回流香港...插班讀小學

wgcw1210

想問下大家, 仔女分別升小二同小四, 中文(聽說讀)程度大約算係跟得上小一同小三
但寫作程度就比較差
請問有咩小學係較多英文, 較少D中文?

係咪大部份津校都係除左英文堂都係中文?
謝謝

Yanamami

HK得好少英小……中小既話除英文堂，数同常識都用中文教｡

MrBeast

wgcw1210 發表於 19-4-28 07:11
想問下大家, 仔女分別升小二同小四, 中文(聽說讀)程度大約算係跟得上小一同小三
但寫作程度就比較差
請問有 ...

have to be 津校?  if u can up the budget, chk out tsl and creative.

wgcw1210

MrBeast 發表於 19-4-28 08:32
have to be 津校?  if u can up the budget, chk out tsl and creative.

我都知津校無乜可能TSL 係咪陳守仁? 啟思成萬蚊一個月... 兩個即係兩萬幾...
剛番香港可能有一排都搵唔到工, 兩萬蚊學費真係有D難搞

我都知直資係英小可能性大D, 加上收生可能比較flexible (我都係估估下)
但插班有幾多位連學校都唔知

都唔知幫細路搵學校會唔會係mission impossible :(

ol_bb

本來想suggest YMCA, 因為中文有分唔同level上堂!

1998Ruby1998

比較熱門嘅官津，尤其英小，插班科科冇高一級嘅程度（即係插小二，你要達到小三甚至小四 standard），成功率都好低。就算係英小，中文、普通，甚至有部份英小係漸進式，即係到高小先轉英文教，或者半科中文教半科英文教。有啲學校插班試甚至考埋作文。阿細可能勝算大過阿大啲啲。

你接受插班二線小學或者唔同學校讀書嗎？中文差少少應該都唔大問題，但你預左追得比較辛苦，因為好多學校都趕課程，比較難「等埋你」。

中西區天主教總堂應該適合你家庭，但唔好期望升中比得上其他熱門學校，學校唔係追成績追升中，而且中西區男仔升中比女仔艱難，除非你打算中學去國際、國外。

如果經濟許可，如樓上所講，試 CKY、啟思（但中文小學，或許對中文都要求要接近返插班個年級）。或者試蘇小國際部，蘇小算係國際學校裡面中文程度高，耀中。直資可以試下聖瑪加利、播道。

不過你要快手少少，最好呢兩個星期交曬信比學校。諗到可以讀嘅學校都寄，收到 interview、筆試 call 先再諗試邊間。

MrBeast

wgcw1210 發表於 19-4-28 08:39
TSL 係咪陳守仁?

yes.  they like 回流 students (probably bcos of their spoken eng).   u will still need to be academically sound but no harm trying

wgcw1210

ol_bb 發表於 19-4-28 08:44
本來想suggest YMCA, 因為中文有分唔同level上堂!

天水圍嗰間? 好似有一條龍0既中學?

ol_bb

wgcw1210 發表於 19-4-28 09:59
天水圍嗰間? 好似有一條龍0既中學?

小學在長沙灣，中學在東涌，中學是直資！

wgcw1210

1998Ruby1998 發表於 19-4-28 08:56
比較熱門嘅官津，尤其英小，插班科科冇高一級嘅程度（即係插小二，你要達到小三甚至小四 standard），成功 ...

多謝你咁詳細0既解答, 我想問下點解你話天主教總堂區學校比較合適?

其實我唔預大部學校會等埋我兩個... 所以先想搵英小... 因為我兩個小朋友大部份0既學業0既嘢都應該學得快過香港同年級, 唯一係中文呢樣可能比較差

阿大因為只有三年去追中文, 所以我怕到升中追唔到中一要求上中一會好大件事 :(

阿細好怕醜, 若兩個要分開讀我估佢要搞好耐先開開心心番學... 最慘佢兩個唔同性別, 所以只可以搵男女校

Yanamami

wgcw1210 發表於 19-4-28 10:08
多謝你咁詳細0既解答, 我想問下點解你話天主教總堂區學校比較合適?

其實我唔預大部學校會等埋我兩個...  ...

http://www.smcesps.edu.hk/?p=school_administration

1998Ruby1998

回覆 wgcw1210 的帖子

天主教總堂 1. 相對少人插班去，亦係男女校，勝算大啲，如果係天主教徒就當然加少少分 2. 中英數按能力分班，中文有分非華語、華語，各科程度淺過一線學校，小朋友要追進度比較容易 3. 算多外籍人士，包括南亞定白人，回流小朋友會容易覺得 feels like home 4. 除中文，所有都係英文教。5. 佢標榜自己係平民國際學校，行活動教學唔死板。
唯獨麻煩：1. 以香港普遍學校秩序黎講，呢間秩序有待改善，有香港家長係頂唔順秩序，轉校走。2. 學校追求過程，不追升中，如果你係期望小朋友留港升中可以入例如英皇、英華女 等名校，你需要考得好前，例如頭 15%（學校冇公佈過升中，所以實際升到 Band 1 校嘅可能更少）。3. 好似普通話教中文？你小朋友有冇呢方面嘅「訓練」（即起碼聽得明）？6. 冇中學部，中西區升中算係港島區裡面比較麻煩。

同區仲有另一間，香港潮商學校，同樣都係英文教學，但南亞人比天總多，接近 90% 係南亞裔。同樣，冇中學部，估計升中應該天總好啲啲，但同樣都係冇公佈升中。

隔離網官立嘉道理爵士小學都 OK，雖然同樣南亞裔多過華人，但有聯繫中學（應該係 Band 3 了），網內 Band 1 位比中西區充足，如果你仔仔同女女追到上去，幾乎一定入 Band 1，反而中西區未必保證。同樣佢係唔公佈升中。

當然，你如果係唔考慮留港升中，呢三間都讀得過。留港升中，始終一定吃虧，畢竟中學更加唔會等人，名校中文都讀到班學生半死，中文最叻果個都驚中文唔合格。

另外叫你試播道同 St Margaret，係因為佢哋都一條龍男女校，英文小學，唔需要煩升中，相比其他直資算少人插班。播道好似冇筆試（？），老師會傾計同問問題，然後一星期內收 call。

wgcw1210

1998Ruby1998 發表於 19-4-28 10:54
回覆 wgcw1210 的帖子

天主教總堂 1. 相對少人插班去，亦係男女校，勝算大啲，如果係天主教徒就當然加少少 ...

再次感謝你咁詳細咁答
我其實都未知升中會點, 所以計劃時盡量唔想影響小朋友咁多, 所以龍校少D變數相對會好D (唔洗又轉環境)

普教中我兩個小朋友有難度, 因為佢兩個普通話只識D好基礎0既對話

播道網上無乜插班入學0既資料, 所以唔知佢幾時會出面試0既result, 想問下你話一星期內會call係咪其他家長0既經驗之談?

起碼, 陳守仁會講清楚6月23號會電話通知...

心急媽媽xxx

或者樓主講下對小朋友的期望，或者小朋友的可谷程度？

tsl係全港最多人考的學校，你大概想到收的是什麼學生。南亞裔學生多的津校，多是本地家庭較少選擇的。

如果實際點，或考慮不太貴國際讀住才插本地，或關愛津校狂補中文，因為如果課程上追不到可能對小朋友自信心有影響，家長也辛苦

ajfamily

回覆 wgcw1210 的帖子

其實你們從哪裡回流返來？孩子英文應該不錯？他們亦應該有現在學校成績表，如果成績理想，應該對他們申請香港學校有幫助。我覺得你點都應該大包圍報學校，不論直資和津校，因為冇人可肯定各間學校插班名額。

GreenMaDad

之前有親戚回流，我試過打電話去教育局問，它們其實都幾願意幫忙，樓主可以試下。

1998Ruby1998

回覆 wgcw1210 的帖子

唔好理咁多，好多學校都低調甚至你打電話去都唔會同你講報名日期，已知有幾間係完全唔講，網頁唔提，你有心就報。
大部份學校都要家長 5 月底前遞信，6 月筆試/面試。播道網上有表格，上年係 6 月 27 面試。一星期收 call 係幾個有 offer 嘅家長都有。不過播道都會揀人去面試，唔係 all in。我建議播道除左因為係龍校，仲因為係佢唔洗面試，小朋友「露底」機會少啲。學校亦係鍾意收英文好嘅人，課程我亦知道唔係教快。佢少課外活動、比賽亦比其他學校少功課測考，你可以有時間去追返中文。

陳守仁成功率低，TSL 係大熱學校，年年爭崩頭。佢中文要求唔低架，你仲要落後，而且陳守仁係普通話教中文...

同樣，不如你考慮插去學費平少少嘅國際學校，過冷河一兩年先再去主戰場。坦白講，以你小朋友中文情況，除左二三線學校，冇咩一線學校會收。（我驚你只考本地學校，但到時候落空，咁你更徬徨）

直資又英小黎講，應該得播道係粵教中，不過佢可能半堂廣東話半同堂普通話。

同上，唔好理咁多，唔好怕學校普教中定粵教中，唔理係官津、直私、國際，考左、收 offer 先再上黎研究。收得你，學校都覺得你係追到。如果怕嘅，呢排多睇普通話動畫，請普通話老師日日講幫補下。唔少香港家長冇語境嘅情況下，日日請普通話同英文老師上門添。

wgcw1210

心急媽媽xxx 發表於 19-4-28 12:04
或者樓主講下對小朋友的期望，或者小朋友的可谷程度？

tsl係全港最多人考的學校，你大概想到收的是什麼學 ...

其實我知我哋選擇唔多, 都無話期望D乜我哋經濟上又唔係話好好, 所以無可能負擔成萬蚊學費 (除二即係最多五千蚊一個月)

加上兩個中文唔係好好, 所以英小會無咁慘

谷唔谷得起真係好難講, 起碼而家兩個0既年齡仲肯隔日坐埋枱做中文練習, 加上都算學嘢快, 但始終未谷過好難講

陳守仁我知多人考, EK都見到

wgcw1210

GreenMaDad 發表於 19-4-28 18:51
之前有親戚回流，我試過打電話去教育局問，它們其實都幾願意幫忙，樓主可以試下。 ...

麻煩你可唔可以講下實際佢哋會點幫
我0既感覺係覺得, 實會有學校收, 一定有學校有位, 但睇下去到邊區咁

mcl203

wgcw1210 發表於 19-4-28 07:11
想問下大家, 仔女分別升小二同小四, 中文(聽說讀)程度大約算係跟得上小一同小三
但寫作程度就比較差
請問有 ...

試下自己去聯絡Marymount和St Joseph，都係女和男既英文津貼小學，回流返港讀書，未必跟一般插班程序，問下無妨，成績達標可以直升自己中學，若收左可以拖長小朋友既適應期，輕鬆好多，唔使短時間谷上一線成績去爭中學學位～～～