點培育升小一小朋友?

beubeu

我個女9月入小一, 一放暑假部份英文巳經唔記得點串, 我要返工, 放工先可以同佢重温, 日頭咪叫佢自己聽吓國語或英文CD, 就入小一, 時間又唔知點, 小一家長可否教吓點培育小學的小朋友呢, 我老公話要 “穀”佢, 又話揾個國語老師上國語堂, 駛唔駛? 學校都有普通話堂啦, 咁我哋父母又平日點培育呢?

mayc

desc:
我買了一本中,英,數,常的升小一暑期作業給她,每日各做一頁,唔識的話可以留至返來問,不過我選是淺的作業,她大部份都識,目的都是溫習下,由於小女學校是用普通話教中文,所以我都有請普通話補習老師教她,以免她返小學時唔識聽!
小兒學校四年級開始用普通話教中文,他一至三年級D普通話都好難頂(我識少少普通話)後來我請老師教他,一年來他的普通話進步很多,學會了漢語拼音,有時仲會話我讀錯聲調,發錯音,他用漢語拼音查字典,又快又好,你知啦,有時找部首和查筆劃都會錯,但用拚音就容易得多,就算打中文電腦,用漢語拼音也是很方便的!
如果你的小朋友學校不是用普通話教中文,就不需要太緊張普通話,但如果只是靠學校每個星期一堂的普通話堂,想學好普通話的話(本人認為)是無"mud"可能的事!

原文章由 beubeu 於 07-8-9 10:41 發表
我個女9月入小一, 一放暑假部份英文巳經唔記得點串, 我要返工, 放工先可以同佢重温, 日頭咪叫佢自己聽吓國語或英文CD, 就入小一, 時間又唔知點, 小一家長可否教吓點培育小學的小朋友呢, 我老 ...

亞豬

原文章由 mayc 於 07-8-9 11:54 發表
desc:
我買了一本中,英,數,常的升小一暑期作業給她,每日各做一頁,唔識的話可以留至返來問,不過我選是淺的作業,她大部份都識,目的都是溫習下,由於小女學校是用普通話教中文,所以我都有請普通話補習老師教她,以免 ...

多謝你的分享, 我小朋友都係今年升小一, 想請問你請的普通話老師係上門, 或是去外面的補習班, 可否介紹

maggie0649

原文章由 亞豬 於 07-8-9 12:26 發表


多謝你的分享, 我小朋友都係今年升小一, 想請問你請的普通話老師係上門, 或是去外面的補習班, 可否介紹

hi

我都想知到,一星期上多少堂?

beubeu

女學校中文堂唔係用普通話教, 但應該每星期都有普通話堂, 要佢學識睇黎要請人教, 咁請個人上門教咪好貴, 定係上出面啲課程好呢?

IRON

仔仔都係9月升小一, 中文科選左普通話上堂. 唔好話在職媽咪, 就算我呢d全職媽咪成日陪住佢, 都未必搞得掂(自己都半桶水). 今朝岩岩有個上門國語老師試堂, 我覺得ok已約9月開始上堂, 每星期一次, 另外籍老師教英文都係一星期一堂, 我諗暫時預咁多, 因升小一唔知精神/體力/時間/適應上係點都未知; 呢個暑假除左活動我都有俾小一既野佢做, 英文寫下句子寸下字, 中文就活動返黎寫日記做過d咩, 數學學下解/睇文字題, 因四式運算已ok.

大家努力!

亞豬

原文章由 IRON 於 07-8-10 14:45 發表
仔仔都係9月升小一, 中文科選左普通話上堂. 唔好話在職媽咪, 就算我呢d全職媽咪成日陪住佢, 都未必搞得掂(自己都半桶水). 今朝岩岩有個上門國語老師試堂, 我覺得ok已約9月開始上堂, 每星期一次, 另外籍老師教英 ...

HI IRON,

可唔可以比你的國語老師資料我呀? 我都想找普通話老師上門教, 請問你的老師係唔係北京老師?
謝謝

eemay

Hi! mayc,

"他用漢語拼音查字典,又快又好"

could u tell me how to do it?

原文章由 mayc 於 07-8-9 11:54 發表
desc:
我買了一本中,英,數,常的升小一暑期作業給她,每日各做一頁,唔識的話可以留至返來問,不過我選是淺的作業,她大部份都識,目的都是溫習下,由於小女學校是用普通話教中文,所以我都有請普通話補習老師教她,以免 ...

beubeu

上門學國語貴唔貴? 你起邊到揾老師的?

KidsMummy

本人有幾個疑難想請教 :

1) 9月升小一，除了補英文和普通話，你們會否安排小朋友學習一體一藝呢?

2) 我女兒 k2 時都會看書，不知為何，k3 就不願看書，她會用很多藉口推掉，有時間亦不會找書看。我試用過獎勵、陪讀等方法都不行。怎麼辦?

3) 另外，叫女做補充或寫字，又是不願做，一時說太淺、一時說太難。最後要用嚴厲的態度才肯做，我都不想用這方法，但又想不到其他。請指教。

IRON

國語老師$150/小時, 朋友推薦, 試堂除可知口音, 我覺重要既係識唔識引導小朋友, 提起佢地既興趣.

聽我校校長講其實小朋友咁細都未知鍾意邊體邊藝, 所以小學時學校有幾十樣課外活動, 希望每期報幾樣俾小朋友試, 一來大部份唔駛$$, 二來等小朋友試多幾樣, 真係有興趣時小二先重點出擊.

我諗唔多唔少都已有玩下琴, 畫下畫, 查實都已多才多藝.

我仔仔係簡書睇, 太空, 道路標誌, 車就會自己拎黎睇, 故事書就拉牛上樹, 唯有我簡俾佢, 通常係起碼60-70%d字佢都識既, 先叫佢自己睇(我係旁邊睇我d書), 之後我朗讀, 佢朗讀, 再叫佢講故事出黎, 最後係國語朗讀.

做練習都係我簡中英數各一頁, 數學唔駛叫就做晒, 中英就要陪/解釋/跟進, 頭痛. 不過我諗人總有d叻有d差, 算吧啦.