義工.....都要比人鬧?

Nymph_

今日係學校正式換季,但有部份學生唔記得咗,咁我地(係學校做義工,負責檢查校服儀容)嘅做法:
1.請學生打電話比家長,叫家長攞冬季校服回校.
2.收手冊.
今日有兩兄弟,大嘅都六年級,著錯校服,咁我就搭住佢膊頭(我嘅語氣只係同佢傾計,)問佢想叫家長攞校服番黎比佢換定收手冊.點知兩兄弟都冇出聲,問咗好多次都冇反應,咁另外一位家長就帶個小朋友行出Ｄ,就見到佢位家長.點知位家長,一見到位義工帶住佢個仔,就好'興',一輪機關槍咁鬧.佢話我地做乜搭住佢個仔膊頭,嚇到佢面都青埋,跟住義工好好耐性解釋比佢聽,點知個家長話,我夠知要換冬季啦,不過今日唔記得,聽日會著番冬季校服,手冊都唔駛收.之後我地都收咗佢手冊.
我唔明個位家長太保護個仔,成12歲仔,有問題唔識處理,第二時點出黎社會做事?
    

janet

呢d家長咪有問題囉,自己個仔做錯野,仲大聲夾惡,如果我係隔離,我一定會串佢~~都唔知點做人阿媽架,搭下佢個仔膊頭又話嚇到面青,有冇咁誇張呀~~同埋個學生都六年級啦,咁簡單既問題都唔識答,自己都需要記住幾時換季啦~~又係抵鬧~~

purple_lily

呢d家長d態度咁有問題, 佢d仔女都唔慌好, 因為"有樣學樣"嘛~

cheungbb

d人真係麻煩, 明明係自己不對, 又唔檢討一下, 仲大大聲駡人, 真係教壤細路..

w@@henry

所以宜家有D學校有埋家長課程或講座，要教埋家長做人。你話宜家D學校和教師幾大壓力同工作量吖！

Nymph_ 寫道:
今日係學校正式換季,但有部份學生唔記得咗,咁我地(係學校做義工,負責檢查校服儀容)嘅做法:
1.請學生打電話比家長,叫家長攞冬季校服回校.
2.收手冊.
今日有兩兄弟,大嘅都六年級,著錯校服,咁我就搭住佢膊頭(我嘅語氣只係同佢傾計,)問佢想叫家長攞校服番黎比佢換定收手冊.點知兩兄弟都冇出聲,問咗好多次都冇反應,咁另外一位家長就帶個小朋友行出Ｄ,就見到佢位家長.點知位家長,一見到位義工帶住佢個仔,就好'興',一輪機關槍咁鬧.佢話我地做乜搭住佢個仔膊頭,嚇到佢面都青埋,跟住義工好好耐性解釋比佢聽,點知個家長話,我夠知要換冬季啦,不過今日唔記得,聽日會著番冬季校服,手冊都唔駛收.之後我地都收咗佢手冊.
我唔明個位家長太保護個仔,成12歲仔,有問題唔識處理,第二時點出黎社會做事?
    

wendy_

D家長態度好有問題!   

eddie503

都六年級啦, d學生仲係同學校& 學長義工...都好生溥;
學校係咪多注重教育學生的人際關係??
另外想問? 點解會想到叫家長取校服回校換? 吾使返工咩? 寫手冊咪算啦, ....我諗: 都係第一日換季都係甘嗜...咪警告一下咪算!

LilyMaMa

Nymph,
明白你們義工的心情，家長有不對，但作為學校義工無論是好意勸導或作為朋友方式傾談或小朋友做錯，真的不應有身體上的接觸(如:搭住膊頭........)。

Nymph_

LilyMaMa
其實,我地之前係上過一Ｄ課程,都冇講過話唔可以搭膊頭?相反,我地同Ｄ學生傾吓講吓,都會搭膊頭,但佢地反而好開心.
不過點都好啦,多謝你地提醒,我會留意,黎緊23號,我亦會同其他家長係出面上堂,(要自費)上一個課程叫"朋輩輔導",希望學得到更多.
:  :  :

Nymph_

eddie503
點解會想到叫家長取校服回校換?
因為學生都係住附近,5分鍾路程.一來唔駛寫花本手冊,二來多數都係唔駛返工(家長).
如果家長要返工,多數會寫手冊.

eddie503 寫道:
都六年級啦, d學生仲係同學校& 學長義工...都好生溥;
學校係咪多注重教育學生的人際關係??
另外想問? 點解會想到叫家長取校服回校換? 吾使返工咩? 寫手冊咪算啦, ....我諗: 都係第一日換季都係甘嗜...咪警告一下咪算!

Nymph_

另外,今日學校個主任同我地講,話呢件事,尋日Ｄ家長打電話返學校,話我地會嚇親或者會hurt到佢地Ｄ小朋友喎.
聽完之後,我覺得個小朋友好似金絲雀,真係可憐.
    

882

吳好吳開心啦,我有時都見到一些家長好離譜,總之就係人地錯自己最無錯,成日驚人地對自己仔女做乜咁架啦. 我唸佢地真係過分左緊張囉, 而家小朋友己經係溫室長大既一班人黎,好多都好似太過自我,都吳知而家我地係幫緊佢定係害緊佢？

andrew

請學生打電話比家長,叫家長攞冬季校服回校.

Which school is? in our school, no parents are allowed to bring anything to students during lesson's period.

Vernique2005

LilyMaMa 寫道:
Nymph,
明白你們義工的心情，家長有不對，但作為學校義工無論是好意勸導或作為朋友方式傾談或小朋友做錯，真的不應有身體上的接觸(如:搭住膊頭........)。

身體接觸呢個TOPIC其實都有點難度﹐好像我﹐有時見到D學生真的好得意﹐但都忍手不去抱他們。。。。

但照NYMPH的形容﹐好像搭膊頭這些﹐又真的不像會構成問題窩﹐如果是我﹐我都可能會做。。。以前我在加拿大時﹐還會HOLD 著小朋友的膊頭搖添啊﹐班學生仲笑到哈哈聲。

Vernique2005

882 寫道:
吳好吳開心啦,我有時都見到一些家長好離譜,總之就係人地錯自己最無錯,成日驚人地對自己仔女做乜咁架啦. 我唸佢地真係過分左緊張囉, 而家小朋友己經係溫室長大既一班人黎,好多都好似太過自我,都吳知而家我地係幫緊佢定係害緊佢？

緊係害了拒啊﹗經常見地鐵D亞媽亞婆霸位給小朋友﹐唉。。D小朋友又好像覺得應份的﹐IN A LONG RUN﹐其實小朋友會變得很自私﹐很不懂得為人設想﹐甚至他們將來會不會對自己父母好﹐我都非常懷疑。。

Nicole媽

唔知係未我比較傳統, 收手冊行動我覺得應該由學校老師做, 唔應該由義工家長代勞 (而且手冊都有唔少學生個人資料, 係未應該口頭 + 摘名會好 d         )!

lillymarie

Vernique2005 寫道:
[quote]
LilyMaMa 寫道:
Nymph,
明白你們義工的心情，家長有不對，但作為學校義工無論是好意勸導或作為朋友方式傾談或小朋友做錯，真的不應有身體上的接觸(如:搭住膊頭........)。

身體接觸呢個TOPIC其實都有點難度﹐好像我﹐有時見到D學生真的好得意﹐但都忍手不去抱他們。。。。

但照NYMPH的形容﹐好像搭膊頭這些﹐又真的不像會構成問題窩﹐如果是我﹐我都可能會做。。。以前我在加拿大時﹐還會HOLD 著小朋友的膊頭搖添啊﹐班學生仲笑到哈哈聲。 [/quote]
情況有些不同. 學生反應好, 是因為這些身體接觸是在開心時出現, 被理解為友好的表示.
但nymph的情況是: 學生知道自己犯了錯誤, 然後有位陌生人問自己:"想聯絡家長? 還是想寫手册?"
身體的接觸, 多數不會被認為是友好. 對孩子來說, 被捉到, 感覺不好.
(這不代表我認同該家長的做法.)

Nymph_

Nicole 媽
義工家長收手冊,係訓輔主任叫我地做嘅.收咗手冊,我地會拎住係手或者放係張枱度,一見到主任落黎,即刻會交比佢.
至於學生嘅個人資料,我地有我地嘅手則,我地只係收手冊,從來唔會打開學生嘅手冊黎睇.

Nicole媽 寫道:
唔知係未我比較傳統, 收手冊行動我覺得應該由學校老師做, 唔應該由義工家長代勞 (而且手冊都有唔少學生個人資料, 係未應該口頭 + 摘名會好 d         )!

chanhao

題外話...
從一件小事同埋家長o既回應, 可見到香港(唔知係唔係獨有)一個特色. 本來生活忙碌, 人對周圍o既小事不以為意, 但偏偏有很多人十分介懷身邊一些陌生人所做o既小事, 想得太複雜, 反應亦比較敏感. 好似經常聽到人批評地鐵D阿媽阿婆霸位, 其實係好小事嗟, 唔駛下下都話無家教. 莫非一定要好似我係office有d同事開道門邊個行先都讓來讓去, 拉鋸十秒八秒, 先至叫有禮貌有家教咩. 人地可能好'支力'好想坐呢. 我曾係地鐵見過兩母女急急腳走埋位坐, 幾個站之後有老人上車, 個小妹妹主動讓座. 簡單d, 一個人好想做一樣o野, 行快步都好正常嗟. 好似d歌迷衝去睇歌星, 又叫做無家教?

就連係bk比意見, 都要申報, 好似lillymarie...(這不代表我認同該家長的做法.)
或者一個家長摸下人地小朋友個頭, 都要分析應唔應該.
簡單d, 生活會輕鬆d易過d.