7歲仔已完成遊戲治療訓練，仲要搵其他訓練嗎?

blackgarlic

我個仔7歲時確認有自閉症譜群(唔嚴重，係"責界")，只係社交技巧弱，學校由佢5歲開始一直有社交訓練俾個仔直到而家佢7歲幾，而家成個訓練課程已經完成。

呢個時侯仲需唔需要再搵訓練俾佢做? 駐校心理學家話佢唔駛再做訓練，因為要教既社交技巧已經教晒，阿仔d 社交技巧進步左好多，現階段係要幫佢實踐將所學到既社交技巧，將訓練變成自然做出黎既動作同埋反應。就算要搵私人訓練，都要諗清楚做繼續訓練既目的，同埋要搵小組訓練而唔係個人訓練。

6歲前係治療黃金期，佢已經過晒最佳治療時侯，係咪留番d時間俾佢去實踐所學到既社交技巧會更好? 如果又搵私人機構去做訓練，如果佢教既野同學校所教既唔同，應該點做好?

Chujai

原帖由 blackgarlic 於 15-05-20 發表
我個仔7歲時確認有自閉症譜群(唔嚴重，係"責界")，只係社交技巧弱，學校由佢5歲開始一直有社交訓練俾個仔直 ...

唔使理太多，如果你覺得佢要做多D社交訓練咪做多少少，倒如每兩星期1次。大有大D嘅社交訓練。或者可以試下去童軍，紅十字會之類嘅團體參加下小隊也可以訓練下