迪士尼美語--產品更換一問?

carollam310

我02年入會至今未試過產品更換換碟(CD,VCD,DVD)的,最近發覺大部份碟的碟面都有花,有D播放時唔多順,我想問有冇人知可唔可以一次過將全部碟(CD,VCD,DVD)換新?有冇人試過?係咪真係花左有得換呢?

Paklamma

我換過碟(CD,DVD）and book.

carollam310

真係可以換就好囉,我今日打去講,佢地問長問短,又唔即刻幫我登記,叫我帶D碟比佢睇下先,仲要一星期後先覆我.我怕佢check完話唔換比我.我剛剛先續左會藉咋.一直都冇用佢地既服務,買套野返黎係比阿女當卡通片睇,所以我冇理佢點睇架,依家阿女都6歲幾,冇乜點睇.遲D可能賣鬼左佢.

Paklamma

At my experience, the exchange procedure is more smooth. First, I faxed the form to them. Second,  they called back & re-confirm the items within 2 hours.  Third, we picked up the products after one week at their centre in TST.  There is no need to show the CD/books to them after I faxed the form. We just exchange the old items when we pick up the new one.

carollam310

Paklamma
                        我尋日打去問,有人接聽,佢問長問短,叫我今日拎晒要換既碟上去比佢check下,一星期後覆我,仲話係有問題先換比我.我之前未換過架,所以唔知佢有得電話登記,02年至今我都係白交年費,從未用過佢地既服務,我續會既原因係當我女女唔用套教材,最後先拎去換過新返黎,賣出去都高價D嘛.點知我一想換就咁....................

Paklamma

Carollam,

可能因為你要全部一次換過, 所以比較多嘢問.

carollam310

o岩o岩拎左出去,佢叫我返來等一個星期喎,

carollam310

o岩o岩收到電話,話要等多一個星期,都唔知驗乜要驗兩個星期.到時會唔會奸賴唔換比我架?

celia_ip

可能佢地諗住全部dvd同你睇一次有無問題呢??!十幾廿隻dvd,幾十隻cd,一星期差唔到囉,(講笑啫)
佢哋打黎你問吓佢地要check乜,check咁耐??

ABCMAMA

我想在這裡講講我換書、換蝶的經歷。

我在2003年9月買了整套full set 俾bb，至今曾換貨3-4次，一直都頗為順利，只是有會在電話中詢問我破壞的原因，但取貨時World Failmay職員的態度一直都良好，直至最近我到World Failmay換貨時，卻發生一段不好的經歷。

那天給我換貨的小姐叫Candy,我去到時已認得她，因她曾在季刊中叫家長要教孩子不要撕書，又話浪費！當然我也贊同佢既說話，我身為bb的家長在bb每次撕書時也會教他，但由于bb尚小，我的bb現在才20個月，撕書一定會有，故此換書也是必然的，並無不妥。

說回昨天，我拿了4本書給她換，哈！我真是從未試過，她每本都像驗屍那樣逐頁揭，一路揭一路話要教bb唔好
撕書，我話我有教，現在相比一歲前撕書已少了好多，她竟說如果換得太多，公司有權不更換俾家長，又話你地de家長成日以為買套貴教材就貪佢有得換，我話俾你地聽公司有權唔換俾你地，當時我心想都變態，買的時候Consultant話包換的，這也是他們的買點，我是否看漏條款給人家搵笨？況且還要交每年幾仟元的續會費，不給我換，這是什麼意思？

這個女人的嘴臉就好像間公司是她開那樣，有權操生殺權，跟住又話我要話俾bb聽本書痛痛，要畫個大公仔在哭，bb才知書痛，不會撕書，又話要話俾bb聽媽咪換書好辛苦，叫佢唔好撕書，又話本書爛小小，公司有權不更換！佢都百痴的，首先，反正我要出尖沙咀換書，更是一次過換晒所有破損的書，其次，我都話俾佢聽我個仔得20個月，連講話，聽我講野都未識，仲長篇大論同佢講，我bb咬完我后，我在扮哭，話痛，他也不理會，更何況是本書！這招可能對年長的bb會有效，但對于一個剛滿20個月還未識聽、識講的bb根本無效。

其實最令我不滿的是個位candy姐時常用公司有權不更換給家長來作恐嚇，好像我見在我前面排隊更換書的爸爸拿著一本Mickey & his Friends的細書仔去更換，我就覺得好奇，因為去年8月我買時Consultant話無得更換，而那本書我bb在8個月時已撕成散頁，于是我問Candy姐，Mickey & His Friends本書可以換嗎？她說以前不可以，現在可以。于是我話因為我個仔將本書撕成散頁，故此等我又拿來換，她竟立即說不可以，爛得太厲害的書，公司有權不更換，這本書是新會員才有得換的，我說我還不算新，我去年書展才買，她不出聲，要是我知道這本書有得換，早在我bb撕破一、兩頁時，早就拿來換，也不用弄致今天整本書散了，她竟說若本書破爛太小，公司也是有權不換俾你，天啊！一時又話爛得太嚴重不能換，一時又話爛得太小又不能換，究竟怎樣才能換？難道拿本新書同你交換？！

最后Candy姐話，我幫你落Order話換這本書，屆時如有人話不能換，那你就話Candy話可以便成，我表面向其道謝！但心卻正罵著她，從來無人話過我這不成，那又不成，就只有你是這樣！還扮好人，其實至乞人憎的正是她！

註：平日我時放工后才去換貨，最近一次不快經驗卻在上班時候去換，故終究原因可能是當值的職員不同，處事手法、態度也不同所致。如不想有不快遭遇，還是6:00p.m.后才換貨，且要避開那Candy姐實在太難頂！太乞人憎！

carollam310

我都怕佢話唔換比我,我剛剛才續了會,我之前未試過換架,唔知係咁煩,佢依家要check 我D碟check兩星期呀.希望肯換比我啦,我D書好似新既一樣,所以唔駛換,只係D碟花左,碟盒爛左,我打算換左返黎就唔要套野,賣鬼左佢唔駛煩. :

muyugoo

我今日5:00pm去換貨, 係果位candy姐！！
佢又無咩野喎,,我一次過換十幾本書佢睇都無睇啊

小妹妹

我都好想買這教材,但好昂貴呀!我都在爭鬥中...
真是有這樣的更換服務嗎?真係甘差呀?但我d朋友又話佢地d服務不錯的...夠境邊個先真架??係唔係因為你地所講個位candy姐拒絕你地更換所謂無問題的產品所以你地覺得人地不好呀?會不會是太主觀呀...我估她都是打份工...甘佢咪比你地罵到九彩........   

思樂媽媽

我估佢地要人客放低d碟 check 的原因, 其中可能有個原因是佢地可能會想check 麻 d碟 (尤其dvd) 有冇比人解到d碼而番錄.  如果比佢地check 到d碼被解了, 咁就一定吾肯更換ka la.

carollam310

我冇借過比人番錄架.佢吾肯更換比我係因為怕D人換完賣比其他人喎.我仲未妥協架.仲爭取緊 :evil:

思樂媽媽

咁佢地更換服務都好吾惦bor!  買吾買送吾送借吾借比人關佢地乜事bor!  人地買咗點處理都吾到佢地理la!  COMPLAINT 佢地LA, 一定要堅持到底, 因為這是佢地的售後服務 AH MA.   

ABCMAMA

我諗事件又係Candy姐攪鬼，呢個女人好似自己係World Failmay事頭婆咁，时常話公司有权不更換，真難顶！當日我是在11:00a.m.換貨的，換貨時我冇跟她顶嘴，只是一路聽她發up風，但自己心裡卻在不停罵她，誰叫自己要換貨咪忍law，所以受氣唔係Candy姐，而係我！咁換完貨后我就将我的經歷公诸同好，等大家有个借鋻。

至于有媽媽在同日17:00p.m.換10多本書，佢都無check過，但我早上換4本書，佢就驗屍咁驗，即每本都逐頁、逐頁咁揭，一路揭一路發up風，一路話你地班媽咪時常黎換書，公司有权唔換架！我看可能上午candy姐無閒，又覺得自己係部門主管，唔可以随随便便像個文員般換貨，咁咪教训/恐嚇我這個面容看来像個欺欺文文，小鳥依人的媽咪！諗住我唔会駁佢或嘈佢掛！至于下午5:00，可能佢要趕落班，所以咪麻麻乎乎掛！

我bb現在才20個月，買了才刚刚1年，仲有大把机会会有爛書、花碟的情况，如果以后換貨都好像今次这樣，又或像carollam媽那樣，真教煩死人！

所以我好支持carollam要堅持到底，既然已交左会費，點解唔可以換！否則日后我們这班媽咪仲有權益可言！

carollam媽！支持你呀！complaint到底！有新消息就話俾我地聽呀！！

carollam310

我未有時間上去拎返D碟,只知道只肯換3.4隻,其他全部打回頭.佢地check完之後就話我知,唔係你話花左就拎黎換架,要真係睇唔到先可以換,花左睇到咪得囉,無須要換新的.連賣套野比我個sales都反口,話花左冇得換 :evil: ,話公司唔想你換完新既就賣套教材比人. :evil:
我唔會就咁算數,我有續會仲係會員就有權去換新.有朋友教我用其他方法complaint佢地公司.唔通真係要搞到去報紙D投訴版投訴????????

芬姐

我個 friend 都係會員，佢不過就換左少少野，我將你個同我個傾，佢話未試過咁樣情況，都幾順利架喎，不過佢話「人為」既損壞唔換架喎，你 d 碟有冇做過手腳呀？佢地 check 到話可能唔換架喎！

carollam310

我冇做過乜野手腳呀.又冇借過比人番錄.佢地 check 過就係話唔夠壞,只係花左.花左睇得就唔可以換.要唔睇得先可以換,我問過其他有呢套教材既媽咪.佢地都未遇過咁既問題.唯一可以解釋就係佢地係比較新既會員,用左冇幾耐.我呢D用左咁耐而個小朋友又大.(6.7歲),佢會以為我換完新之後走去平D賣比人.影響佢地既生意,所以唔肯換比我.賣套野比我個sales都係咁講架.話公司怕換完新既比你,你之後走去賣比人.所以唔肯換.仲叫我睇得咪得囉.唔好話花左小小就拎去換. :evil:
如果係咁既原因其他媽咪遲D都會好似我咁.用左2.3年成為舊會員,佢地又會怕換完新既比你去賣比人.咁點得架 :evil:  :evil: ,賣左套野比我就係我.你理得我點處置.產品更換係佢地既售後服務黎架嘛 :evil: 如果係咁我駛鬼續會呀.我白白續了兩年會藉,笫一次換野就咁對我.況且我又冇做錯乜,又冇借過比人番錄.又唔係成日上去換,佢地check過晒我D碟架.只係話睇得唔准換.要唔睇得先換得.同頭頭賣比我o個時講既唔同晒    我點都堅持到底.