佐敦德X小學-老師之不當處理手法

sue1228wong

各位家長:請俾啲意見...thank you...
我侄仔今年七歲,於德X小學讀二年班...其實佢讀一年班時我已經奇怪,因為見佢唔係太開心...我都問過佢,原來佢係學校俾其中一個同學蝦..如推佢落地咁...當時我已經建議幫佢轉校...但係佢同我講:姑姐唔好啦...都係得一個同學蝦我..我唔同佢玩,唔理佢咪得囉..老師會罸佢,你唔駛擔心!!.......當時我都同佢達成協議..如果有同類事情發生..一定要同爸爸,媽媽同我講...
今年9月開學二年班啦...佢俾個小朋友整損塊面,有二至三條小痕..損左小小..當時佢媽咪同老師傾過,但唔追究..因為會覺得小朋友爭執實有..少少事算啦!!!(補充一句:我侄仔無還手,佢係即時舉手話俾老師知)
到12/12佢班主任打俾我..話佢係學校俾同學打左隻一(權)..我同我阿嫂即刻去學校瞭解...個班主任話當時佢派緊券..我侄仔返埋位,另外個同學唔知點解會行埋我侄仔到打佢...我問我侄仔發生乜嘢事..佢話唔知...我問佢同上次整損佢嗰個同學係唔係同一人...佢話係....當時我地已經決定要追究..即刻同班主任講因為係第二次所以要求見對方家長..但係班主任唔知今次係第二次(因為今個學期己經換左三個班主任)...所以要請示訓導...但當時佢話訓導同校長開緊開..唔得閒見我地..我地就話同小朋友去睇醫生先..今日一定要見訓導....當我地走左..班主任打俾我..同我講:黄小姐:我今日有嘢要做要依家走...你地要見主任..我就要留係學校..我唔知佢地開會會到幾時...你要我白白係度等..我好浪費啲時間..我都有嘢做...你不如聽日先至見啦!!當時我地好堅決要等..但佢就要走...ok..我俾佢走先..但我阿嫂越諗越嬲..係6點幾上返學校揾主任..同佢講..當時佢都話唔知原來有第一次嘅事件發生..但係佢應承會處理....到13/12主任打嚟...佢話已經見過對方家長..對方家長亦道歉同俾醫生費..但係我地希望可以由校方陪同下見一見對方 (因為徐左呢兩次事外,對方小朋友仲畫花佢啲書,剪佢本手冊同刮佢大脾)我地想知道有乜問題發生...但校方回應:佢地唔會作出安排,如果要見,你地自己私底下解決!..當時我阿哥同阿嫂都幾嬲...覺得學校好不負責任!今日佢地巳經諗住見校長同幫佢個仔安排轉校...
你地覺得點呢???我阿哥同阿嫂就覺得間學校好無安全感...而我侄仔嘅補習老師同我D老師朋友就覺佢地想隱瞞事件..要去投訴..各位你地又點睇????

sue1228wong

希望各位唔該俾啲意見呀...謝謝

nz

其實你認為需要轉校便轉,你係當事人,你先明白箇中問題.
另外,請問小朋友班主任貴姓嗎?

bk2005

In my opinion, the action taken by the school is reasonable and acceptable.

ohnono

個老師烏sir sir都肯打電話比你而且重您係未徵詢過訓導主任添，佢都算負責任。不過後來見你勢匈夾狼，佢未覺勢色唔對囉，即刻交返比訓導主任處理。容乜易又要換班主任架。而當晚又真係唔得閒，都冇計架，突發既野。不過個主任又真係幾忙，可能好多單傾緊呢。又驚你地來學校，衝動起上黎，係度打架未死。係佢個立場，最好更係等你冷靜下先，第二，即刻聯絡個同學仔家長，說清楚件事，然後再跟你聯絡，道歉好，賠湯藥好，上差館好，寫悔過書好，都係好冷靜的情況下去商討較為可行。個主任睇到你咁惡，佢都驚你帶埋架生上黎，恐怕到時要換既唔係班主任而係訓導主任。人地都係打份工口者，冇必要咁勞嘈，事情總有解決方法，最壞未去報警囉，學習寬恕總好過投訴吧。又可比個正面既教育給小朋友，幾好呀。好似你的小朋友處理小朋友之間的問題處理得比你更加震定！

piggybank

還有這個標題, 已經判左人地處理得不當啦, 還用什麼拿出來討論呢?

有事發生, 我諗大家都唔想. 老師不會坐視不理, 但也不可能保證不再發生. 小朋友的問題, 比番小朋友去面對同解決啦. 唔係搞搞下變成雙方家長的衝突, 對小朋友都唔好!

焯媽媽

一班有愛心,耐性的老師最重要,

我認為一間學校最值錢不是該校的地段, 位置, 校內的設施, 而是老師及學生, 老師及學生的質素最重要....

G-Ma

我都覺得讓家長先冷靜下來再解決是較恰當, 始終風頭火勢, 都唔會傾得出結果, 反而一言不合大家更多怨懟.

toby豆

小朋友之間既問題,大人係好難幫佢地解決,我就覺得唔會無啦啦打你個小朋友,可能佢地之間有野發生左,小朋友唔肯講,呢個都係一個問題.......你應該了解下自己個小朋友先去追究其他野~~~~

sue1228wong

首先多謝各位嘅留言!!!首先我澄清一下...當時我地係好嬲...但係我地真係唔係好惡死....第二:我地係希望可以係老師好排吓去雙方家長會面..原因係想瞭解雙方小朋友有乜嘢問題發生,並唔想單靠我地小朋友去講...我地係好想瞭解件事...並唔係要去鬧對方....第三:依家我地其實係針對學校處理手法...因為佢地最尾嗰個電話實在太不知所謂...咩叫:學校唔會安排雙方家長見面,你地自己私底下見面解決,學校唔會理!!!!...我想問:件事係學校發生...牽涉到兩位學生問題..學校唔係應該擔當一個橋樑嘅角式去處理咩????
不過...依家算啦...我阿哥同阿嫂己經決定轉校...學校亦巳經揾到...依家係等消息....希望收佢啦....因為依家就嚟下學期好少學校會收插班生.....
我阿哥就決定暫時算數...但係會同學校講:保留追究嘅權利,因為驚個仔咁細..會俾學校針對...同埋依家揾緊新學校...驚D新學校應為佢地家長麻煩..會有個唔好嘅印像!!!
最後...多謝各位嘅留言!!!

ohnono

焯媽媽 寫道:
一班有愛心,耐性的老師最重要,

我認為一間學校最值錢不是該校的地段, 位置, 校內的設施, 而是老師及學生, 老師及學生的質素最重要....

你重話要耐性，而家有人被打，重要耐？換轉在大人世界，肯定已有人要坐監。學校亦已逐漸由家長操控，逐漸大人化了。所以一間最值錢的學校就是萬萬不要成為一間名校，否則，校長也只可以淪為一個校役，處處聽命於一班擁有出色小朋友的出色家長。難怪陳日君都要出手了，否則連他的學校也保不住。恐怖！

parent_bb

Dear sue1228wong ,
    不要為不相信你的, 質疑你的言論難過.  你把事情說出來, 就會有人相信, 也會有人不信.  
     bk 有很多家長眼睛是很雪亮的,  是非曲直他們已心中有數, 只是沒有發言而已, 此事已經給大家多一點警覺.   
     我接觸到的個案中, 有好幾個與你侄兒情況相近, 老師和校方的處理手法不是否認, 便是不知道.   
     請你到 (click here-->)  " 關注幼兒園虐待兒童問題家長會"  看看我們的分享, 因幾位家長的兒女在幼兒園受傷害的, 所以就放在 "談幼兒園" 內,  但後來發現有很多小學生, 初中生的個案,  最後與部份家長成立了 "關注學校虐待學童家長會", 歡迎大家來討論, 幫助我們. 因我們沒有人力, 物力, 財力, 時間也少.
     祝你侄兒找到好學校, 若不幸再遇欺凌事件, 校方會積極認真處理, 不容讓學童受到傷害就好了.

sue1228wong 寫道:
首先多謝各位嘅留言!!!首先我澄清一下...當時我地係好嬲...但係我地真係唔係好惡死....第二:我地係希望可以係老師好排吓去雙方家長會面..原因係想瞭解雙方小朋友有乜嘢問題發生,並唔想單靠我地小朋友去講...我地係好想瞭解件事...並唔係要去鬧對方....第三:依家我地其實係針對學校處理手法...因為佢地最尾嗰個電話實在太不知所謂...咩叫:學校唔會安排雙方家長見面,你地自己私底下見面解決,學校唔會理!!!!...我想問:件事係學校發生...牽涉到兩位學生問題..學校唔係應該擔當一個橋樑嘅角式去處理咩????
不過...依家算啦...我阿哥同阿嫂己經決定轉校...學校亦巳經揾到...依家係等消息....希望收佢啦....因為依家就嚟下學期好少學校會收插班生.....
我阿哥就決定暫時算數...但係會同學校講:保留追究嘅權利,因為驚個仔咁細..會俾學校針對...同埋依家揾緊新學校...驚D新學校應為佢地家長麻煩..會有個唔好嘅印像!!!
最後...多謝各位嘅留言!!!

catcatmom

我個仔係幼稚園時比後面個小朋友用鉛筆"督"左隻手，個小朋友係好差（naughty），比老師安排左坐最後個位，佢無ＭＵＤ原因就走到亞仔旁邊就插枝筆落去！當時學校即刻去埋醫院，但校方拒絕disclose小朋友係邊個，老公話保障番個小朋友喎！
E+亞仔隻手forever都有個黑印，如果要求學校見對方既家長，可能真係好多學校都唔會安排，就連個名都唔話你知！我問老公如果當時"督"左隻眼..點算，佢話督左至算啦！

macylovemama

"

栗子媽媽

去埋E院學校都5肯講
比我報警玩大佢呀    

catcatmom 寫道:
我個仔係幼稚園時比後面個小朋友用鉛筆"督"左隻手，個小朋友係好差（naughty），比老師安排左坐最後個位，佢無ＭＵＤ原因就走到亞仔旁邊就插枝筆落去！當時學校即刻去埋醫院，但校方拒絕disclose小朋友係邊個，老公話保障番個小朋友喎！
E+亞仔隻手forever都有個黑印，如果要求學校見對方既家長，可能真係好多學校都唔會安排，就連個名都唔話你知！我問老公如果當時"督"左隻眼..點算，佢話督左至算啦！

kansang

唉！本來已經不想再說德x小學的了，我外甥在一二年班時，經常回來說，他們在校內的英雄事蹟例如四個同學在課室頂住課室的門，不準其他的同學入內，出面和入面在角力.....
在McDonald開生日會拿起椅子互相推倒等，當時是二年級，我的孩子是K3，叫他們停手，但完全沒人理會(留意當時有家長在的)結果就真是打起架來了......後來我不知道，因我抱了小兒出去了.....這是我外甥的生日會來的，我妹也很不高興，也曾想轉校的，但成績也不出色，現在也不提了......他說最緊要給兒子學台拳道，以上或許祇是她的個人經歷，不能代表學校好不好的................祇是分享經驗！    [quote]
macylovemama 寫道:
"

gigi_wong20

唔知係唔係我仔讀緊個間.

goodenough

其實係咪d家長身教做得唔好，咁d小朋友都會曳d呢？

catcatmom

栗子媽媽
我林當時送左去仁安，因我地簽低左比幼稚園有時要仁安，醫生話問題唔大，做消毒＆包扎完走人，只是隻左手多左粒痣，係D鉛泥既。如果"督"左隻眼，一定追究。
我相信果位TAK SHUN 老師態度有問題，唔夠圓滑去處理，
可能佢認為小朋友無MUD大問題，所以至鬆人，又或許覺得個家長係小題大做，如果交左BALL比主任，主任覺得佢舍博，都會比人 。
E＋個個小朋友都係金坡籮，係學校被打OR打人都好常見，
大家要客觀去處理。

栗子媽媽 寫道:
去埋E院學校都5肯講
比我報警玩大佢呀     [quote]
catcatmom 寫道:
我個仔係幼稚園時比後面個小朋友用鉛筆"督"左隻手，個小朋友係好差（naughty），比老師安排左坐最後個位，佢無ＭＵＤ原因就走到亞仔旁邊就插枝筆落去！當時學校即刻去埋醫院，但校方拒絕disclose小朋友係邊個，老公話保障番個小朋友喎！
E+亞仔隻手forever都有個黑印，如果要求學校見對方既家長，可能真係好多學校都唔會安排，就連個名都唔話你知！我問老公如果當時"督"左隻眼..點算，佢話督左至算啦！

[/quote]

gigi_wong20

你又係幾多年級.