女女終於排到e位

monkeydiary

今日收到電話，知道女女終於排到e位，本來好開心，但係呢度爬完文後，知道e位training的力度可能唔夠，其實而家女女有係協康會上st,如果同一星期又上協康又上e位，再加早上返學，我驚女女頂唔順，所以我想知上e位是否一定要keep協康？如果我要停協康會的訓練，應該幾時做好？

methy

原帖由 monkeydiary 於 14-10-25 發表
今日收到電話，知道女女終於排到e位，本來好開心，但係呢度爬完文後，知道e位training的力度可能唔夠，其實 ...

我仔2歲9個月上午返幼兒園，下午返E位（協康），佢體能差，一定放學後午睡2小時才上E位訓練，E位一星期二至三節左右，其實好少，又唔固定。言語治療一個月得一節，物理治療就一個月兩節（我仔當時未獨立行得好，大肌好差），PST就一星期一節，職業治療一個月一節或兩節，我另外上私人言語治療堂。

建議你上左E位先，睇下夾唔夾個治療師再決定。如果好夾，比既節數夠，你自然識取捨。

monkeydiary

咩係pst? 我女體能都麻麻，而家放學返黎都一定要瞓晏覺，一星期佢逢星期四要出太子上st, 如果再加一星期2-3節去天水圍上的e位，咪一星期返足4日？佢仲要星期五上跳舞,星期六學畫畫，咁咪日日都好忙？我真係驚佢頂唔順，咁既情況下我應該點安排時間好？

methy

原帖由 monkeydiary 於 14-10-25 發表
咩係pst? 我女體能都麻麻，而家放學返黎都一定要瞓晏覺，一星期佢逢星期四要出太子上st, 如果再加一星期2-3 ...

PST(pre-school teacher)-特殊幼兒工作員，教認知：教認形狀，顏色，數數，看圖說話等等..或按PT&OT意見加入大肌，感統訓練內容。

至於點安排呢個問題,你做媽媽先清楚自己個女情況，己經有幾日安排活動，咁你女體能一d都唔差喎。你咁多活動，E位安排訓練都幾難就時間，你睇情況cut緊d,太倦大家都辛苦。

濼晴

我suggest 攪店左目前問題， 問題 settle 跳舞同 dancing 幾時都有得學  但 e 位你放棄左
同 出面上私人樣樣好貴

legolas625

如果本身的pst是oK的，強烈建議唔好咁快cut，睇下e位咩情況，因為e位唔熟小朋友，我仔的e位pst以為我仔好弱，用了2個月先摸到我仔能力，頭一個月訓練完全是浪費時間

不過你真係要cut D活動

funghon

原帖由 methy 於 14-10-25 發表
我仔2歲9個月上午返幼兒園，下午返E位（協康），佢體能差，一定放學後午睡2小時才上E位訓練，E位一星期二至 ...

請問你仔仔未獨立行得好，都可以返幼兒園架？ 老師有冇微言？

methy

原帖由 funghon 於 14-10-25 發表
請問你仔仔未獨立行得好，都可以返幼兒園架？ 老師有冇微言？

係呀，我仔當年照報N班，幾間都有offer,但一聽到唔識行都唔收，唯獨一間有i位既幼稚園照見我地，主任見完都決定比我仔讀，我亦問佢地有無能力照顧到我仔，主任先比我仔暫託，慢慢就9月正式入學，老師超有愛心，扶我仔去廁所，佢獨立行都超易跌，唔好話食完野將套食具放回收集箱，但老師照比機會佢做，一手扶佢，另一手幫佢拎食具，讀左10個月，（跟住派到S位）老師一句難聽說話都無比過我聽，仲好多鼓勵，最神奇係阿仔未受傷過，反而我因為捉唔切佢而令佢成日跌親。

我仔到現在讀緊S位第二年，都成日問住幾時返去之前間幼兒園，我比個目標佢，就係可以獨立上落樓梯同寫到自己個名就返去（轉I位），呢個目標有望完成，但我反而想佢讀哂S位，大小肌完全追返哂，上主流小學。不過如果今年進步得好好，都會考慮返之前間幼兒園。

Alam123

Very touching and encouraging ! 我仔明年K1,如排唔到S 位，都唔知點算

funghon

原帖由 methy 於 14-10-25 發表
係呀，我仔當年照報N班，幾間都有offer,但一聽到唔識行都唔收，唯獨一間有i位既幼稚園照見我地，主任見完都 ...

真係好感動竟然有咁好既幼稚園

pinkdoll

monkeydiary 發表於 14-10-25 00:53
咩係pst? 我女體能都麻麻，而家放學返黎都一定要瞓晏覺，一星期佢逢星期四要出太子上st, 如果再加一星期2-3 ...

如果我係你, 我唔會放棄E位, 因為E位有齊3T+PST, 當中有個別, 有小組, 有大組治療, 其實, 訓練是很全面. 你開始咗E位先, 睇下E位幫你囡囡做既全面評估結果是點樣, 有甚麼COMMENTS給你囡囡, 然後睇下E位會俾幾多治療你囡囡, 如果E位俾得多治療, 即係你囡囡需要處理既問題也不少, 我就會CUT咗啲興趣班先, 最重要係小朋友既根基要打得好打得夠穩陣先, 兩頭唔到岸時咪重麻煩, 小朋友自信心低, 對學習冇好處囉. 當然, 你想的話可以KEEP住私人ST, 但你可以同私人ST傾下小朋友有E位, 到底小朋友既情況需唔需繼續做私人ST, 我大仔當時就是這樣, 最後我是CUT咗私人ST, 因為E位可以俾到合適既ST訓療給我仔仔.

我大仔, 第一年E位, 有個別訓練也有小組訓練, 我明白我仔仔首先要處理既係個根基, 所以我CUT咗啲興趣班, 去E位做訓練, 然後, 同仔仔好勤力地做家居訓練. 今年, 仔仔進步不少, 也很穏定, 中心安排給仔仔的E位訓練只有小組及大組訓練, 雖然訓練係少咗, 但我覺得係好事喎, 証明仔仔有好明顯既進步, 之後我便加返啲興趣班給他, 因為根基打得好咗, 幼稚園及興趣班的學習表現也相對好了很多, 因此小朋友有了自信心, 人有自信心會便會開心, 開心就會學習得更加理想.

monkeydiary

大家唔好咁大反應先，我無話過唔要e位，講真，我知道派到e位個日真係好開心，開心過自己中六合彩，因為自問真係冇咁既能力比女女同時上晒咁多樣，咁既情況下其實入到e位就等於得到最好的訓練，只不過是無諗過要放咁多時間落去啫，因為我女女而家出去上st都只不過係一星期一日

pinkdoll

monkeydiary 發表於 14-10-26 19:35
大家唔好咁大反應先，我無話過唔要e位，講真，我知道派到e位個日真係好開心，開心過自己中六合彩，因為自問 ...

如果你小朋友情況好的話, E位唔會俾太多訓練佢的.

clingy

請問係邊間e位？我女兒派到協康會e位，一個星期得一堂😭😭

monkeydiary

我派到東華三院，其實而家都未知一星期有幾多堂架

littlelamlam

想請問排E位要幾耐呢?

clingy

我排佐一年半

波蘿包1

排到E位真係好 雖然堂數唔多但非常有用 ，一個月起碼有5，6堂上訓練，總好過i位

monkeydiary

原帖由 波蘿包1 於 14-11-05 發表
排到E位真係好 雖然堂數唔多但非常有用 ，一個月起碼有5，6堂上訓練，總好過i位  ...

我唔知係咪好過i位呀！不過即使我現在出去比錢做training,一個月都只係4堂，咁e位對我女黎講就一定好過出去上囉！

小星兒

最好不要cut協康的訓練，因每間E位的訓練節數和形式都不同，一定要爭取時間做訓練。