數學差,怎算?

ysnuna

P1,數學差,怎算?

Chowying

我個囡 (P.1)都唔見得好, 文字題差, 元角差, 時鐘差!

bonny606

回復 ysnuna 的帖子

Hi, ysnuna,
請問你在那區, 如果你唔介意可以去我朋友間教育中心做評估, 免費的, 他們有方法幫助小朋友去改善數學上的問題!
有朋友個仔去上完話好開心OK喎!如果有興趣, 可以PM資料給你!

daniel2012

其實數學慢慢教就可以
反而好多小朋友都會唔小心/唔睇題目就做

yipcharie

唔好詁p.1我女今年P.3數學都係咁差,為左要應付考試真係要做多些綀習

MariaTsui

ysnuna 發表於 12-5-17 16:57
P1,數學差,怎算?

我囡囡數學都差,我會在坊間買練習俾囡囡做,遇到不明白的地方,我會解釋,之後再做同類題目,最好見多些不同類型題目,因為學校出的題目真的很活,如果同類題目錯得多,我會重出俾佢做,在日子有功的情況下,雖然不是很高分,但總算有70多分,有時會有80多分.

ANNAFRIEND

Chowying 發表於 12-5-17 17:13
我個囡 (P.1)都唔見得好, 文字題差, 元角差, 時鐘差!

我女女, 特別細女, 睇題只題到一半就做. 如比較題要先找出未知數, 再計共有的. 佢就通常剩計未知數, 共有就冇做. 所以成題冇分. 數學係要小心加細心, 小一真係唔係個個小朋友都做得到. 我而家都睇開D, 唔高分都算架啦. 有80幾分我都開心架啦.

daniel2012

將錯左既題目 highlight
然後分類 分為唔小心/噢咀/難明等類別
考試前溫番做番就OKAY啦

Chowying

ANNAFRIEND 發表於 12-5-21 10:34
我女女, 特別細女, 睇題只題到一半就做. 如比較題要先找出未知數, 再計共有的. 佢就通常剩計未知數, 共有 ...

多謝你先, 但我個囡係 concept 未掂, 學校又教得快. 好以元角咁, 件野$39.90, 問佢如果有$50咁夠唔夠錢比, 個囡話唔夠喎, 如果件貨係$39, 咁就夠喇! 講極佢都唔明

smallfoothk

報暑期班補數

ANNAFRIEND

Chowying 發表於 12-5-21 16:20
多謝你先, 但我個囡係 concept 未掂, 學校又教得快. 好以元角咁, 件野$39.90, 問佢如果有$50咁夠唔夠錢比, ...

o甘即係佢連"大過"同"小過"的概念都未掌握喎. 你試下出多d呢種題目比佢做.

例如: 50 (         )60
         34 (         )16

叫佢填</>符號. 我女女學校係會有呢種題目train小朋友.

我女女就未完全掌握硬幣換算成角, 即係一個兩元可以換幾多個一角, 兩角, 5角等. 我覺得其實咩都真係要教定先, 唔可以等學校教到先教, 甘樣好辛苦.

ANNAFRIEND

daniel2012 發表於 12-5-21 10:37
將錯左既題目 highlight
然後分類 分為唔小心/噢咀/難明等類別
考試前溫番做番就OKAY啦 ...

其實學校係有教佢地圈重點字, 睇題目要題哂成條先做巳經講過無數次, 但佢偏偏係見d做d的人. 佢真係唔識做錯我唔會怪佢, 咪解釋再即時改數據比佢做返, 等佢有印象羅. 但係唔小心的你再比佢做, 在家係做岩, 但考試我唔o係佢身邊提醒佢, 佢都係一樣會錯. 呢種小朋友我諗真係要等佢自己開竅.

Chowying

ANNAFRIEND 發表於 12-5-23 11:59
o甘即係佢連"大過"同"小過"的概念都未掌握喎. 你試下出多d呢種題目比佢做.

例如: 50 (         )60

Thank you. 雖然我都明, 但見到你果句咩都真係要教定先, 真係好陰公, 爸爸已經計劃緊暑假要預先教d咩, 預習d乜嘢, 做乜要攪成咁

ANNAFRIEND

Chowying 發表於 12-5-24 14:33
Thank you. 雖然我都明, 但見到你果句咩都真係要教是先, 真係好陰公, 爸爸已經計劃緊暑假要預先教d咩, 預 ...

唔只你唔知, 好多人都唔知點解而家個教育制度攪成o甘.

Ronniema

教小朋友數可以在日常生活中同佢玩, 例如請他幫你買報紙,(當然在你視線範圍內) 第一次給他處6.00, (剛好不用找), 第二次給他$10.00, 找回來的問他有多少, 每日我們都有很多零碎支出, 可以抽些易計算的請小朋友幫手, 做到的時候他也有成功感, 到你回到作業本, 他們就不覺得特別難, 又例如坐小巴, 去超市都是一個好地方教數, 你可以叫小朋友幫你"格價", 看看哪些同類產品抵買,
而平時叫阿仔幫手看時鐘, 睇下大家想看的電視劇夠鐘做未, 都可以train到佢地的

其實學數最緊要明, 年紀小的孩子多做練習會容易覺得悶的,  不是每一個肯做, 更多的是愈做愈怕, 一般孩子學數問題都是攪不清基本概念, 要看看你的小朋友那種概念攪不清, 用一些簡易生活例子教, 也是不錯的方法,

qkhui

其實樓主小朋友都係小一, 我覺得不用太心急同緊張.
有時小朋友個思維真係未到, 就真係點諗都諗唔到
你千奇唔好嚇怕佢. 因為做做學如果無佐信心就會好麻煩.
一無佐信心, even 係計好簡單的加減數都會錯.

好似我仔仔, 依家小四, 在初小時, 數學分數好唔穩定
可以由一年4次考試中, 分數可以徘徊在6x-9x.
上落好大, 好恐怖, 當中你會發覺佢無佐信心. 噉好大問題, 好大件事.
我見佢有時有o的文字題, 點教佢都係唔明. 個思維未到就真係點教都唔得.
噉我唯有先放棄一o的佢唔明的數學(因知考試都唔會出太多). 因為我發覺, 如果我越放大佢不明的題目, 佢只會連其他本身明的, 也會失去信心. 噉就會做得更差. 他在小三一次考試中 其他科都有9x分, 唯獨數學得69. 當時他失了好大信心. 所以到最後一次考試, 我們只叫仔仔小心去做, 期望有7x分, 等他不要有太大壓力. 很感恩, 順利過度.
到了小三升小四暑假,  嘗試幫仔仔報數學課程, 在暑假中, 他慢慢的有回信心. 又可能成長了, 很多以前不明的題目, 慢慢開始掌握到, 仔仔見自己慢慢進步, 很開心. 對數學巳沒有以前噉大抗拒, 到今年小四, 考試分數慢慢的進步, 巳去到A級成績. 在我及先生立場, 取得A級成績當然開心, 但其實當中見小朋友, 計數學時的表現, 比起之前的開心了, 輕鬆了, 這才是最大的安慰,
所以我自己覺得. 在我仔仔來講, 不停做EXE 對他不是太有用. 父母的表現都是很大的推動力.
大家加油 !

sengayy

請問你幫仔仔報什麼數學課程? 我囡的數也是很差, 一星期一堂補數, 測考經常不合格或60分多些, 很擔心. 謝謝!

sengayy

請問你幫仔仔報什麼數學課程? 我囡的數也是很差, 一星期一堂補數, 測考經常不合格或60分多些, 很擔心. 謝謝!

yy媽

peggyyau 發表於 12-6-4 09:34
回復 ANNAFRIEND 的帖子

My daughter is same case.  Ask her to circle the 重要眼眼, but she does not  ...

我女女之前數學又係好差，最後我報左數研見老師係比練習女女做,但做過程係教佢睇題重點, 學左一個月就停左,之後我就自己買練習比女女做,而家改善左好多 .

例如: 小明2歲，哥哥比小明大3歲，姊姊比哥哥少1歲，請問姊姊多少歲?
呢題我女女之前都唔識, 老師教佢將大字HIGHLIGHT,之後用箭咀指向哥哥, 即係哥哥大小明就是2+3 =  5 歲,  
而將小字HIGHLIGHT,之後用箭咀指向姊姊, 即是姊姊小,由於哥哥已計算是5歲  姊姊即是5-1 = 4歲

我女女重複做呢類題目, 慢慢佢掌握到, 而家好少錯.


另外 : 錢方面,  如果之前小朋友是好少接觸錢, 一定未必明同掌握兌換數量, 小朋友真係要比實物佢數,時鐘就比個鐘佢扭先明 多練習一定有改善, , 我都係用呢個方法教.

希望可以幫到大家.

YY 媽





.