中國藝x家協會

cj177916

文章可能比較長,請見諒...

呢個中國藝x家協會昨晚搞左個頒獎禮,但係對於我地班得獎者黎講就一肚氣.  最初都係諗住比小朋友攞下經驗,練下膽量才去參賽,後來佢地通知得獎咁咪去攞獎攞,點知昨晚的頒獎禮後使我對這機構重新評估,佢就似早前x週刊報導的 learnxxg key - 專搞北大為名的比賽.

坊間實在太多巧立名目,睇準家長要攞證書,攞獎既心理,搞好多比賽. 呢個中國藝x家協會都搞好多唔同既比賽, 比賽項目多到不得了, 咁就可以大包圍搵盡家長報名費,每項報名費$2xx, 頒獎禮又要每位買入場券$1xx, 咁都未算,點知頒獎禮重要大混亂 - 成一百個人(冇誇張)(得獎者+家長) 企係台度一齊影幅相就落左台,冇司儀讀出得獎者名稱又冇頒獎儀式,對得獎小朋友同家長黎講係好失望, 因為小朋友努力準備比賽而有成績時,用作鼓勵小朋友的頒獎禮居然變成一個令人覺得係主辦機構用來搵錢的商業活動,草草了事,如果一早知道係成百人企係台度影幅相就係頒獎禮,我點都唔會比錢買入場券攞.

呢d 巧立名目專捉家長心理既搵錢機構,真係要小心選擇,如果唔係,浪費金錢之餘,又攞左張認受性唔高既證書,最大得益者係邊個... 各位自已判斷下啦.

busybusy

agree, waste time and money last night.  We need to found the metal cup by our self in the back stage then give the metal cup to the M.C, then the M.C will call his name, otherwise, no name will be announced.

洛婷

乜今年攪得咁差既

我女今年同上年都有參加 , 今年攞唔到獎 ,

上年就攞到 , 頒獎時都有讀該項比賽既得獎小朋友上台 ,

就冇好似你地今年咁樣 , 過佰人一齊影大合照就算.....


不過我下年都未必會再參加 , (個人覺得欠缺公平)

當然....唔係話我小朋友攞唔到獎 , 所以就唔公平 ,

而係評分既標準 , 將所有西樂樂器一齊評分 ,

如小提琴、鋼琴.......

一個係弦樂 , 一個係鍵盤 , 根本兩者分別好大 ,

個人覺得點可能將兩者一齊評分 ??? 用咩準則 ???

偏偏上年同今年既冠軍得主 ,

係同一個人攞冠軍 , 而佢係拉小提琴 ,

亞軍就係一位失明既 ,

記得比賽當日 , 佢彈錯咗  5  - 6 個音 ,

我明白....失明人仕彈琴 , 一 d 都唔容易 ,

但我覺得佢攞亞軍 , 係評判比佢既同情分 ,

我個人覺得 , 一場真正高水平既鋼琴比賽 ,

最基本係唔容許首歌彈錯音 ,

所以對果次比賽結果 , 有少少.....

依家除咗校際比賽 , 其他比賽都要諗清楚 ,

就好似最近又有個 "第二屆全港學生公開音樂比賽"

唔知認可性有幾多

上年冇參加 , 本來想今年想參加 ,

但之前睇完關於佢地既朗誦比賽既 topic ,

對依個會既感覺麻麻 , 覺得好似搵家長錢咁 ,

一個比賽 (差唔多成 $400 蚊 ) 我覺得好貴 ,

我又唔係要亞女做郎郎 , (佢都冇咁既料子 )

只係想佢試唔同既比賽攞經驗 ,

但成 $400 蚊既比賽費 , 依個經驗太貴喇 ,

所以依家唔諗依個比賽喇 , 等開學......

好快又到校際 起碼平 d 呀 !!!

[ 本帖最後由 洛婷 於 09-7-21 16:25 編輯 ]

fyeung

所以家長要小心去選合適架比賽比小朋友參加,唔好因為張cert.而沖昏了頭腦.換來一肚氣.有d仲係鬼死咁貴,$100-$200個比賽就話啫,有d成$400,成本少少,利潤多多.

原帖由 wootaitai 於 09-7-21 23:36 發表
我小朋友 k2 要拿多d 獎。 無辦法， 見儘更差都有！
except 普師會， get some bad experience from every competition!

too bad thats' the game


  

洛婷

原帖由 fyeung 於 09-7-21 23:54 發表
所以家長要小心去選合適架比賽比小朋友參加,唔好因為張cert.而沖昏了頭腦.換來一肚氣.有d仲係鬼死咁貴,$100-$200個比賽就話啫,有d成$400,成本少少,利潤多多.

...

我都覺得比 $100-$200 試下個比賽都無妨 ,

但比幾佰蚊去參賽就真係要諗諗 ,

除非係大賽 , 不過我都冇咁大想頭高攀

金毛B媽

我星期一晚都有去到, 真係可以用 " 不知所謂 " 來形容, 司儀仲用 "咪" 鬧人, 之後有個小妹妹大喊 .......... 真係未見過一個頒獎禮係咁

後來司儀找不到人頒獎, 是但叫一個家長爸爸上台頒獎 ........ 嘩 .... 睇到我眼都突

個主禮人之後, 仲用 "咪" 大大聲講, " 今次頒獎禮找左 D 後生攪, 就攪到咁...... " --> 推卸責任

好彩我沒有報要上北京比賽, 唔係就真係又激氣, 又 SIDE $

金毛B媽

原帖由 wootaitai 於 09-7-22 00:21 發表
個人覺得 ＄200 是公價。音樂一般貴d

有個比賽更離譜。 初賽，semifinal, final, 都要錢。 一年四個round

thats why 個名 不太差的 （ie NOT learning key), 都有 demand！


But  to take it positively, my kid did lear ...

你講呢個, 我又係參加過, 真係要見識過先知龍與鳳 ....

參加晒初賽，semifinal, final, 要過千 , 仲貴過考琴試

第日參加比賽, 都真係要睇清, 睇楚

Stella116

我同囡囡都有去參加呢個頒獎禮, 呢次係囡囡第一次參加比賽, 又得左獎, 緊係比錢買飛領獎鼓勵下佢啦! 點知去到, 感覺係貼錢買難受!

等左好好好耐, 仲要係安排亂到不知所謂. mc成日讀錯命, 頒咩獎又亂曬.. 有好多唔係得獎既人表演... 表演一個接一個, 跳完舞, 台上的衫都未執就有人衝上台打工夫.

搞到後最因為太肚餓, 決定唔再等, 自己去左後台話領獎. 點知佢又比我地領!!! 但D得獎者no sticker 錯曬, 我去到後台先知, 同我個女一樣no.既有3位小朋友, 跟住要自己逐個盒開來找個獎. 找到後, 要小朋友自己攞個獎比mc讀名. 點知亞女行得太快, 連名都冇得讀…… 搞搞下都成11點先走得, 食埋飯回到屋企差唔多成點啦. 激死!!! 決定以後都唔參加佢d比賽!!!

[ 本帖最後由 Stella116 於 09-7-22 16:20 編輯 ]

fyeung

wootaitai,

你講個個一年4個round架,係咪係葵芳舉行架??
初賽比錢,決賽又要比錢,年尾大賽又要比,係咪?

原帖由 wootaitai 於 09-7-22 00:21 發表
個人覺得 ＄200 是公價。音樂一般貴d

有個比賽更離譜。 初賽，semifinal, final, 都要錢。 一年四個round

thats why 個名 不太差的 （ie NOT learning key), 都有 demand！


But  to take it positively, my kid did lear ...

fyeung

今次搞得真失敗wow!!
今年年頭1月1日個次唔係咁架.真令人失望!!

原帖由 Stella116 於 09-7-22 16:19 發表
我同囡囡都有去參加呢個頒獎禮, 呢次係囡囡第一次參加比賽, 又得左獎, 緊係比錢買飛領獎鼓勵下佢啦! 點知去到, 感覺係貼錢買難受!

等左好好好耐, 仲要係安排亂到不知所謂. mc成日讀錯命, 頒咩獎又亂曬.. 有好多唔 ...

cj177916

原來都有人與我有相同感受,真係從來都未見過咁既場面, 只好當上左一課,乜都見識下囉...見識過以後都唔會參佢既野囉.

evatsoihk

我知道得獎者在7月底好像有一個去北京總決賽的機會，屆時希望有家長在此分享你們的經過。