對唔聽指令的小朋友，PLAYGROUP 是否浪費金錢？

lsftsang

個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效還是浪費金錢？有冇家長可 SHARE 經驗？有甚麼類型的 PLAYGROUP 會比較適合和可訓練這些唔聽指令的小朋友？THX。

sheffield

看來你你要的不是普通playgroup，是特別幫助小朋友學習聽指令的課堂。如你都叫佢唔聽，你都要一齊上堂，學習如何幫亞b停下來聆聽和聽指令…

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...

javierpoon

你試吓比佢上啲體操類,四圍玩果啲pg,或者啲自由度大,好似蒙特梭利果類,等佢習慣上堂既模式。

babyakambm

My boy is the same, he is also 18mths & always want to walk around during playgroup. I let him walk, as long as not too disturbing others.

I understand your situation, seeing other kids are so good & sit down quietly during story time. But maybe this is his character, so I try not to force him to sit down.

kiki.kiki

我個仔初初上時都唔得, 不過而家好好多, 佢已經習慣咗D程序

俾D時間BB啦

wendycyp

其實你呢個情況我個仔都有, 佢18個月開始上playgroup, 上咗接近10個月共3個學期, 下個月開始返n1.

我個仔都係活躍得好緊要.  佢一開始果個學期都係坐唔定, 全堂2小時, 大部份時間都係周圍走.... 唔會聽老師講嘢, 又唔跟指示做, 遇上有興趣嘅先至會聽一陣, 有時更會扭計大叫同喊.  同班同學都有兩三個好似我個仔咁 (全班有10人).

不過呢個情況去到第一個學期尾已經有好轉.  佢第二個學期已經可以坐定定聽指示, 仲好鍾意返學添!  我諗有d小朋友係要多d時間去適應同鍛鍊佢哋嘅專注力, 唔好太心急啦!

katie0208

我個仔都係咁 , 所以上埋呢個PG 我地都吾玩住

等佢大D(2+)先再玩english PG, 而家可能報游水班

我覺得佢而家(1.5)係會自我D, 如果佢吾enjoy 個PG,甘咪遲D先再join, 最緊要玩得happy

lsftsang

原帖由 wendycyp 於 10-7-15 13:25 發表
其實你呢個情況我個仔都有, 佢18個月開始上playgroup, 上咗接近10個月共3個學期, 下個月開始返n1.

我個仔都係活躍得好緊要.  佢一開始果個學期都係坐唔定, 全堂2小時, 大部份時間都係周圍走.... 唔會聽老師講嘢, 又 ...

上10個月共3個學期 PLAYGROUP 都未坐得定，上耐些其實有冇幫助還是要等他自己開竅才有用？其實有冇訓練幼兒專注力的堂或 PLAYGROUP？我查過有的都是要起碼三歲的。大家有冇 SUGGESTION？我應唔應該繼續俾他上現在的 PLAYGROUP 呢？

我係女仔

我個仔同你個仔一樣, 我比佢盡早返學, 要每日返果隻, 返左幾個月, 己經有進步, 起碼會乖乖坐係度聽老師講野, 唔會亂咁掉野

[ 本帖最後由 我係女仔 於 10-7-15 15:13 編輯 ]

brrbaby2007

PG其實除左阿b都等如家長自己上堂，家長聽完返屋企要同佢再做架

wendycyp

唔係呀, 我個仔上第一個學期尾已有好轉, 第二個學期已經會坐定定喇, 不過當然間中都會自己走開, 老師都讚我個仔進步咗!

老師都話呢個年齡嘅小朋友專注力係唔高, 可能得3-5分鐘, 上到k1會好d, 大約有10分鐘.  18個月始終仲細, 你都話要三歲先有呢類playgroup啦, 同我個仔個老師講要上到k1都好吻合呀!  所以你都唔好太心急啦!

我陪小朋友上playgroup其實係想佢有機會接觸多d小朋友, 學下同其他人玩, 同埋當係返n1嘅預習 (當然n1就冇我陪佢上堂喇).  所以你話應唔應該俾小朋友繼續上playgroup, 我覺得最重要係睇下你想佢返playgroup嘅目的係咩!

原帖由 lsftsang 於 10-7-15 14:33 發表


上10個月共3個學期 PLAYGROUP 都未坐得定，上耐些其實有冇幫助還是要等他自己開竅才有用？其實有冇訓練幼兒專注力的堂或 PLAYGROUP？我查過有的都是要起碼三歲的。大家有冇 SUGGESTION？我應唔應該繼續俾他上現在的 PLAYGR ...

七點半

我個仔以前返playgroup都係咁...一到講故事時間就自己四圍行唔肯坐下...要返了差不多3個月佢先肯定下來...後來因為流感無再返....之後就返n班...去到新環境...佢都係咁樣又唔肯定下來....如果你有時間有金錢當然可以嘗試不同playgroup...不過, 我相信小朋友只要比d時間佢就會適應...有同輩壓力....

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...

sheffield

請唔好介意我講嘅野…
如果小朋友唔聽指命，成日走黎走去，其實會影響到其他小朋友學習…我試過上堂音樂堂，兩個daddy mommy都搞唔掂一個仔，亞仔走黎走去，姐姐攞住d樂器佢又去搞，果堂根本就上唔到堂…
小朋友細，但還是可以學司指令，爸媽係可以學習如何處理小朋友唔聽指命嘅問題的。如因為自己小朋友唔聽指令而影響到別的小朋友上課，(唔會唔影響，姐姐一定要停下，小朋友亦會被distract等)，咁就唔係太好囉！
當然，小朋友的專注力一定有限，有時會起身走開，但走開一下，媽媽叫就back to the seat or back to mommy，這就當然沒問題，其實已經做得好好添！
幼稚園同playgroup唔同，幼師比較專業，佢地會比playgroup姐姐懂得如何處理唔聽指令嘅小朋友。
樓主所說的專注力training，細個少少都可以開始，如樓主真的有興趣就請PM我，我會試試給她一點資料，但樓主亞b都仲細，我會建議樓主試試幫亞b找找興趣，投其所好，搵d佢會鍾意嘅playgroup。如唔能坐定定聽故事或聽音樂搞樂器，咁就可以先試試baby gym類，如亞b鍾意又一定要聽話，守規舉至有得玩，咁亞b就會開好學聽話守規舉…做好左dd就再試返之前唔係咁得果d…
我認為小朋友可以欠專注力，始終係性格唔同…但紀律就一定要守，爸爸媽媽叫都唔聽，咁爸媽就一定要在家下多點功夫了…

fishballbaby

你BB之前有冇返開PLAYGROUP呢?  如果是初初返，佢可能未知發生什麼事，還未懂得何時坐定定?  何時取玩具和收玩具等指令。

我也是過來人，如果BB持續返了一段時間還未改善，或者要正視也這個問題，因為我囝囝初初返PLAYGROUP周圍走，唔肯做小手工，叫佢名字又唔應，又唔聽指令。或者有需要，你可PM同我傾吓。

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...

wendycyp

好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開.  好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一位老師帶走個小朋友, 等佢冷靜下.  

我個仔比較活躍, 我想佢學下有耐性, 有秩序, 唔好成日都咁心急, 所以我冇俾佢上活動型嘅playgroup, 反而揀正規幼稚園辦嘅playgroup, d老師都係教緊n1-k3, 好有經驗, 可以令到小朋友守紀律同專注, 好似一個濃縮版嘅n班.  我個仔真係比以前有紀律同守秩序, 不過真係要花時間, 唔係上一段短時間就可以睇到佢嘅轉變!

原帖由 sheffield 於 10-7-15 16:58 發表
請唔好介意我講嘅野…
如果小朋友唔聽指命，成日走黎走去，其實會影響到其他小朋友學習…我試過上堂音樂堂，兩個daddy mommy都搞唔掂一個仔，亞仔走黎走去，姐姐攞住d樂器佢又去搞，果堂根本就上唔到堂…
小朋友細，但還是可以學司 ...

lsftsang

原帖由 wendycyp 於 10-7-15 18:08 發表
好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開.  好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一 ...

請問邊度有正規幼稚園辦嘅playgroup？那些老師會否個別幫助有專注力問題的學生？或有邊位好老師介紹？THX。

fishballbaby

正規幼稚園的PLAYGROUP有維多利亞、好時光、德寶都有，你可以問吓你屋企附近的幼稚園呀!

原帖由 lsftsang 於 10-7-15 23:52 發表


請問邊度有正規幼稚園辦嘅playgroup？那些老師會否個別幫助有專注力問題的學生？或有邊位好老師介紹？THX。

henrietta168

原帖由 wendycyp 於 10-7-15 18:08 發表
好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開.  好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一 ...

Would you send your playgroup info for me?

snowygary

strongly agree,最重要係父母叫得到,如不能,真係要找bb有興趣的,同埋睇下平時邊個湊再找問題根源

原帖由 sheffield 於 10-7-15 16:58 發表
請唔好介意我講嘅野…
如果小朋友唔聽指命，成日走黎走去，其實會影響到其他小朋友學習…我試過上堂音樂堂，兩個daddy mommy都搞唔掂一個仔，亞仔走黎走去，姐姐攞住d樂器佢又去搞，果堂根本就上唔到堂…
小朋友細，但還是可以學司 ...

Freesia_cat

見到你所講，心有同感，所以真係好想同你分享下。

我囝囝同你囝囝一樣，唔怕羞，非常好動，最憎circle time，亦唔喜歡聽指令，佢喜歡自己試。佢好細個(6個月大)，我就已經帶佢上不同類型的pg，不過我比較認同跟住小朋友性格去揀pg，基本上我都揀一些有reputation會較接受不同性格小朋友的pg，即至少唔駛佢地成堂坐定定那種。

但我要跟你分享的，是囝囝1.5歲時入左維多利亞pg。記得第一日上堂，一班8個小朋友都係新來報到，有3男5女，全部差不多大。我囝囝一見到玩具就要玩，而且老師叫又唔肯聽，唔肯乖乖坐底聽故事，唔肯做手工，淨係想出去玩車車...... 而其他小朋友，即使同是男孩子，都會乖乖聽話，乖乖聽指示，心中真的不是味兒...... 如是者過左數堂，次次都要不停吮阿仔，試下坐多陣聽下故事唱下歌，試下排隊唔好掛住玩，當中有成功有失敗。

有次下課後，我正在執拾東西，中文老師走過來同我傾偈，好自然傾到小朋友。佢同我講，囝囝喜歡自己試係件好事，有自己主見亦是好事，小朋友個個不同，叫我唔好同其他小朋友比較。佢話見我會嘗試吮小朋友聽下講故仔，見小朋友開始唔專心會嘗試再引導佢嘅注意力，我已經做得好好，佢叫我唔好太擔心。到第二個星期上堂，中文老師叫我囝囝幫手搬嘢，幫手把東西分給其他小朋友等等，做完就讚佢叻叻，我囝囝好開心，所以都乖乖做。中文老師同我講，我囝囝已經到左那個喜歡聽讚賞的階段，佢已經明白做某些事會得到讚賞，叫我多d在佢做得好的時候讚佢。所以我又跟中文老師學習，囝囝乖我就俾個叻叻佢，結果慢慢地開始見到結果：阿仔去音樂室途中唔會再要去playroom玩車唔肯上堂，playtime過後叫佢去洗手食茶點佢會聽，玩完玩具會執拾，音樂堂會好投入，聽故仔雖然有時都仲係會郁身郁勢，但大致上都可以。

至於英文老師，雖然我囝囝畫畫時會好messy，但佢唔會阻止佢，仲讚佢好有創意，令囝囝的自信心增加。有時阿仔在她的堂頑皮，佢都會好包容佢，仲同我講叫我唔好介意，小朋友係咁，在安全情況下都可以盡量由得佢。

我好感激呢兩位老師的包容，同對我呢個新手媽媽的指導及安慰。講真我覺得上pg唔只係為小朋友，而且亦係俾為人父母一個學習做父母的機會，所以一d都唔係浪費。而且我想同你講的是，relax，唔好太擔心，只要處理得宜，佢嘅長處就可以盡量發揮，短處盡量改善。聽你形容你的小朋友，歲半人仔唔怕羞，活潑好動，友善對人呢d全部都係優點，只要你耐心慢慢培養佢嘅專注力及耐性，咁就已經係個very good child啦！

希望我同你分享的會幫到你啦！

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...