delete

晞晞爸b

delete

小洪寶

吾好甘講，每個父母都想安排最好既俾bb，上呢d堂都係當玩下，吾駛即刻label自己

torunpoland

當現實生活中魚與熊掌(賺錢&多D親子時間)無法兼得既時候--->你一係揀魚，一係揀能熊掌。其實你自己都好清楚，只是貪心，並且意圖做點事令自己好過點。

晞晞爸b

小洪寶 發表於 13-6-8 12:50
吾好甘講，每個父母都想安排最好既俾bb，上呢d堂都係當玩下，吾駛即刻label自己



  ...

係..同意你講既個個父母都會希望將最好的給自己既子女...
上呢D堂完全唔敢有太多奢望..當見識下...只不過係感嘆現在搞到好似自己唔知點...好似一個人溺水既時候亂緊捉緊D野咁..(唔知有無用錯比喻)

晞晞爸b

bbqueendom 發表於 13-6-8 13:04
我囡都係細b,將會入讀你囝囝讀緊果間幼稚園既九龍塘分校n班,今年年尾亦會參與你玩緊既game,雖然我b係囡,講 ...

無嗜好...生活係"返工" & "家庭".....正確D係"返工搵錢" & "儘量爭取時間放工陪小朋友"....

英記學術其實都好好..課程教深一年...我仔都讀得好開心...
只不過升小一既成績仲未太多參考指數(尤其九龍塘係新校)...
個人意見如果同九龍塘名幼比既話會蝕底D...
如果今年年尾再戰K1唔成功..我仔仔繼續讀上去我都覺得OK..因為英普係NET教...到時K3唯有去面對小一面試呢場殘酷既遊戲...到時先算...

cclemon2009

咁究竟你目標係咩？係龍校？係名幼？

晞晞爸b

torunpoland 發表於 13-6-8 13:07
當現實生活中魚與熊掌(賺錢&多D親子時間)無法兼得既時候--->你一係揀魚，一係揀能熊掌。其實你自己都好清楚 ...

請恕我不同意你既論點...
其實我並非"意圖做點事令自己好過點"...
我係希望在我能力範圍之內.可以盡我所能去啟發他學習
有時唔係自己唔想教..係唔識教..怕縱壞溺愛到教出既小學雞到時仲喊都無謂

我相信我曾經盡晒全力去提供一個機會去俾我既小朋友(報名幼也好..早D送他入讀PN去學規矩及多D適應群體生活)..呢D付出我完全唔會亦唔敢奢望會有O羊回報..如果小朋友有因此而得益或學到野..有所得著..我已心滿意足..畢竟他學到野係他自己既..唔係我既..在他人生的道路上..身為父母我們只希望他能走得順暢D.開心D..

至於"做點事令自己好過點?" 我又無咁艌過亦唔會咁艌..如果面對自己既親骨肉都要咁算計咁計較既...咁當初就不如唔好生喇..係咪?

晞晞爸b

cclemon2009 發表於 13-6-8 13:42
咁究竟你目標係咩？係龍校？係名幼？

漁翁灑網先..有offer 先算先來煩呢既問題..

Ryan_baba

樓主，你可常試比囝囝同其他人多講野，eg 去麥記買野，當然你先講一次比佢聽點叫，一，可練大膽，二，可多講。

petercck

面試班冇用架喎。
魚翁撒網係錯既。

DollyCC

我建議上語言社交班，玩下學表達下自己，對考名校就唔知有無用，但對情緒管理，自信心就有用。

torunpoland

回復 晞晞爸b 的帖子

樓主，對不起，我收回”你意圖做點事令自己好過點的”說法，對不起！在此，誠懇的對你道歉！希望你原諒我．
我說出幾點，希望你在目前”漂流大海中而不知去向的心情”好過些：

１）這個比喻很貼切

２）你怕自己不懂教而縱壞小朋友，就憑你有這個醒覺，小朋友”縱”極有限

３）2歲7個月的小男孩，未懂整句說話，我家孩子都是這樣，我相信不是大問題．我意思不是”由於我個仔係咁，所以你個仔也沒有問題”．而是，小朋友的確是這樣的，所有育兒書的語言發展部分，在這一點上，沒有爭異．所以，你不用太擔心．

４）報面試班，本無不妥，奇就奇在你明知成效有限還要去做？其實，你清楚自己想怎樣？你想孩子語言上有進步，我建議天天跟他大量說話，我明放工後已經很疲憊，但這是最”直接入肉”的方法，這點，育兒書也說得非常清楚．你想孩子面試有出色表現，那就更加要花多點時間在他身上，帶他去公園玩，去圖書館，去海灘......親身每個環節自己都跟足，我明，你要返工嘛，這就是”魚與熊掌”的不可兼得．所以，選擇櫂在你．但你選擇花錢送孩子上你自己都不太有信心的面試班，第一，錢是花了，成效呢？你自己心中有數．當然希望你估錯．第二，何不利用他上面試班的時間，跟他多點親子互動？但你怕縱壞．縱不縱壞就看你怎樣教而已，那把尺在你手，量度準則也在你手，一定其實都在你掌握之中，除了孩子開竅的時間．


＜＜＜我身邊有好幾個朋友為了孩子，大學畢業的，位高權重的，都轉做全職媽媽，不請工人，錢少點，可以節衣縮食，旅行次數密度大幅減少，衫裙買少件，但孩子成長學習，絕不假手他人．這就是她們的選擇＞＞＞

deniseL

我仔係十月超大b，而家只有邨校k1 offer，我決定今年再戰k1，如果仍冇心儀offer就原校直升，又睇埋佢開學後讀成點再作打算。

我曾經都同樓主一樣心情，同樣咁緊張阿仔入幼稚園嘅事，可惜仔仔interview總係坐唔定，今年無論n定k都係reject或waiting，而家連焦急心情都過晒，waiting似乎無望，曾經問過一個centre負責人關於面試班，但對方好好，好客觀分析面試班其實唔適合阿仔（竟然佢冇硬sell我報讀佢地嘅面試班！）

我諗要針對返小朋友嘅需要同情況去提供相關嘅課程比佢地。我仔都算識講好多野，但去親interview都唔so老師，或離開座位甚至課室！我諗我需要訓練佢嘅耐性多啲。如果係講野唔多的話，會唔會考慮樓上提及嘅社交playgroup，或者其他音樂或者歌舞嘅plaugroup，等小朋友多啲機會接觸其他人，同喺輕鬆啲嘅環境open自己多啲？當然最重要真係靠父母同佢地溝通先最有效啦。

最後，之前有位playgroup老師比意見我，我問到阿仔面試咁嘅表現，係咪注定佢唔會入到所謂名幼或較受歡迎嘅學校，老師嘅回答點醒左我。佢話唔係我個仔有問題，係成個遊戲同制度有病，個仔唔適合玩呢個遊戲，唔通我要迫到都病埋一份？呢番見解令我看輕左啲，考幼稚園嘅事都係要隨緣。

講左一大輪，除左借位抒發下，都係想互勉之。正如好多家長都講，幼稚園只係個起步，做父母嘅都好需要調整自己嘅心情，成個入學遊戲真係有排玩，入唔到名幼都唔一定係輸晒，做父母嘅為子女盡左力就算啦。樓主加油！

anghappyfamily

小朋友講話進度有快有慢，如果你真的好擔心小朋友的言語進度，或者可以見下言語治療師 (ST), 比 ST 同小朋友做個評估，而再聽下 ST 的意見和睇下小朋友應該做咩 training, 好多言語治療中心都有 social skill playgroup, 可能對你小朋友有用。

bearwhat

如果仲未講到句字就真係有問題...花錢讀面試班..不如去玩興趣班...1-5放學後去學...好過長時間對住工人姐姐...星期6日要多帶他跟小朋友玩...自己講野會快d..要他自己講要d咩...不要他手指指或只講單字就比佢...

TeriAnla

十分明白你的感受，我都係超級緊張媽媽。囝囝27個月，都係講緊單字，我剛剛才搵語言治療師朋友了解下囝囝嘅問題同點樣係未更嚴重前自己試幫佢改善。

囝囝今年都面對K1面試，唔識講嘢實在係好大問題。不過我唔會報面試班，只會係屋企多啲引佢回答問題。我已經唔介意係咪俾人叫怪獸，因為我真係唔想4年後，會為今日冇做好準備而痛哭。

Ononma

如果許可嘅話，會吾會考慮搬屋。雙管齊下，考吾到都抽到，考得到又抽到嘅話，仲多個選擇潻。有朋友讀名幼又住好區，一早己考到，最後又好運到抽到。

晞晞爸b

Ryan_baba 發表於 13-6-8 14:02
樓主，你可常試比囝囝同　其他人多講野，eg 去麥記買野，當然你先講一次比佢聽點叫，一，可練大膽，二，可多 ...

謝謝你的建議。已經儘量利用星期日帶佢出街見多d人了，希望情況會改善。

晞晞爸b

petercck 發表於 13-6-8 15:02
面試班冇用架喎。
魚翁撒網係錯既。

今次就係想試下呢d所謂面試班到底有冇用，點都好，最壞打算咪當上playgroup囉，當趁呢d機會去見多d人及同多d小朋友一起玩下...至於漁翁撒網，我並非間間報，只會報果幾間心儀嘅kinder(不過數數下大約又係十幾間咁多）
我始終覺得有多幾個offer先來慢慢揀，冇offer嘅講乜都冇用