基基講得好好啦,可以識好多野真係好開心,希望妹妹都咁叻!

mimitam

我兩個禮拜前,開始play phonics 比基基聽,我每日都只了播兩次十幾分鐘,基基今朝竟然開始係到da da da ba ba ba ,我開初以為佢講到爸爸,仲打電話比我老公,佢叫爸爸啦!點知頭先仲講埋da da da ,我覺得好利害呀!可能我真係唔識野,小見多怪,不過我真係好開心,我打比我亞媽,我媽媽話我有無聽錯,係咪咁0岩發左依個音,咁細個邊識,但我真係聽到架,佢講左好多次,唔係撞彩架.
我仲琴日轉左學緊G-L,佢起碼講左10次有多,佢一食完奶奶就好開心係咁講,我琴日開始無返工遲左份工,因為身體麻麻地舵住細BB好辛苦,估唔到今日BB會送一份咁好的禮物給我,我老公話一早叫我唔好返工可能基基仲叻,我老公話我地個仔可能係資優呀!    我無望佢係咪資優,我只係唔想埋沒佢的能力詐...感謝上天給我這份鼓勵,我真係好開心!     

wnanama

John&Kelly 寫道:
很好很正常, 你可以俾心機同佢多說話

agree! It's common, nothing special. Talk to him more.

swallowng

呢個階段系正常會發b ,d, p,的音架！

Kwan

我諗都正常, 因為我囡囡都係七八個月會叫媽媽了, 係見到我叫媽媽, 唔係只係發音!

mimitam

John&Kelly, Kwan,swallowng,wnanama,

好多謝你地比咁好意見我呀!我真係好開心同你地分享,今日可能特別開心原故,所以我開始努力同基基學講多d音,我真係發現佢好想講多d,估唔到我無返兩日工就有咁大收獲,原來佢仲識講好多音架,佢唔係撞彩,係真係識講架,佢仲識講ah 同 ca添...我今日一開隻cd,佢一聽到d音樂就ah ah ah,但其實我係播ga架,所以我覺得佢係記得之前播個段,跟住我試下播翻之前個段,我抱住佢係大脾,佢仲拍下拍下咁跟住讀,原來佢好多日都係咁,但我個工人都無同我講,搞到我乜多唔知.我真係要努力,因為襯住佢有興趣學講,多謝大家比意見我  ,我其實真係估唔到原來咁細個都可以學講野,真係大鄉里      

zoechan2005

小朋友真係好叻!只要我哋肯留心d,都會有好多發現!
真係一日千里,留意少d就miss咗,所以我有寫日記記低!宜家仲可以攞大女d資料同細女比較!
我細女都係六七個月發到呢d音,但不是完全受控制,你想佢講時,佢又發第二d,到大少少十個月,叫佢講,有時肯跟住講!
多input,少request output就是最好的方法!

mimitam

zoechan2005,

謝謝你的分享呀!我好開心原來小朋友真係好叻,對我來講真係最大的鼓勵,因為我舵住細BB好辛苦又糖尿,但係見到BB原來係可以咁細個就有能力我覺得辛苦d都抵啦!我早知都早d聽老公話遲左份工自己教BB,因為我工人係新請,真係乜都唔識,不過都係等埋雙糧所以就遲工.哈哈!好在未遲,我可以多d時間睇到基基的發展.   

catcatchong

有D嘢仲神奇..你試下揾VIDEO錄低BB講BB話D聲..你會發現佢唔係講BB話,好清楚佢發音
記得有一次同呀仔玩掉波波(我先生錄我哋係度玩)..我叫佢掉比我..果陣佢嗡一輪BB話.唔知佢嗡乜.當我燒成VCD係电視睇果陣..原來佢問我係咪而家掉       

zoechan2005

mimitam,
你就好啦!可以自己揍,你同bb講多d嘢,佢真係會叻d!
我都有咗,預產期07年9月,第三個!我要返工同返學添!過多兩個月就讀完為期三年的課程!但都要做埋d功課先可以收工!可以好羡慕你又有工人,又唔駛做!

zoechan2005

catcatchong :
佢當時幾大?

catcatchong 寫道:
有D嘢仲神奇..你試下揾VIDEO錄低BB講BB話D聲..你會發現佢唔係講BB話,好清楚佢發音
記得有一次同呀仔玩掉波波(我先生錄我哋係度玩)..我叫佢掉比我..果陣佢嗡一輪BB話.唔知佢嗡乜.當我燒成VCD係电視睇果陣..原來佢問我係咪而家掉       

mimitam

zoechan2005,

原本我都無用工人架,但因我身體真係唔係好好,實在體力不支,而且我仲係餵人奶,所以老公先幫我請個工人幫我照顧基基,原本我係想過兩年先生多個,不過老公就好想快些一次過搞掂,所以我就一年兩個啦!哈哈    因為基基係2006年7月,細BB係2007年6月預產期呀!所以真係一年抱兩,    真係超級繁忙(個肚)
我琴日睇左幾個家長d網頁,我真係覺得d媽咪係超級巨星呀!原來佢地做咁多野都得,我都係剛剛起步,好在有個同事同我講有依個網,唔係我都係覺得唔洗咁細個要教,我仲諗住等細BB出世一齊教都未遲,我差d對唔住基基啦!不過依家我老公就話我激左d,因為好似谷個仔做好多野,我其實只係閃卡同播phonics kingdom,睇下圖書播下CD同做運動幾樣野詐,但佢係未明都未係好接受,所以我d幾日都上網搵好多資料比我老公睇,希望佢都同意我的睇法啦!唔係第日我生細BB就無人幫我接住手做啦! :cry:

mimitam

catcatchong,

你BB真係好叻,不過我同屋企人講都唔信我,我媽媽仲話我"湊仔姑娘多大話"你話幾好笑,所以我叫我媽媽來我到住兩個禮拜陪下我就知我唔係"以為係咁"啦...係呀!我都要買翻部機錄下啦,成日話買都未去睇,真係唔好拖啦    你用緊乜牌子呀?

catcatchong 寫道:
有D嘢仲神奇..你試下揾VIDEO錄低BB講BB話D聲..你會發現佢唔係講BB話,好清楚佢發音
記得有一次同呀仔玩掉波波(我先生錄我哋係度玩)..我叫佢掉比我..果陣佢嗡一輪BB話.唔知佢嗡乜.當我燒成VCD係电視睇果陣..原來佢問我係咪而家掉       

zoechan2005

雖然我都好忙,但我從bb出世開始都有train佢,所以5個月爬,9個月行......認知上都盡力而做,一得間就flash吓,睇吓書,讀吓聖經/唐詩,其實都好多嘢可以做。
如果你睇多d書如杜曼、七田真果d書,就會發現今日我哋做的太少!浪費了很多寶貴的光陰!
努力!

Dennisk

其實現在依然有兩種很不同的睇法，有些人認為BB應順其自然，學到幾多就幾多，畀又得、吾畀又得，BB那有可能識那麼多呢？不要mix-up佐佢地，反而拖慢進度，不要好像金魚那樣，會飽死呢。但另外又有一班家長認為早期教育（BB）是可行的，有些更由媽媽肚裡己開始胎教了，就算係專家也沒有一至的答案。

自己到是採用後者，不過最好不要跟人家比，因為如果這樣反而增加BB及自身壓力，有時用平常心教導BB可能得到那些意外驚喜還好得很呢。就算是自己的子女也有不同，所以當自己第二個小寶寶出世時，也常常提醒自己要小心，因為當你認為寶寶那麼小還不明白時，那可能是錯的！

swallowng

我都認為早期教育（BB）是可行的
所以趁ＢＢ有兴致之時要俾佢學！唔系到miss咗就補救唔到，因幼兒吸收黄金期只系到六歲，越細吸收越多�快！

catcatchong

佢果陣剛剛識坐..大約10個月

zoechan2005 寫道:
catcatchong :
佢當時幾大?

[quote]
catcatchong 寫道:
有D嘢仲神奇..你試下揾VIDEO錄低BB講BB話D聲..你會發現佢唔係講BB話,好清楚佢發音
記得有一次同呀仔玩掉波波(我先生錄我哋係度玩)..我叫佢掉比我..果陣佢嗡一輪BB話.唔知佢嗡乜.當我燒成VCD係电視睇果陣..原來佢問我係咪而家掉       

[/quote]

catcatchong

mimitam
我用緊果部係jvc GR -DVP7
我想每個講緊bb話嘅小朋友都係咁,可能佢哋講到痴埋一舊啫,唔細心聽真係聽唔到..講真我同佢玩果陣都只係聽到佢叫之嘛..(原來佢同緊我講嘢,)到我一個人看番video先聽到

zoechan2005

如果大家有留意呢幾年出的書,就知道早期教育越來越受到重視同認同,同腦科有關,即所有天才都係有好的教育環境,特別係取決於0-1歲呢個階段,資質的好壞超過九成係後天,就是0-1歲時得到的刺激有多少?
自閉症好多都係這個階段腦部得到太少的刺激!
所以多d同bb玩,傾計係好有用!