請問哪裡可找到DSE各科分數和级别資料？

AhiruNoPekk

成日聽人哋講某某科，較容易摘星，有啲科70分，就有5，另一啲70分就有5*，我想問吓呢啲資料可以係邊度搵到？謝謝！

lm251099

其實有咩用呢？重要的係自己可以攞到幾多分，低分可以摘星，相反即學生難攞到高分囉。

你睇睇這個幫吾幫到你
https://www.dsecal.com/---an4y2

個人認為這個較為有用

mydse.hk

TwinWong

lm251099 發表於 17-4-2 09:46
其實有咩用呢？重要的係自己可以攞到幾多分，低分可以摘星，相反即學生難攞到高分囉。

你睇睇這個幫吾幫到 ...

Useful 再有新版本

AhiruNoPekk

lm251099 發表於 17-4-2 09:46
其實有咩用呢？重要的係自己可以攞到幾多分，低分可以摘星，相反即學生難攞到高分囉。

你睇睇這個幫吾幫到 ...

唔該晒你呀，我睇一睇！

JustAParent

AhiruNoPekk 發表於 17-4-2 08:39
成日聽人哋講某某科，較容易摘星，有啲科70分，就有5，另一啲70分就有5*，我想問吓呢啲資料可以係邊度搵到 ...

確實如此， 有啲科較容易摘星有啲科相對難。例如理科，Chem高分易ICT高分難 (我係講高Grade，非課程內容)

你要知各科每個grade比例，考試局報告有。至於每個grade cutting score，考試局唔想你知亦唔會公開，不過，約數，好多考生心中有數。

簡單Ｄ講，各grade比例， 對選科非常有參考價值。Cutting socre，得個知字就算，你唔知亦冇乜損失。

1998Ruby1998

上網打 DSE Cut Off Score 就會有各主要科目 Cut off
2、3 呢兩個 Grade 分數年年都同樣位置，4 以上就難講。中文 70% 就 5**，英文 70% 得 4，數學 70% 好彩就 4，唔好彩就 3。Eng Lit？65% 以上就即刻 5**，Econ 同 BAFS 要 90% 以上先有 5*！

睇下邊一個選修科 Cut Off 高，果一科就一定容易讀但係難高分，一定唔可以失手，分分中低一個 Grade！Cut Off 低都唔代表容易高分，好似讀藝術咁，你話容易同難都得，睇天份同運氣高果其他科。

不過呢，年年 DSE 深淺程度唔同，知下大概咩分數有咩 grade，然後估計下自己大概會有咩成績，然後努力讀書啦。

weiwei

lm251099 發表於 17-4-2 09:46
其實有咩用呢？重要的係自己可以攞到幾多分，低分可以摘星，相反即學生難攞到高分囉。

你睇睇這個幫吾幫到 ...

thank you

gracelam

1998Ruby1998 發表於 17-4-2 19:21
上網打 DSE Cut Off Score 就會有各主要科目 Cut off
2、3 呢兩個 Grade 分數年年都同樣位置，4 以上就難講 ...

想請教: 每年見報的狀元，7科5**個D同學，其實佢地本身係咪英文同數學本身已經好强，根本唔駛點温?? 只係重點温中/通及其他 3x?

JustAParent

gracelam 發表於 17-4-3 14:34
想請教: 每年見報的狀元，7科5**個D同學，其實佢地本身係咪英文同數學本身已經好强，根本唔駛點温?? 只係 ...

首先呢度要有狀元家長先可以答你 ...

1998Ruby1998

回覆 gracelam 的帖子

我唔係狀元，都唔認識我學校班狀元，所以答案唔準。（學校係 Band 1 油尖旺天主教女校 ）

唔知點解，我身邊嘅好朋友都係尖子，考得超級好（所以顯得我好廢）。
其中 5 個 DSE 7 科總分 42 分，其中三個有讀 M1、M2，同其他科目一樣都攞到 5*，另外兩個個就中文 5*，其他主科 5*，選修科 5。

同學 A：讀 BAFS、Econ、Chem、M1。平日上堂好專心，功課做得認真，放學後睇 TVB 到 11 點，廣告時間做功課同溫書（唔好問點解廣告時間可以做到咁多野，不過佢真係對 TVB 所有劇情都好熟悉，日日係我隔離背劇情同台詞）。考試前一個禮拜先開始溫書（不過照樣睇 TVB），所有卷都可以至少 5*。依家讀港大 BBA Law Double Major

同學 B：讀 BAFS、Econ、M1，同樣上堂專心，功課認真，一日忙到晚，補習、練樂團，時間表排得密密麻麻。日日都溫書，所有卷都可以至少 5*（中文除外，最高攞 5）。依家讀中大 Quantitative Finance。

同學 C：讀 Phy、Chem、Bio、M2，同樣上堂專心，功課認真，返到屋企就做功課溫書，屋企唔畀睇電視，佢都冇電話同電腦癮，好自律，屋企傾計就好似大學研討會咁，傾政治、法律、科學、學術研究，有 d 似作家烏托邦小說筆下果種模範家庭。依家港大讀醫科

同學D：讀 BAFS、Econ、Eng Lit，上堂冇黎精神，軟皮蛇咁挨住我訓覺，功課尚算認真，返到屋企就吃飯訓覺，訓到 10 點幾先做功課溫書。DSE 同考試前就上堂精神少少，不過唔係聽書，係自己操 Past Paper 同溫書。 依家讀 BBA Law Double Major

同學 E：讀 BAFS、ICT、Bio，上堂一時精神一時訓覺，功課尚算認真。不過貪玩性格出曬黎，用一個上午就可以將韓星 MV 走位背曬出來，下午放飯就同朋友夾 MV 舞。返到屋企繼續睇韓星，有時候為追星，索性請假去機場同埋演唱會。我都有見過佢操卷，不過同其他人相比之下唔多。依家讀港大 Speech Therapy。

五個裡面得兩個有補習，兩個屋企係冇娛樂，三個思想仲係比較小朋友鍾意玩樂同訓覺，不過個個好自律溫書。

如果論強，我英文同埋 LS 都強過佢地，佢地都會溫呢兩科，我就冇。不過佢地真係數底好。問佢地係咪資優？唔係，我另外認識一個同學數學資優，IQ 130，但係成績差過我，差 d 無緣大學。

只可以話，如果讀理科商科，數學好真係幫到好多，不過都需要自律。不過好似我咁，英文同 LS 好又如何？中文同數學都差過佢地，連帶選修科都考得唔好，咪變左籮底橙。

October.

1998Ruby1998 發表於 17-4-3 21:12
回覆 gracelam 的帖子

我唔係狀元，都唔認識我學校班狀元，所以答案唔準。

多謝你分享，唔覺你中文差啊，你d文字好鬼生動。

我都覺得數學好好緊要，雖然我唔跟阿仔d功課，唔理佢點溫書，但一個星期起碼幾次會語氣溫柔地提佢，仔呀仔，今日做咗數學練習未呀（課本每個CHAPTER有好多練習題），數好理科商科都易讀d。

gracelam

1998Ruby1998 發表於 17-4-3 21:12
回覆 gracelam 的帖子

我唔係狀元，都唔認識我學校班狀元，所以答案唔準。

謝謝你咁詳盡回覆我。 因為我估計讀神校嗰D本身英文底好，數學又好强，所以可以用多D時間讀其他科。
據你同學嘅資料，咁其實都係每科都要温。 同埋靠平時上堂專心。

October.

1998Ruby1998 發表於 17-4-3 21:12
回覆 gracelam 的帖子

我唔係狀元，都唔認識我學校班狀元，所以答案唔準。

數學強邏輯思維也強，更容易理解掌握英文grammar，數好對好多科目都有幫助。

johnmamama

1998Ruby1998 發表於 17-4-3 21:12
回覆 gracelam 的帖子

我唔係狀元，都唔認識我學校班狀元，所以答案唔準。

寫得好精彩，band 1 A 學生真有不同路線，但自自然然會影響朋輩讀書心態。

Doula

回覆 gracelam 的帖子

我仔今年year 1, 佢唔係狀元,不過佢嗰科D同學有狀元, 6科5**, 5科5**,........佢話佢地唔止數理強,最重要係唔會比機會自己有唔強嘅科目,態度極度認真,叻嘅keep住溫,唔係咁叻嘅科會用盡方法去攪掂,而且非常自律,完全係小朋友自己主動解決,唔係靠家長迫

gracelam

Doula 發表於 17-4-4 11:39
回覆 gracelam 的帖子

我仔今年year 1, 佢唔係狀元,不過佢嗰科D同學有狀元, 6科5**, 5科5**,........佢話 ...

現今世代自律真係好難得。

Doula

gracelam 發表於 17-4-4 20:29
現今世代自律真係好難得。

但亦都係自律佢地先至有7科5**，6科5**.......，稍為懶DD就可能入唔到理想科目，然後，依家教授派落來嘅資料，佢地會好仔細去讀，然後再search附加資料，我仔話大開眼戒

samsam123321

語文可以唔使温的，基本上有些人係真係唔使點做卷都中英都好分的

1998Ruby1998

回覆 samsam123321 的帖子

我英文科就係咁，唔聽書唔操卷咩都唔做都可以全班最快做玩卷同埋最高分，班老師好頂我唔順不過我成績好所以冇點出聲。英文卷 2 小時 45 分鐘，我學校程度深過 DSE，卷長 2 倍，我 45 分鐘內做曬，做多兩次都有時間剩，全部用正階寫，冇潦草。:joyous:
不過中文卷？莫講 2 小時，畀我 5 小時都未必做得到，仲要做完連一半分都未必有。上咁多補習班，都係冇用。

所以語文真係到中學已經分高低，補習幾多都冇用。

October.

1998Ruby1998 發表於 17-4-5 22:04
回覆 samsam123321 的帖子

所以語文真係到中學已經分高低，補習幾多都冇用。

我女都係咁講呀，佢有d中同補極中英文，分數都無明顯進步，但係咁又點解釋到補習名師門庭若市呢？

反而，數學真係有得補，只要有恆心鐵柱磨成針，3要補到5真係得，補到摘星就可能難d。

聽講M2都可以操卷攞分，M1就要CONCEPT清析。