激死！太太唔教bb日文...

ophelia

why you are feel angry?
is it japanese very important by yourself?

w_y

佢有無講咩原因呀?
有時過早教佢講多國語言, 未必係好事架

LittlePigmom

唔緊要, 遲少少都無所謂.
除非好似我咁想佢學, 唔係遲少少都ok.

ophelia

take it easy

awah112 寫道:
我激氣就係，點解其他媽媽會為咗bb學日文，願意去揾資料，教材，去上pg，而且有d媽媽連日文都唔識。

我喺日本訂教材，bb已經識50音，咁我唔識日文架，點解識日文嗰個，開口講吓，教吓自己個仔都咁唔願意呢...

jeanreno

慢慢來啦，教小朋友要有耐性，想教好d又要有少少planning，話唔定你honey暫時未ready，你多d提下佢，佢就會突然間的起心肝去做架喇，最緊要唔好傷和氣，BB見到唔開心架。

Small_Cloud

咁勞氣做咩 jer, mud 日文真係咁重要 (您老婆係日本人????)   

其實您都識講啦, 好多媽咪為咗bb學日文, 願意去揾資料, 教材 ..... 而您又唔識日文, 咁點解您唔去學然後返黎教個仔呢    

會唔會因為您老婆學過日文知道唔係咁易學, 想遲吓先教佢呢.

唔好意思, 我自己唔識日文, 亦未諗過學, 因為如果要教仔仔, 我會先學英文同國語  

elysemama

駛乜咁勞氣    老婆唔想教住, 一定有佢既理由, 你地要互相體諒; 日文又不是常用, 無必要急着去學, 我見身邊好多例子都係大學時才開始學, 都可以學得好好; 好多野都係講天時, 地利, 人和; 你再同老婆傾下啦! 心平氣和D! 睇下得唔得到共識

丫頭

awah112,

其實好簡單, 好似我咁我煮野幾好味, 但我最討厭入廚房就算我老公買晒d好"送"等係度都係咁話.

如果你太太唔想教or佢唔識點教不如比小朋友出去學吧! 無為這小事而傷和氣.  另外你個小朋友睇到你地鬧交佢又點會有心機學wor!

我兩公婆識小許日文, 我個工人識流利既日文但我對b都係要比人教 無它, 因為我地唔識有系統咁教同老師講一句好過我地講10句

awah112 寫道:
我激氣就係，點解其他媽媽會為咗bb學日文，願意去揾資料，教材，去上pg，而且有d媽媽連日文都唔識。

我喺日本訂教材，bb已經識50音，咁我唔識日文架，點解識日文嗰個，開口講吓，教吓自己個仔都咁唔願意呢...

  

elysemama

Hi, 丫頭

好耐無見 : 8下題外話先, 點解你個工人識流利既日文 佢係乜野藉工人呀

w_y

作為一個媽咪...湊 bb 已經好大壓力架啦, 唔好迫你太太啦.

emmypun

我唔係好明你點解咁insist要佢咁細個學日文, 你地係咪是但一方係日本人?  其實學說有不同, 一派係覺得小朋友係可以同時學不同語言, 但都有學者認為要先學好mother language.  我本人比較buy後者.  

所以我依家都係同我小朋友講中文, 待佢說話再好d, 先會慢慢教英語.  有d人都覺得好奇怪我同先生都識英語但都唔同佢講英語就係咁解.  

emmypun

發音還發音, 佢係有意識下講定係只係跟住你太太講咋?

awah112 寫道:
我同佢講"咁第時返加拿大，我唔教bb廣東話呀?"

如果bb教極唔識，咁咪算囉，咁妳講2次佢就會跟妳講，又識講喎，點解唔教？

HonBBMaMa

香港有"七田眞幼稚園"?

awah112 寫道:
今日終於收到出世紙，因為我地返咗香港，所以朋友喺加拿大幫我地搞律師d嘢，再寄過香港，我諗冇乜人會bb 20個月至收到出世紙... 有諗過比bb讀七田眞幼稚園，揾緊資料，聽講學費好甘...

而家太太每日同bb講下日文咁

多謝各媽媽既意見...

maisy_yuen

唔好咁激氣，唔好咁激氣。

我覺得反而係太太識日文先唔想o係bb咁細的時候教佢日文。因為日文的結構同英文或者中文唔同，又好多好細緻的野。大小小再學都唔係問題。係呢一刻最緊要都係掌握到廣東話(咬字清楚，表達清晰，可以同人溝通，態度)。英文就唔使講。再黎普通話。呢三樣最為緊要。掌握好左，再黎日文、法文、德文、西班牙文。。。學語文最緊要有興趣，先學得好，或者乘住bb仲係細，先啟發佢對外文的興趣先都好架。