89網-你0地派去邊間呀?

EvaLam^^

我派去第4志願陳元喜,當初就係驚派去d好差既學校,就博一博選第4係呢間冇咩人選但又幾好口脾既學校,點知依家真係比我博到啦            

EvaLam^^

今年好似派得好好,係人0地!我老公話今朝去領結果時見個個都笑到四萬0甘口,得我老公苦口苦面,仲要差唔多個個都入到我心儀既馬循.唉..........   

stellalwy

EvaLam,

你唔好咁唔開心啦 :cry:  呢間學校口卑都唔差, 你會唔會諗住叩門呢? 還是比個小朋友讀下呢間學校先呢?

我個女派到第一志願馬循.

ehksn

EvaLam,感同身受呀,個工作人員仲要俾張結果我地時幫我地讀埋果結果出嚟....禧年!!!!本來想做好心理準備先望,點知俾佢即時判左我死刑,果下唔知點反應.

nonowong

我囡囡唔係今年小一, 係05年, 當時派左去聖x瑟, 果一刻真係心都亂埋, 我都唔記得排第幾 !     你地既感覺我絕對感同身受 !
好似禧年都唔錯架bor, 口碑都幾好架 !唔好太快失望住啦 !

ehksn 寫道:
EvaLam,感同身受呀,個工作人員仲要俾張結果我地時幫我地讀埋果結果出嚟....禧年!!!!本來想做好心理準備先望,點知俾佢即時判左我死刑,果下唔知點反應.

nonowong

EvaLam,
唔好太快失望啦 ! 舊年都有bk媽咪去馬循叩門成功架, 如果你真係鐘意呢間小學, 試下叩門啦 !

EvaLam^^ 寫道:
今年好似派得好好,係人0地!我老公話今朝去領結果時見個個都笑到四萬0甘口,得我老公苦口苦面,仲要差唔多個個都入到我心儀既馬循.唉..........   

AKLAMY

我仔派到第三志願-->馬循
頭個兩個志願都唔係我住呢區,都知道機會好微, 真係抽唔中, 所以我會寫信去"叩門"...唉! 而家先開始做下個profolio咋~~~

係呢, 請問係咪叩門就一定有interview offer? Interview 又係咪要筆試 (中,英,數), 之後就口試呢? Thanks..

virgokaren

AKLAMY：

你囝囝好靚仔，是混血兒嗎？
第三志願-->馬循
好好運啊！人家第一志願都派唔到馬循。

ehksn

nonowong,多謝你鼓勵,但好似禧年上年同一間區外學校合
併左,依家都唔知變成點,好似行精英班,上佢個網就話有68人派到英中(總共四班),如果同靈糧比邊間好?因為聽講佢係谷小朋友.
咁你結果有無轉到第二間,囡囡讀得好唔好?

ehksn

係喎,咁即係話你甲部試完兩個區外再返轉頭都派到,我地甲乙部都首選一樣派唔到馬循,只有認命!!!!

nonowong

ehksn,
囡囡好彩後來咪叩門入左靈糧law, 老實講, 間間學校都有人話好有人話唔好, 唔谷d成績又唔好, 結果咪又係無人讀, 個個去晒果d成績好既小學, 真係好難兩全其美架 !
相信區內間間多人話好既小學都係谷既, 好似靈糧就人人話佢多功課, 但係我又唔多覺, 呢點真係見仁見智, 學靈糧個校長話齋, 你要d仔女入派band 1既小學, 你一定要做番個band 1 家長至得, 做家長其實好無奈, 只能怪hk的教育制度, 從幼稚園開始便要同人爭 !   

ehksn 寫道:
nonowong,多謝你鼓勵,但好似禧年上年同一間區外學校合
併左,依家都唔知變成點,好似行精英班,上佢個網就話有68人派到英中(總共四班),如果同靈糧比邊間好?因為聽講佢係谷小朋友.
咁你結果有無轉到第二間,囡囡讀得好唔好?

agneskong

Evalam^^,

相信你對我們的學校認識不多，才會這樣擔心，不用擔心，我們的學校，老師對學生非常有愛心，對家長又很有禮貌，校長是一個溫文有禮，待人真誠，聰明能幹，十分重視家長意見的女士，我找到過往討論過陳元喜的TOPIC，可以看看其他陳元喜家長的意見:

http://www.baby-kingdom.com/modules/newbb/viewtopic.php?mode=viewtopic&topic_id=703536&forum=7&start=165&viewmode=flat&order=0

另外，我們的學校，成績和校風一點也不差，過往在大圍是地區名校之一

AKLAMY

Eva Lam,
唔使唔開心, 呢d 係抽出黎既, 100% 同你既仔女叻唔叻完全冇關係, 所以千其唔好有呢類想法(希望你唔會咁諗)! 加上其實好多時睇某某學校好或者以為自己仔女好 match 某學校既教學, 都未必準確, 點解我咁講, 因為身邊有幾位朋友既仔女考到/派到全港數一數二既小學, 最後都係轉校, 有的因為"讀讀下發現唔讚同學校既做事的作風 (e.g. always asks for fund raising..etc),功課壓力太大..等等! 轉左校之後果然好好多, 小朋友既自信, 努力都返黎! 最現實講一句就係" 真係唔知到間學校好唔好, 直至到讀落先知" , 況且好唔好既定義大家都有不同, 所以派唔到第一志願未必係唔好,  又或者叩門會成功呢(若果你還是喜歡呢間)! 我自己都會叩門, 但都係抱著"試左冇壞" 既心態! 我既profolio 都未做完呀~~ 而家上黎抖抖!   BTW, 請問馬循係咩band 既小學呢?

virgokaren,
你猜對哩 ~~

EvaLam^^

agneskong,

我之前冇去了解過陳元喜,完全唔知佢個教學理念,所以好擔心,你小朋友係咪係陳元喜讀呀??

EvaLam^^

AKLAMY,

我都唔知馬循係band幾,小學有冇分0架?其實正如馬循個校長講佢0地都係呢三,四年開始暮起,我表弟3年前申請小一時都將馬循放到好後.不過今時今日佢0甘多人爭,應該都有佢既優點既

LazyBug

EvaLam^^

我大女在陳元喜下午讀二年班, 今年細女都跟大女入陳元喜, 請放心, 我覺得你無幫你的小朋友揀錯。我大女是二年班插班入陳元喜的, 校長真的很溫文, 老師都很有愛心, 教學多以鼓勵形式, 就算我見老師拿成績表, 老師同我講小女上課有同格離同學傾下計, 亦非以投訴的語氣來跟我說, 大部份老師都很和善, 可能與全部是基督徒有點關係吧!

英中派位有五十幾%, 而且有一間英中做聯系中學…

但最重要係我見到小朋友回家自動自學做功課, 每早都會自動拿書出來溫習(我是working mom, 是家中工人姐姐話比我知), 而家中英默我都不用幫她溫習, 佢自動波架啦!  學校又會將上學期的中英數聖經的成績貼在他們的手冊, 鼓勵他們努力大考考得比上次好。

我最喜歡這家學校很體恤學生, 若星期六要上課, 星期五的功課是可以留下星期一交的, 那就不用星期五晚放學趕功課, 第二朝又要一早起身返學。不過我女自己堅持要當晚做哂先上床。

我都係過來人, 好明白你的感受。若你有什麼問題, 可pm我傾!

祝好!

EvaLam^^ 寫道:
我派去第4志願陳元喜,當初就係驚派去d好差既學校,就博一博選第4係呢間冇咩人選但又幾好口脾既學校,點知依家真係比我博到啦            

agneskong

EvaLam^^，

我有兩個小朋友讀緊陳元喜下午校，大家(老師學生家長)都熱切期待九月搬到MOS轉全日制，過程中，完全感受到學校及校董會如何尊重家長意見。
我不敢代表學校講教學理念，但以我所感受到的是她們以愛、鼓勵和關懷，並以基督教精神去教養孩童。
實質一點來說陳元喜用六色思維，以普教中，外藉英語教師閱讀課，拔尖補底，多元智能課程等等…

希望小小意見可以令你釋疑

heidi.li

stellalwy,

恭喜，恭喜。             

我地兩個囡囡又可以做同學，唔知會唔會編埋同一班呢？   

Heidi

stellalwy 寫道:
EvaLam,

你唔好咁唔開心啦 :cry:  呢間學校口卑都唔差, 你會唔會諗住叩門呢? 還是比個小朋友讀下呢間學校先呢?

我個女派到第一志願馬循.

Marcus-Mama

EvaLam,

我都係派咗台山陳元喜,係第2志願.

我係驚頭3志願都選出名個幾間,如果唔中,黑起上嚟,會派咗唔知邊/好差個間就....所以咪選陳元喜第2囉.

不過,我之前問過晒d家長(LazyBug,agneskong...tks)陳元喜嘅口碑,佢係一間好好嘅學校,只不過佢係合併咗,所以d家長唔敢選佢,但所有教學模式同校長用返陳元喜下午,所以我覺得佢只係搬咗屋,由大圍搬嚟馬鞍山.所以你都唔洗咁唔開心.

當然,我都會叩第1志願馬循,唔得就算.請問你知唔知馬循幾時可叩門呀?