小二英文可以點惡補？

irisw

阿女grammar 尚可，但作文較弱，英文詞彙較少。諗到未必寫得出。串字又麻麻。
我可以有啲咩幫到佢？

assado

可唔可以隨手攞一本合P2 英文書朗讀出嚟 ?

1998Ruby1998

作文弱要多作文。英文詞彙可以每次作文都教一兩個新的生詞，要求作文時用到。生詞反覆運用，自自然然會入腦。
串字麻麻，可能是拼音底子不夠好，對於每個 vowel 可以製做的發音都不夠熟悉。試試自己教一教或是搵 centre 上幾堂幫補。

irisw

assado 發表於 19-3-25 15:47
可唔可以隨手攞一本合P2 英文書朗讀出嚟 ?

如果學校課本可以讀到七成。
校外書本要視乎深淺。
不過學校英文偏淺。

assado

irisw 發表於 19-3-25 18:19
如果學校課本可以讀到七成。
校外書本要視乎深淺。
不過學校英文偏淺。

我覺得是拼音底子未打好, 所以快學好拼音先。

MrBeast

聽說讀寫，先搞好頭三樣，串，不重複其他的了

assado

ch-cheung 發表於 19-3-27 12:44
都係操卷同睇書

語文係同人溝通, 操卷, 自己看書, 方法較單向, 請看前文, 聽同講都重要。

happiemm

其實小二就去補習簡直磨滅佢既學習興趣，我提議暫時唔理學校成績，每日俾佢睇套英文卡通，例如peppa pig, 再睇埋peppa pig 本書，3幾個月，1定見效

py84ko

其實最難搞係comprehension

irisw

happiemm 發表於 19-3-30 10:33
其實小二就去補習簡直磨滅佢既學習興趣，我提議暫時唔理學校成績，每日俾佢睇套英文卡通，例如peppa pig,  ...

我就係唔想小二就要去補習，完全係為成績去補。
所以想睇下自己有咩方法可以幫下佢先。

irisw

py84ko 發表於 19-3-30 10:41
其實最難搞係comprehension

可能而家仲係小二，comprehension方面還可以
係作文方面有困難。

happiemm

irisw 發表於 19-3-30 10:44
我就係唔想小二就要去補習，完全係為成績去補。
所以想睇下自己有咩方法可以幫下佢先。
...

每日陪讀最有效，同一集卡通，同一本書，連續睇一星期，你讀佢聽，唔好叫佢讀，佢只係享受閱讀樂趣，日子有功，一定有驚喜。
呢個方法，我由bb開始做，上到小學，已經完全自動波，自己識睇書，從來唔洗查字典。(當然係睇得明)
不過你女已經2年班，如果連續睇同一本書覺得悶，你就換第2本，總之係有趣味咁學英文，佢先會肯keep住做。

Elenalan

小二仲大把時間去追，我會以培養閱讀興趣為先。喺客廳當眼處設置一個閱讀角，放個小書架，係方便小朋友自己拎書睇嘅高度。我會放滿中英圖書漫畫繪本，再放幾隻毛公仔(呀女好鍾意)。每晚抽時間陪小朋友睇一本薄薄嘅reader, 揀佢有興趣嘅，佢唔識讀就你講故事佢聽，慢慢佢就會自己去睇。我經驗係伴讀非常重要(誇張一點其實影響一生)。如果幼稚園階段未做，初小開始也不遲。

Elenalan

另外，鼓勵佢多寫故事，天馬行空+插畫也可，只要佢喜歡寫就得，唔好介意佢grammar或spelling有冇錯。我女小一，寫二三百字, 當然tense或其他grammar都會有錯，但只要佢諗到想寫乜，即使串錯字我都會好欣賞佢嘅嘗試。多讀多寫，學校一教grammar, 佢自然好易明白，慢慢會自己修正。

Elenalan

至於英文卡通，youtube都大把，我prefer揀冇字幕嘅(因平時同人傾計都要靠自己聽)。睇卡通英文口語真係進步得好快，另外屋企盡量製造語境，我同阿女獨處時會講英文，有其他人又會講番中文。

Elenalan

我覺得phonics係重要，但唔使花長時間或俾$出去學。買張phonics poster貼喺屋企有哂long, short vowels, consonant blends, consonant digraphs,平時伴讀時鼓勵小朋友read aloud, 好快掌握blending。我冇俾$呀女出去學phonics (我見太多例子，平時冇閱讀習慣，phonics學幾年都唔識blend), 我只係呀女K1時買左套oxford phonics world (幾百蚊有5個level 有書有碟)，我主要播碟俾佢唱歌仔和玩phonics games, 再加上日常伴讀，到K2佢已經自己read aloud，自己睇英文書了。