似無哂希望.我個女到現在都唔認得我地!
如果,每日咁對住個女, 我會痴線.
如果係咁, 我倒不如將佢寄養係宿社度, 請問有無這類宿社?

kimluibaby

回覆 衰豬仔 的帖子

我個女有時都會對我笑, 但一想到將來, 我就覺得無希望, 好傷心!
我想做一個好爸爸, 但我不是一個好爸爸. 因為我有了結B女的念頭.

Kyle

唉！點講呢！當年我同社工問咗可否放棄撫養權，社工見我情緒好劣都建議我放棄，她話父母一簽紙就會送走佢，以後與我地無關。咁我問：「可唔可以探下佢，問下有無人俾夠衫佢著和俾夠野佢食。」社工話一概唔再關我地事，社處送佢去邊到住或去邊個家庭都唔會話我地知。

唔知以上安排係米你所想？

唔知點安慰您！生命好多時都是無奈，將個痛苦習慣到變咗無乜野，日日個心被條杉拮住，拮拮下就會慣咁。

捱下捱下你對生命看法會變，當然你現可以諗清諗楚放棄撫養權係米你要的方法。這個放棄，唉！瓜咗可能心會舒服點，日日都知道有個仔女在唔知邊處，唔知其他人點對待佢，個心可能會長另一條更大的杉出來。

muimui5

Kyle, 你個仔點樣呀？
我個囡雖然幾生猛食得走得，但認知和自制能力很差，就快七歲從來沒一片消毒膠布可貼在她身上多過十分鐘。
我自己也時時想，若亞囡有意外或重病，千其唔好有得拖，我無法想像她怎樣在醫院接受治療，好怕她掙扎，拔喉扙針傷到自己...../

Kyle

多謝您問候我仔。

係呀，樓主情況我好明白，唔想揾另一個差過樓主個囡嚟比。比完樓主個心都不會舒服。

咁多年，我自己都接受唔到啦！什麼自己個仔得父母會愛錫佢！什麼這是上天的禮物！大整古就有份。

唯有時間啦！可以好漫長！時間可以醫治一切。人點唔開心，地球也無情地繼續轉，唔會為一件件的人間悲劇而停低不轉，唯有自己調節下，習慣下。自己無勇氣去死就開心唔開心也得過每一天，咁就儘量叫自己開心啲地過啦。到今天，我習慣了一排，我信生命充滿希望，有希望才是生命。過一排，好多看法都會變。
祝福樓主！

Charlotte_mom

曾經有次做義工, 服務對象係失明人士, 果日我地相處左一個上午, 失明人士話, 佢有時會返大陸做義工, 因為覺得自己已經好幸福, 起碼自己有屋企人鍚, 佢好多院友, 自細都係孤兒, 俾父母放棄左

唔好誤會, 我無意亦無權去批判你想去點做, 只係希望提醒你一下, 原來一家人可以一齊已經係幸福

加油!

貓山公主

樓主, 我都曾做前線照顧嚴重智障患者(成人)的工作人員...
我告訴你, 好多家長縱然把孩子養育到20歲 / 30歲 / 40歲/ 50歲 (家長好命未死)..
內心仍然內疚,不安,心感痛悲, .....
但佢地一班家長仍然堅持住...


每每看著孩子, 那怕只有一點點的進步, 家長已經可以好好好開心....
明白你想逃避, 明白你有許多許多的不安...
我唔係社工 / 心班輔導員....
只係我地作為一班前線人員, 好樂意提供協助....
我地呢班無親無故的員工, 都好比心機教導佢地, 陪佢地一齊成長....
可能你話我地對得幾個鐘, 梗係當玩咪又半日...
我話你知...唔係架....

只係因為, 我希望我地的堅持, 教導, 信念....
帶希望給學員, 給家長..
希望少少都好, 幫你地減低壓力...幫你地分擔辛苦...
亦同時, 使你地明白, 每一個生命都有佢的意義...

身邊有人能為你分擔憂慮嗎???
希望一眾家長, 每一句都給你力量...
相信自己能做的, 相信B女到世上係有意義的...

加油??? 不用了....呢刻找感受到你的掙扎, 為自己的良心掙扎, 你係一個好爸爸來的....
你好盡力了....我們欣賞你這8個月的付出呀.....
支持住你~~~

kimluibaby

回覆 Kyle 的帖子

感謝你分享左你內心的感受給我, 我也知道我同B女的路會很不好走. 如果時間真的能醫治一切, 我希望能感輕我同我老婆的痛苦. 經過B女件事後, 我同我老婆再無勇氣生第二個了.........

kimluibaby

回覆 Charlotte_mom 的帖子

感謝你給我正面的鼓勵, 希望真的能澸輕的負面的想法!

kimluibaby

回覆 貓山公主 的帖子

你地工作人員真的很有心, 感謝你給我正面的鼓勵, 希望真的能澸輕我負面的想法!!

Kyle

終會有一日有路行。It is a matter of time only.

至於生唔生多個，隨心啦！現在做你認為舒服的事就可以了。去到每個階段都會有不同的想法，今日以為自己無路行，幾年後回想返，可能都忘記了今日的傻想，或就算記得都一笑置之。

朋友，人生有起有跌。試過什麼是苦，先會珍惜樂的時間。你跨得過呢關，之後有什麼困難可以阻得你呢？

Olympian

原帖由 Kyle 於 14-08-26 發表
終會有一日有路行。It is a matter of time only.

至於生唔生多個，隨心啦！現在做你認為舒服的事就可以 ...

Kyle真係講得好好，係我地班家長的心聲。希望你個仔早日康復。

樓主，默默祝福你。