整體發展遲緩

DollyCC

想問小囡整體發展遲緩，排S位，想問如果入唔番主流小學，會去邊類特殊學校。智障?

methy

接小朋友情況而定，我仔都係整體發展慢（主要大小肌），智力無野，讀緊S位第二年，特殊小學佢可以入肢體傷殘小學，課程有分主流或調適課程。由小一直到中六，如果唔入特殊小學，可以讀主流。

特殊小學分類：
特殊學校類別

14-9-18 12:54 上傳

下載附件 (95.03 KB)

Letter_lalaland

到時候向中心嘅社工、老師同治療師商量一下應該會比較合適。

各主流小學各具特色，有啲更對於有特殊學習需要嘅學童有個別調適，詳情可向中心社工查詢。

無論小朋友嘅進步有多少，
作為大人嘅可以提供精神及物質上嘅支緩，
更重要係循(小朋友嘅 ) 步伐漸進，
要俾小朋友身心得到足夠嘅休息，免得操之過急，影響親子雙方關係。

試過好多次，
有家長為咗返少一日中心， 但又唔希望冇咗個別訓練，
就要求同一日上晒ST,OT,PT , 跟著個小朋友謝晒，
身心俱疲，拒絕上課，浪費了寶貴嘅個別訓練時段。

又有家長想幫小朋友追快的，就每日安排各項訓練，
由早至黃昏，馬不停蹄，家中訓練+中心訓練+其他各項治療，
連工人姐姐都覺小朋友出出入入+上堂上得太攰，心情欠佳。

後來同個別家長跟進過之後，小朋友得到足夠休息後，
雖然每日所上嘅訓練少了，但進步卻多了、亦比較開心。


無論甚麼學校，
最重要係一間合適能夠建立起小朋友自信亦乎合能力，
樂意與其他人相處、關懷、分享、引發起學習動機嘅學習地方。