英文好差的父母們.你地會否比子女讀國際班呢

jjj213

如真的很想子女唔會好似自已咁.但又怕唔識教佢功課.和睇通告.因我比佢讀國際班只是n. 如無意外k就轉回主流班,因會比佢讀本地小學,但想佢n可以多點接觸英文d.你地會點做?

yame

我個仔N班隔兩三日就有一兩份英文通告，佢啲班主任都係外國人，如果你想出席學校活動，要講英文，不過佢地唔會因為你講得唔好而歧視你。

vnghk0001

PN 功課都會有英文問題，自己唔明又點同小朋友做？
反正k1都上返主流班，無謂個個星期問人點做。
其實想小朋友多接觸英文，可以先係屋企教abc先，再買英文dvd同佢一齊睇一齊學，咁可以親子嘛。

jjj213

我都決定了明早打去轉.希望有位啦.最怕學校嫌我麻煩

bearwhat

n1應該無咩功課丫..有都係塗色姐...
我都係因為想個仔可以返學果3hr聽多d英文...寫信轉國際班...k1先轉返中英班...

jjj213

其實我都知道n班都係上堂玩下bb其實好輕鬆.但我只係怕自已同學校溝通唔到

careysum

我唔識英文,但小朋友係讀國際學校TIM啦! KAKA,睇下你自己點睇,溝通問題,搵人幫手架咋,我又唔覺得有問題.

Angelawjb

我覺得冇問題，我阿囡幼稚園開始就讀國際學校，宜家中學了，英文在班上未下過前三名，做功課從來不需要問人（問我我都未必答到佢）

vnghk0001

八卦，但係點解只讀一年pn國際班，而k1要轉回主流班？

leungcnine

其實點解K1 要轉主流呢? 我ENG 都好差, 但都照同阿囝報國際班, 就係因為想阿囝讀好D ENG, 上到小學先追得無咁吃力, 國際班讀番本地小學有咩問題? 唔通個個讀國際班GE 都要讀國際小學咩..

ACB

我自己英文都係好唔掂的,而仔仔就係國際班讀左四年,英文個底打得唔錯,真係睇你點睇,我覺得問題不太大

lalawowo

我覺得國際班讀本地小學無問題喎。我都打算比呀囝n同kg讀國際班然後報本地小學。其實學普通話小朋友書寫中文嘅能力會高d架！

summato

就係英文唔好先想個仔女好. 我有鬼佬朋友, 都係俾佢d仔女讀local school , 因為英文係屋企已經學夠, 佢地想d仔女學d佢地都唔識既野

Bosco_bb

但係國際班個班主任係外國人, 又唔識講中文。但我英文好差, 好難同佢溝通姐。有時打黎講番仔女返學情況, 但都聽唔明佢講咩, 咁都c啦......如果同個班主任溝通都溝通唔到, 不如讀主流班算喇.....

程

有經驗既家長可否比D 意見...
家長英文差係咪最好唔好讀國際班咁心頭高.
英文班主任打來講阿囡情況都唔識聽回應咁點算
通告都話可以查下字典唧..

AnnetteB

其實唔需要太擔心，你可以打去你心儀的幼稚園問問，我都坦白話比佢地聽我唔識英文，小朋友讀國際學校或班有咩困難，有d學校好好，比好大信心我，叫我放心比小朋友試試，佢哋會好快適應，困難不大，家長方面學校會有特別安排，有問題可以直接打比校務處，佢哋會幫手翻譯。不過有d學校會好直接話比你知，家長要自己衡量，學校無特別幫助/安排。

程

我都有同學校講過個情況..
但佢地話例如家長日未必會安排倒翻譯呴
佢地建議選主流班

vnghk0001

都係要自己衡量啦，係咪差到係屋企同佢睇下課本嘅能力都唔得？想下其他小朋友英文好，並唔係只靠學校呢，語言係需要時間、環境去保持，即係你唔幚佢溫書，只靠佢自己，得唔得？出黎嘅效果有幾好？呢啲都係考慮嘅因素，又或再報下英文play group ，係屋企睇英文台，比多啲機會接觸，會好啲。
我阿女k1, 成日上堂發夢、唔專心，返到屋企問識唔識，佢都話唔識，唯有自己再教。

程

唉..咁我相信PN 又唔會難到教唔倒既..
不過都係怕班主任打來講返阿囡讀成點唔明, 改善唔倒阿囡
咁樣會影響阿囡係老師唔好既印象

winglsw

國際班interview 唔係要用英文咩? 我英文唔太好, 心大心細比唔比阿B讀國際班