國際憶習法

芬姐

我早幾日見到有小朋友上「國際憶習法」，請問有冇人知係咩黎架？我見到 d 媽咪好緊張咁帶 d 小朋友去！好多人架喎！

pwsmay

我都想知，請問幾歲可以學？唔該有冇mammy可報料？

babychung1120

你係咪講呢個班呀?

-----> Baby Kingdom

芬姐

baby kingdom 有呢個班咩？我係九展見到人地上堂咋！

加菲貓

我兒子正讀國際憶習法, 三日全日在九展上, 學theory, 小學上junior class, 中學以上上senior class,  因為我兒子補讀時讀F.1, 所以可以上完junior class 後上senior class, 而且可以無限次參加, 不用再收費. 當然你就算再上course, 學的東西都是一樣, 只是當review. 但之後有10堂3小時小組形式在灣仔上補充課程, 不是無限次, 要在2年完成.

他這年幾已讀了兩個theory課程, 和一堂補充班, 所以未知效果如何, 但我兒子暫時都喜歡讀.

BaBaBlackSheep

加菲貓
        我囡囡都上咗junior class,佢都喜歡讀,但效果一般,唔知係咪再止堂呢,仲想問吓上senior class同埋嗰個１０堂３小時小組課程要唔要收錢嫁   

加菲貓

我報的senior class, 但佢地送埋個junior class, 另10堂補充班是包括在內, 你囡囡上完3日課程後, 可按自己需要和時間報讀補充班. 你可以叫佢地email個最新的時間表比你.

dickyally

請問時間及價錢 ? Thank you !

BaBaBlackSheep

加菲貓
        唔該曬 :

BaBaBlackSheep

dickyally
    我囡囡只係上junior class,大約$7000,因為囡囡細,最好有大人陪,合共$14000,要連續3個星期日上堂

加菲貓

有些媽咪問我有關資料, 不如你們去講座聽下會較詳細, 也知道憶習法是甚麼一回事. 當然有心理準備他們事後會游說你報名. 但若真的不想, 可企硬. 事實上憶習法的理論是不錯的, 不過學費junior(合小學以下)要$7000, senior(中學以上, 至大學都適合) 要$12000. 我囝囝起初以為是補習班, 所以沒有興趣, 但聽完講座後是他自己話想讀. 無辦法, 雖然肉赤.

電話: 2520 0783

芬姐

可唔可以大概話我知，其實係教 d 乜架，幫到小朋友 d 咩既 ... 我怕一去到 centre 度問，走唔甩呀！

加菲貓

通常人記圖片較文字容易, 記數字更弱, 所以憶習法是教你用形象法和聯想法去記數字, 發音, 地圖, 文字等, 及怎樣在一大段文字找出重點, 幫助記憶, 整個課程教你用不同方法去記憶. 講座中家長和小朋友會在100個空格上隨意填上數字, 導師會取去離開課室, 半小時後回來, 各人可以隨意問她, 如第10, 第2個數字是甚麼, 第3行1-10個的數字, 第5行1-10個倒數數字是甚麼, 她都可以一一回答你. 跟著我囝囝會離開課室15分鐘教他如何記得約20個詞語, 回來你問他某個字之前或之後是甚麼詞語, 他都可以回答正確. 那個導師和我囝囝怎樣在短時間內熟記一些沒有關連的數字和詞語呢? 這就是憶習法.

芬姐

咁又幾好喎 ... 因為細路仔成日都無記性！

不過又真係好貴。

Timmylam

加菲貓:

請問你仔仔現在學成點,對佢有冇幫助呀??

diamond88

Hi,

I am interesting in this method, please reply me the following questions.

-- Where to learn this method?  
--  Are there any course for adults?
--  If I learn this method and then teach my child, does it work?

Thks.

加菲貓

Timmylam,

我個仔話都有用架, 但我就覺得有無用係視乎佢學左之後又無應用出黎, 個方法係好架, 用唔用就另一回事, 其實仲未上晒, 我留返幾堂等讀高中先上, 因為到時要記架野多左, 複雜左, 咁就需要知道點樣用憶習法去記.

wywyandkk

我剛剛與老公帶埋讀K3而且slow learning的阿女去修頓球場對面互信大廈聽講座，一如其他家長所言，他們會講解一些簡單理論（例如prefix, suffix和SQ3R等），然後會由導師示範記數字的方法，然後再帶阿女離開十多分鐘，教她記下二十個物件的名稱，再讓她在我們面前順序和倒序帶一次。說真的，效果很驚人，因為阿女一向沒記性，教寫字默書要讀好耐。

不過，由於阿女年紀小，導師說如果我不是跟她一起報讀，他寧願收少一個學生，因為不想效果不理想而影響口碑。說真的，收費很貴，三堂共十二小時的基本課程再加兩年內最多十堂(約十人一班，約兩個半小時)的補充課程，一人要$7800，阿女連埋我要$15600，要在數月內付清。老實說，如果有效，多多錢都抵，但如無效或成效不大，真係好甘。

1. 請問有冇咁細小朋友學過而且有效?
2. 請問有冇大人上過?收費如何，是不是更加貴?
3. 請問其實是否有價講，有冇人淨係上基本班可以收便宜點?因為現在這個課程是一個應該是最有用的基本課程夾埋一個不上也可的補充課程一起推銷，如果自問能力不差，理論上大人可在十二小時的基本課程內學到全部或至少七八成技巧，如果只是陪阿女報讀，自己就更加不用上補充課程，那花上萬多元去學一套阿女未必或未必全部合用的技巧，豈非很不化算？
4. 請問是否有其他機構也辦同類課程，收費相宜一點(例如$3000左右)或可攤分長一點時間付清?

謝謝幫忙。

yanni-ma

有其他家長在BK提另一間同樣學記憶的學會,之前學(大人 or 小朋友)都係 $2xxx, 不如你地去網址睇睇,這間也常在報紙上賣廣告,好似周xx親自教的!
http://www.mindmanual.com.hk/