有無人cac評估後無得排服務？

eunice1102

有無人cac評估後無得排服務？

阿囡剛評估完，係自閉症譜系，醫生話她聰明，無發展遲緩，見我自己出面做緊訓練就話我出去上社交小組就得，不編我入輪候冊排服務！
但醫生明知阿囡有感統障礙、有情緒及社交問題！
你地有無人係咁？

irenelwl

回覆 eunice1102 的帖子

你有無要求? 我個心理學家都係比資料我睇，同排政府精神科。不過我有見言語治療師，我仔無言語問題，但有溝通問題，所以佢幫我照排醫院服務，主力係社交溝通。

KINGKI0308

通常cac 評估完， 就 pass 去精神科 follow,
而精神科醫生係幫小朋友排言語治療，社交小組， 个前訓練，
但感统就要6歲之後至可以排!
精神科係按評估醫生剔小朋友有咩需要至幫佢排咩訓練，
媽咪亦可見精神科醫生時提出要求，視乎醫生肯唔肯幫你幫嘞!

skytammy

原帖由 eunice1102 於 15-12-24 發表
有無人cac評估後無得排服務？

阿囡剛評估完，係自閉症譜系，醫生話她聰明，無發展遲緩，見我自己出面做緊 ...

我喺協康評估都係咁呀 佢話就算排都會俾社署reject

KINGKI0308

回覆 skytammy 的帖子

唔明？ 社署點 reject? 唔接受協康份評估報告？ 但我有朋友係聖雅各福群會，用$7800 做咗个評估報告， 聖雅幫朋友直接 pass 个 case 去社署， 之後社署 call 朋友上去揀學校，排 s 位， 朋友个仔都係自閉症

KidBuddy

eunice1102 發表於 15-12-24 13:48
有無人cac評估後無得排服務？

阿囡剛評估完，係自閉症譜系，醫生話她聰明，無發展遲緩，見我自己出面做緊 ...

據了解通常輕微遲緩而智力正常才沒有“派位”安排。但如果孩子是自閉症則應該在社交溝通以及固執刻板行爲/興趣方面問題比較突顯，應該要接受言語溝通訓練(言語包括社交語用)。至於感統方面，職業治療師通常比較有經驗。

你可以看看CAC兒科醫生的一頁簡報首幾項的描述是否嚴重，例如 非語言智能；口語理解力/表達力；身體發展等方面。在簡報左方及下方有顯示安排接見其他治療師及精神科醫生嗎？有説會稍後再評估/跟進嗎？

有沒有跟老師們討論如何在學校/家中協助孩子？

eunice1102

評估時已清楚表達阿囡的情緒和社交好弱，而家四歲仍會因固執行為經常哭鬧，尖叫大喊！但評估時醫生話轉介去精神科跟進，另有言語治療，因阿囡說話無問題，但有d答非所問！評估完我見無得排輪候冊已即時問，但醫生話輪候冊的服務唔o岩佢😞

eunice1102

評估醫生話佢無遲緩，但我問過其他小朋友係自閉症譜系的媽媽，都係cac評左自閉症譜系，無發展遲緩，但可以入輪候冊！

於是我評估後第二天打返去cac找評估個醫生，再強烈要求下終於肯比我入輪候冊了，早幾日已有社工聯絡我，搞好手續排輪候冊了！要排到用政府服務實在不容易！😓

KINGKI0308

回覆 eunice1102 的帖子

其實，政府排位緊咗好多好多， 我眼見遲我仔1，2年排政府位都差好遠， 隊長不在講， 就算係排見精神科， 我以前排半年就見到精神科， 依家要排起碼1年至見到精神科!全港有5間 cac, 間間輪候時間唔同， 大多新界西，北都排好耐
另外，傷津 ， 傷殘証， 傷殘8達通， 無以前無咁緊， 依家好多都唔肯批!
識得有个評估咗係自閉， 但都唔肯批傷津。。。。

KidBuddy

eunice1102 發表於 16-1-3 16:14
評估時已清楚表達阿囡的情緒和社交好弱，而家四歲仍會因固執行為經常哭鬧，尖叫大喊！但評估時醫生話轉介去 ...

高興知你爭取後孩子已可輪候特殊學前服務，但正如另一家長說輪候需時，可能等上一年都未必有，所以建議你盡快為孩子安排適切治療，何況言語溝通良好的孩子及成人是不應有問非所答的情況，而如孩子因表達溝通不良而經常引起情緒波動也不是好事兒。如ㄧ般化的教育無效就可考慮專業的冶療了。

skytammy

佢份簡報只係話我仔有自閉徵狀 但口同我講話中度自閉 因為我仔2歲3個月 言語嚴重遲緩 其他都冇乜問題

KINGKI0308

回覆 skytammy 的帖子

其實， 我哋早2年評估時，醫生唔會咁快講咩度 (輕，中，重)， 大多講發展遲緩， 懷疑自閉， 唔會咁早話係咩程度!但如果言語仍未有單字， 作講火星話， bb 話， 就真係盡快搵言語治療， 因為越遲做， 个小朋友有機會習慣唔用口表達! 真係有 d 个案 6 歲都一粒字都無， 只識嗌，叫

eunice1102

謝謝提醒
其實我係為了參加「到校學前康復服務試驗計劃」才要求入輪候冊，阿囡學校參加了到校計畫，11月時老師知我排緊cac，就比左表格我填，所以12月時我就等一評估有輪候冊編號就入得到校服務！唔洗排1年幾先有政府服務！🎉🎉（講真依個計畫真係好好！大大縮短輪候時間）

而家阿囡已成功入了到校服務，這個月見機構的導師、治療師，之後就開始訓練啦！