「小朋友讀唔到書=人生玩完？」

BK_Milk

作者: 茄莉姨姨


讀書係每個小朋友必須經歷嘅事，大大話話一般都要讀上最少12年書。有媽媽就出現咗個疑問：「如果佢讀唔到書，係咪代表人生已完？」


我都明白為人父母，當然想仔女讀好書，但父母都要記住讀書只係小朋友人生嘅其中一Part，成績唔代表一切，成績差亦唔代表佢會做唔成人。


再睇真啲，樓主小朋友只係讀緊二年級，有人就提醒樓主唔好咁快就下定論，可能暫時未開竅、未掌握到方法啫……世上無一條規則講明每個人都係讀書嘅材料，正所謂「行行出狀元」，就算讀書成績唔好，佢都可以係為國家爭光嘅運動員、國際名廚、知名化妝師等等。


更重要嘅係，過程比結果重要；眼見過程中樓主小朋友都有努力過，而努力嘅成果亦有目共睹，只係同理想成績仲有些少距離。此時，家長切忌「比說話佢聽」，例如：「你睇吓隔離屋個陳小明同你同年級，人哋考到80分」，小朋友聽落會覺得父母認為人哋比自己更好，而傷咗自尊心；反之，應該多讚賞佢哋：「成績有進步喎，你嘅努力媽咪見得到架，繼續畀心機相信一定會更好」！


讀書難免會有壓力，但假如佢哋為咗考到好成績，而讀到鬱出病，我都可以幾肯定咁講，家長會情願仔女身心健康快樂，成績一般？都OK啦！


作為家長，最緊要教小朋友「做人要有目標肯努力」，嘗試發掘下佢哋其他潛能，只要搵到佢哋嘅興趣，佢哋自然會更有心機去想做好件事。而且佢哋有正確嘅做人態度，人格、學習態度、禮貌先係影響佢日後人生條路走向嘅重要因素。



即到親子王國睇更多育兒／教育資訊。

tkinwong

「書中自有黃金屋，書中自有顏如玉」
「萬官皆下品 惟有讀書高」
中國人/華人如何西化，這些古舊思想在家長中仍然存在。

現實啲睇，在香港，做專業人士始終生活較有保障。

當然，只要肯涯，香港要搵到錢也不一定得讀書這條路。大家有裝修屋企都知，宜家啲師傅幾錢一工，啲判頭啲工程做唔切，但要後生仔唔怕辛苦肯入行先得。

nkd

BK_Milk 發表於 19-3-18 11:53
作者: 茄莉姨姨

\\「如果佢讀唔到書，係咪代表人生已完？」\\
我真想不出，還有什麼會比「當今聖上只有小學程度」更勵志。

nkd

nkd 發表於 19-3-18 14:20
\\「如果佢讀唔到書，係咪代表人生已完？」\\
我真想不出，還有什麼會比「當今聖上只有小學程度」更勵志。
...

補充少少，我會叫小朋友唔好學包子。

===

讀唔到書不緊要，識諗、生性，先緊要。

Yanamami

未至於玩完吧……誇左d.....條路最多迂迴d~

Jane1983

先至小二，就話玩完。果個家長真係

picamama

BK_Milk 發表於 19-3-18 11:53
作者: 茄莉姨姨

首先，咩叫讀唔到書？學障？ADHD? 這些可以對症下藥。

picalo

識做人比讀到書更重要

GreenMaDad

確實有很多人讀書不成，但能在不同範疇中可以做得很好（甚至最好個批），這班人的共通點係肯學、肯做，再加上容易同人相處。   可惜的是, 更多讀書不成的人常用"我不鐘意背書、死讀書"為籍口，長期下去形成不願學習的心態，有些甚至以為自己好聰明，識得揾快錢的方法，還覺得老老實實工作的人好蠢.....
讀書成績好壞真的冇得強求，但過程係重要的，小朋友如果能養成積極的學習態度、認清自己能力與天份、懂得時間分配、凡事盡力做到自己的最好、能與其他人相處，有愉快的人生應該無大問題。

retriever

BK_Milk 發表於 19-3-18 11:53
作者: 茄莉姨姨

如果睇下近幾年做地產班友，就知道呢句唔係事實。

不過話分兩頭，又唔會跟仔女講讀唔到書無所謂。

shadeslayer

retriever 發表於 19-3-22 16:27
如果睇下近幾年做地產班友，就知道呢句唔係事實。

不過話分兩頭，又唔會跟仔女講讀唔到書無所謂。

如果真不是讀書才料，有所謂又點？

brother4

自己算是讀不成書，不等於人生玩完…自己中小學也留班及踢出校，25歲才中學會考＿97前冇本事去移民，金融風暴時冇車冇棲所以冇影响…孩子讀書麻麻地但比自己好（冇留班冇踢出校），但全级考尾尾，自己可有能力供所以孩子去留學吧！

shadeslayer

brother4 發表於 19-3-24 12:52
自己算是讀不成書，不等於人生玩完…自己中小學也留班及踢出校，25歲才中學會考＿97前冇本事去移民，金融風 ...

是乎考第尾的原因，留學並不會解決所有學習問題。

lulumelody

retriever 發表於 19-3-22 16:27
如果睇下近幾年做地產班友，就知道呢句唔係事實。

不過話分兩頭，又唔會跟仔女講讀唔到書無所謂。

真，好多做生意，身家過千萬甚至億可能以前都讀唔成書。

retriever

lulumelody 發表於 19-3-24 23:45
真，好多做生意，身家過千萬甚至億可能以前都讀唔成書。

大學之道，在明明德。求學係明道理，唔係求財。但今時今日，成功標準係有財富。

在發展迅速既社會更甚。譬如，鄰近地區有親友多年後同學聚會，撈得最掂幾位就係當年打架曠課被退學果班。無野架，敢搏敢做既，呢個社會確係易搵錢，但成功既係少數。

循規蹈矩既，基本上係建制內爬，未必能發達，但一般生活有保障。

ABC-DAD

# 作為家長，最緊要教小朋友「做人要有目標肯努力」，嘗試發掘下佢哋其他潛能，只要搵到佢哋嘅興趣，佢哋自然會更有心機去想做好件事。而且佢哋有正確嘅做人態度，人格、學習態度、禮貌先係影響佢日後人生條路走向嘅重要因素。#

如果，讀書係以上面所指為目標，咁考試測驗有幾多分，能否 釐定 同學讀唔讀得成書？到底邊樣先係畀自己小朋友返學嘅 初衷？

父母如何持續修養自己，如何保持對生活嘅績極態度，面對重要問前如何處理，就係實實在在嘅榜樣。

retriever

shadeslayer 發表於 19-3-23 13:34
如果真不是讀書才料，有所謂又點？

其實我唔係好信“不是讀書材料”呢句說話，或者，呢句話既含意係物？

而家普及教育既課程，一來係俾普通智力既人，二來亦係基礎知識及語文而已。

就算係術科，如果係認真學下去亦有好多呢D 基礎知識要知，譬如，透視，幾何，人體肌理。唔少讀書唔多既成功人士，多年後亦感嘆“書到用時方恨少”。

我同意唔係個個有能力讀書出色，亦唔係個個有能力讀到文法大學。

shadeslayer

retriever 發表於 19-3-25 10:06
本帖最後由 retriever 於 19-3-25 10:07 編輯

其實我唔係好信“不是讀書材料”呢句說話，或者，呢句話 ...

叫得做讀書才料，即以合理時間讀書，入到不錯的大學。我不會去區分文法大學。

brother4

shadeslayer 發表於 19-3-24 15:33
是乎考第尾的原因，留學並不會解決所有學習問題。

讀書叻又如何？好似youtube有講拔尖入本地大學ＸＸ金融，畢業三年揾不到工作！