發展遲緩與大家分享

christytsui

我仔兩歲前係救世軍面試時被老師認為有自閉傾向，咁我身邊既人全都話佢唔似，返pre sch老師話我仔只係發展遲緩，講野慢少少，兒科醫生都係咁講。 咁我就搵左個心理學家為仔評估，佢話我仔係自閉頻譜係低至中風險，但係廣泛性發展遲緩，咁我就搵健康院醫生做簡單測試，係講野慢幾個月，表達又慢少少，認知又幾個月咁。一路排cac見埋姑娘都係類似comment,發展遲少少，唔似自閉。 其間我排左保良局點滴創明天，交晒文件做家庭入息審批要三個月，又好彩真係三個月到覆我期見姑娘，仲係免費。 跟住二月開始跟全面發展既堂，三月又排埋言語治療，一個月每個種類既堂係會上兩次，而我仔係仲要排埋職業治療，而家仲排緊。 如果大家係有類似需要可試下申請，我唔知幾錢人工先可以全免，但中產以下家庭我估應該係全免，就算佢地收費我見都係$650 四十五分鐘一堂，比起出面算平，但如排到cac就無得再上，希望大家有需要上搵自己搵佢地聯絡方法啦

神婆小茜

樓主，跟你個案一樣，我也是申請了這基金，幸好香港還有這類服務給我們，要是等政府的服務，我也不知要排到何年何月才到我，大家也一起加油吧，這條路真的很漫長，加油！

christytsui

你個小朋友上左幾耐呀？上緊咩？我希望我仔有改善啦

神婆小茜

啱啱先開始言語治療，一個月兩次，2歲了也不懂說話，很少望住人講野，但佢理解力又無問題，係唔講野囉

Ericang

我仔去CAC話整體遲緩及懷疑自閉傾向,現在3歲3個月,想問保良局是否要Monday to Friday 上堂及一定要父母帶

B-LOVE-B

delete

christytsui

回覆 神婆小茜 的帖子

我仔本身返緊全日班, 又上左幾個月堂, 而家進步左好多, 大家努力..cwb 保良局只係比未排到cac 堂既小朋友上, 交齊資料, 2個月到就比佢上啦....
佢會睇入息而定收費..我申請時無做野, free...而家我返工佢地都無check到架!
有需要既mama 去問下啦