點幫小朋友温書？

JJDBB

原帖由 loveyoucherrie 於 14-01-12 發表
新手請教！小學一年級，考試成績很差，有乜方法可以幫助佢？已經去補習社，雖然默書成績可以，但考試兼顧唔 ...

你講什麼科，和有幾差；還有，你了解左平時上課情況各樣，詳細些講比jm知......
.....另外有沒有同補習傾過！找到根源，慢慢試下D方法，一定有岩嘅方法！

sschiu

平時的功課做得怎樣、上堂留不留心、平時明不明白老師教甚麼也有關係的！找出問題根源吧？

jswailam928

小一閱讀理解差是正常的， 買本練習得閒做下

kinling

一定要看多圖書，還有教他做閱讀理解文章時，同時要圈詞語，d詞語多數是答題的答案

JJDBB

原帖由 loveyoucherrie 於 14-01-12 發表
佢中文比較差，特別閱讀理解，佢見到咁多字，唔識做所以唔做，所以冇唒閱讀理解d分！激死我！



  ...

你要幫下佢。認多D字，做多D閱讀理解，睇图書是長遠的。有時要引導一下睇边一類中文图書。基本先提高興趣，什麼兒童有字，多字少字先陪讀，然後才引導，因為高年班的中文是儲蓄回來的；所以，你要立即行動了。

anitawong410

了解下間補習社用咩方法教佢,同補習老師傾下,如果覺得唔係幾OK就要快D轉地方喇

COE1205

loveyoucherrie 發表於 14-1-12 11:40
新手請教！小學一年級，考試成績很差，有乜方法可以幫助佢？已經去補習社，雖然默書成績可以，但考試兼顧唔 ...

是返功課班還是補習?

YolandaTam

有冇卷喺手？

你要留意吓份卷啲分數比例，有啲學校考得比較多課文，咁就要温熟課文，默熟啲詞語。 有啲學校，課文佔唔夠20%，咁就要多睇書，温得太多課文反而係浪費時間。

小朋友怕多字，先排除讀障，就係唔習慣閱讀，可以先陪讀，就買本淺淺哋嘅閱讀理解，陪佢讀同埋分析文章開始！小一好細，大把時間，加油！

kelly12345

回覆 loveyoucherrie 的帖子

個人意見，如果佢只是閱讀理解差，就真系惟有培養佢閱讀嘅興趣，相信喜歡閱讀的小朋友做閱讀理解唔會差得去邊。俾佢做多D依方面的練習。當然，最重要的是要引導佢喜歡上閱讀，尤其唔好對閱讀理解有抗拒或恐懼。多D鼓勵。
另外，考試前，你可以試下將之前嘅練習（考試範圍內的）再俾佢做一次，加深印象，你亦可以知道佢有邊D唔識可以再同佢溫一次。

kelly12345

回覆 loveyoucherrie 的帖子

系呀，我系甘做，效果幾好。

bee918

網上訓練如階梯閱讀之類, 持續 every day 做一篇, 都有D幫助.

little_yolky

loveyoucherrie 發表於 14-1-12 20:36
佢中文比較差，特別閱讀理解，佢見到咁多字，唔識做所以唔做，所以冇唒閱讀理解d分！激死我！



  ...

原來又係閱讀理解累事。咁就無得急了。你可以好似房居政策咁, 有長短線的部署。

短線政策
好似有些JM講, 買一些練習陪佢做, 一日做一篇咁, 唔好多, 唔好做怕小朋友。希望教曉佢一啲答題技巧。

長線政策
都唔駛多講, 緊係陪佢睇多啲書。我囡囡就係用呢個策略。佢做閱讀理解時, 有啲字唔識(好正常)就會靠估。如是者，課文內容都估到8-9成。咁答題就大部份都會識答，只會有一些轉彎題目或問四字成語/詞語，佢又啱啱唔識時就會答錯。咁錯一兩題，我估你都會接受0既，係咪?
如果小朋友最初唔識好多字，咁你就真係要辛苦啲喇，要陪讀喇。如果唔係，剩係擲本書俾佢，佢又唔識睇，結果就只有：
1. 越來越對閱讀無興趣
2. 讀極唔識，越來越無信心
3. 只顧睇公仔，無睇字，但你又以為佢睇咗字，最後只有視藝科進步，因為公仔畫靚咗！