陳繁昌﹕香港社會文化令學生保守

elbar

出咗新書嘅科大校長陳繁昌（左），喺書展同恒隆地產行政總裁陳南祿對談。


【明報專訊】書展開幕，當中有唔少人喺會場搞講座，包括早前公布喺明年9月就會提前離任科大校長嘅陳繁昌。陳繁昌出版新書《繁言心箋》，邀得恒隆地產行政總裁陳南祿做嘉賓，兩個人一齊分享成長經歷。陳校長仲有感而發，話香港嘅傳統文化令學生選科趨向保守，窒礙學生創新思維。


細個住喺筲箕灣阿公岩嘅陳校長，早年獲獎學金到美國加州理工學院修讀本科及碩士課程，並於史丹福大學攻讀博士，其後留美從事科研教育工作40年，2009年回流香港，出任科大校長至今。


籲好好利用多世界級大學優勢


陳繁昌認為香港社會文化令學生保守，但社會只要放手畀年輕人去創新、追尋夢想，加入創新嘅行列，絕對係有心唔怕遲。佢話香港雖然係一個小小城市，但擁有5所排名世界百強嘅大學，認為香港應好好利用呢個優勢。佢話如果能有一個合適環境促成研究成果嘅應用，一定能孕育出更多成功嘅初創企業。

Cheeselover

問問香港政府願不願意管治一群擁有自由意志，勇於嘗試，敢於説不，挑戰框架的枷鎖的年輕人？他們這一群人中可能出現朱克柏格，阿桑奇，劉曉波，昂山素姬，Banksy，霍金等傳奇人物，有些政府嘗試不同手段旨在＂引導＂人民循自己思想行事，既要提供自由空間給人民發揮，就要接受不同的結果，以現今香港政府思維模式管理，社會根本不會出現上述人物，一個異見不容的社會，教人怎不保守行事。