K1 - LH pm VS 宣幼am

i_love_leibb

小朋友性格活潑開朗，鍾意周圍探索，自己嘗試，雖然唔知係唔係讀書材料，不過覺得佢都學嘢算快，不過就唔逼得，唔肯比我教，鍾意自己試，鍾意畫畫做手工，都鍾意音樂跳舞，10月細b，本身都係目標考直資、私立，應該揀邊間適合d？

宣幼5成上宣道小學真係好吸引唔知應唔應該留低博，同埋想知道要做到咩程度先可以上到小學

Babyfungmama

學之園語境好，考直私會比較容易，學術程度係足夠考小一，宣幼課程唔深，算淺，考直私比較吃力，家長要加把勁，除非你一心想入宣小，但唔一定收，我識人宣幼升唔到宣小
如果小朋友谷得，學野快，我會簡學之園，語境好打好個底，出去考Top既學校都容易D

i_love_leibb

Babyfungmama 發表於 21-2-6 00:53
學之園語境好，考直私會比較容易，學術程度係足夠考小一，宣幼課程唔深，算淺，考直私比較吃力，家長要加把 ...

想請問你朋友上唔到宣小，佢最後去咗邊間學校？

我有朋友建議我如果小朋友比較坐唔定，應該揀啲傳統學校去令佢乖啲，所以我有諗過揀宣道，但係我女而家上學之園嘅n班又好開心，比起之前另一間學校好明顯係唔一樣，所以我諗係咪其實應該揀一間啱佢性格嘅學校？

其實咁細個我真係未知佢谷唔谷得，喺未肯定呢樣野之前已經要揀學校，成日驚揀錯，不過身邊啲人好多都叫我留喺學之園，因為真係一間幾好嘅學校，但係玩過升小遊戲嘅朋友，就叫我揀宣道，因為一半機會都已經好好，佢哋都有心機教，但係最後考小學都係全軍覆沒，唔知係咪真係想像咁難？

wg_ann

小朋友坐唔定其實係小朋友的行為，初時開學未適應學校群體生活，而且專注時間較短（會隨年紀增加），但通常適應左及年紀大就自然會明白上堂時的規則。
反而小朋友的性格是好奇心，慢熱，自信，害羞等等。家長是否因應小朋友的性格去選學校其實係好睇家長的期望，e.g.有些小朋友好奇心特別強，順應就係選一些探索/鼓勵發問的學習模式，相反就選一些較傳統單向接收的學習模式，選校其實都係睇下家長想培養小朋友邊方面的特質。

wg_ann

宣小是傳統學校，樓主可去小學版看看宣小是否你杯茶，如係心儀就入宣幼，如果不是留在LH可能更適合。
無論讀邊間幼稚園（即使係龍幼）都有機會全軍覆沒或不能直升，但考唔到唔等於無書讀，只係要去大抽獎，運費好分分鐘入到甲一。

i_love_leibb

wg_ann 發表於 21-2-6 09:11
小朋友坐唔定其實係小朋友的行為，初時開學未適應學校群體生活，而且專注時間較短（會隨年紀增加），但通常 ...

你講中咗我心諗嘅嘢，我覺得我個女係好好奇，好鍾意問嘢，好鍾意周圍摸索，我同佢畫畫嗰時，佢又會好專心，同埋佢唔鍾意填顏色，但係好鍾意自由畫畫，當然係亂畫，一直覺得佢係鍾意自由、比較外向開朗嘅小朋友，如果想佢繼續發展創意，係咪應該學之園適合？

i_love_leibb

wg_ann 發表於 21-2-6 09:25
宣小是傳統學校，樓主可去小學版看看宣小是否你杯茶，如係心儀就入宣幼，如果不是留在LH可能更適合。
無論 ...

我哋有睇過宣小，升中學成績好，九龍城校網，好重視音樂，我哋其實好鍾意，不過當然我哋明白一分耕耘一分收穫，我聽人講會讀得好辛苦，家長都要付出，自己又唔知有冇信心做到

我老公就偏向上緊宣道，佢成日覺得唔試過點知得唔得

wg_ann

如果心儀宣小，當然入宣幼有優勢。雖然讀LH都可考宣小，但始終LH係活動教學模式，通常LH畢業生都傾向考一些較活動或較“happy"的小學如港同、陳守仁等等，樓主要想想這類新派直私是否自己心儀的小學。

wg_ann

其實幼稚園無論咩類型，好少聽過小朋友話好唔鍾意，反而唔同類型的小學差別可以好大

yin0101

無論係學之園定宣幼，如果目標係考直私，家長點都係要加把勁，學之園係好學校，但唔覺得讀學之園會較輕鬆，或較有優勢
但宣幼考宣小係確實有優勢
所以我會揀宣幼

canadababy93

我都會選宣幼，搏5成升宣小。宣小升中9成入band 1中學，其他小學真係冇乜邊間可做到，你看小一選校那邊便知。

Godark

I had same offer before, I chose another one instead (may not disclose here) but to compare those two I would go for LH, Alliance also not bad at all though.

50267612

yin0101 發表於 21-2-6 22:35
無論係學之園定宣幼，如果目標係考直私，家長點都係要加把勁，學之園係好學校，但唔覺得讀學之園會較輕鬆， ...

Cannot agree more

i_love_leibb

canadababy93 發表於 21-2-7 22:07
我都會選宣幼，搏5成升宣小。宣小升中9成入band 1中學，其他小學真係冇乜邊間可做到，你看小一選校那邊便知 ...

5成係好吸引(emoji)不過唔知要發功發成點！我好怕仲辛苦過讀LH，又驚比好大壓力小朋友。
我女都幾鍾意音樂，所以想佢學樂器，宣小有樂團，呢樣好吸引我，唔知多唔多勸退呢？

i_love_leibb

wg_ann 發表於 21-2-6 17:37
如果心儀宣小，當然入宣幼有優勢。雖然讀LH都可考宣小，但始終LH係活動教學模式，通常LH畢業生都傾向考一些 ...

其實我覺得新派直私係比較啱我個女性格，但係又覺得宣小成績咁好，想試吓自己阿女有冇能力不過先唔好講阿女，我諗如果咁好彩入到我可能都受唔到啲壓力......

i_love_leibb

yin0101 發表於 21-2-6 22:35
無論係學之園定宣幼，如果目標係考直私，家長點都係要加把勁，學之園係好學校，但唔覺得讀學之園會較輕鬆， ...

今日聽人講學之園都係教深好多
唔補習就好難跟到，就算補都跟得好辛苦，唔知真唔真.....唉，其實我諗入邊一間都要付出好多，重點係睇我目標係咩學校，我會好好再諗吓，多謝你哋意見，呢度俾咗好多力量同主意我

dragonkiller2

宣幼for sure，50%升宣小
LH就要喺出面同一大班勁人爭，隨時得5%入到勁既小學

驚學術唔夠就外補，反正入LH都大把人外補

唔明點解咁難決定，一向有龍揀龍

wg_ann

較有趣的是同一條問題（宣幼vs SC）在fb問，絕大比數的人都會選建議SC，似乎不同的平台有不同的preference

chicken9

dragonkiller2 發表於 21-2-9 14:33
宣幼for sure，50%升宣小
LH就要喺出面同一大班勁人爭，隨時得5%入到勁既小學

有龍揀龍係啱，不過宣小條龍係去到小學斷左無中學，我諗樓主要顧慮呢點吧？不過宣小好有戰鬥力，升中成績超級勁，係好好既選擇

要揀 LH 主要考慮應該係想趁三年幼稚園黎搏一搏升到有中學B1龍校吧，事關宣小出黎升中都係 target 同一批學校，與其小學谷6年變數大，不如現在 LH 3 年搏一步到位

chicken9

i_love_leibb 發表於 21-2-9 01:33
今日聽人講學之園都係教深好多
唔補習就好難跟到，就算補都跟得好辛苦，唔知真唔真.....唉，其實 ...

諗深一層，學校教得深其實係減輕左家長搵外補情況的，你話學校教得太淺，咁就被逼要出去補強，教得深既，家長只要按學校進度做功課溫習就得，唔掂都仲有老師問