想辭職照顧2小孩，一讀障，一自閉加活躍

irenelwl

有無人好似我咁諗，或已實行?

money82

首先考慮經濟許可，如果老公一份人工可以支撐到特殊訓練，叧加一個工人。你全職教育

irenelwl

回覆 money82 的帖子

無可能請工人，不過我大的小4，細的黎緊升主流小一。我先有咁的諗法，太小反而唔得，自己帶唔掂。

money82

哦小學就好好多了，自己教對小朋友好好多。

irenelwl

回覆 money82 的帖子

上年這個時間confirm囡囡係讀障，搵左好多途徑幫佢，但覺得唔理想。其間又確診個仔自閉譜系，真係好辛苦，老公一個人工真係頂唔到，我都會搵半日工，乜都撈。但求能夠跟番對仔女，希望幾年後情況可以先再出番黎做野。

crystal媽咪

不如轉半職，
小朋友返了學你也去上班

除非你要跟入學校做訓練

irenelwl

回覆 crystal媽咪 的帖子

我有打算搵上午半天, 老公一份人工唔夠的。人工真係會小一大截, 但前後諗左好耐, 都係決定GIVE UP份工

vincelo29

你仔仔幾歲確診自閉？你有沒有給訓練？

irenelwl

回覆 vincelo29 的帖子

5歲確診，4歲半開始上ot,社交，情緒，專注力訓練

rakui

如果經濟上許可，其實自己照顧小朋友會好好多。我全時間照顧我小朋友（高功能自閉＋ADHD)已經一年，我可以帶佢去唔同嘅訓練同治療，在家又不停同佢玩有幫助嘅玩具游戲，佢呢一年嘅進步係超顯著！雖然錢係賺少咗，但係對我來說佢嘅身心發展重要過錢！鼓勵你，如果唔太影響生活嘅話，其實小朋友是很需要媽媽的。佢長大咗就唔再需要你，到時再去賺錢啦。

irenelwl

唔會完全無經濟問題，找到兼職就放心d,但2年時間就暫時可以試，如找到兼職就可以長時間去半職兼顧，希望我搵得到啦。

Octopusma

我細仔k1開學排期，兩個月後確診語言發展遲緩及自閉症傾開，排期上早期訓練，k3排到了，因舊工人要返印尼吾做，個個星期返最少一堂，好難要老人家幫手，最終兩年半前，我quit左做左17年自由度好大既工， 全職湊細仔，功課自己教，成績吾係好，但我絕對相信無補習社可以花甘多時間教一個學生。

現在細仔小二， 語言發展算係追番平常，讀書吾算好成績，但已進步好多，可能貼身照顧左兩年幾，同細仔關係好好。

呢個付出係值得的。

irenelwl

回覆 Octopusma 的帖子

我份工都做左16年，之前同老闆傾過下，佢話如果我轉兼職佢會接受，叫我計劃下再告訴佢地，好開心。我女已係全級最差組別，無得再差，我希望自己試下貼身教，起碼叫努力過。

irenelwl

回覆 Catcattherine 的帖子

多謝

Octopusma

原帖由 irenelwl 於 16-01-15 發表
本帖最後由 irenelwl 於 16-1-15 22:32 編輯

回覆 Octopusma 的帖子

當日我老細都留我，offer俾我返半日或就我仔上堂果日day off，但我d工作要搵同事幫手跟，我減人工就預左，但人地做埋我份無人工加，吾想影響埋同事喇。

其實返半日都趕吾切接仔放學再去上堂， 升上小學，隨時有咩支援我都可以抽身去接送，早排剛完全醫院安排既社交班，佢偏食到學校訂飯只食白飯吾食送，我終於頂佢吾順自己煮佢肯食既野做午餐, 本來d指甲有一點點似針孔既印（營養不足果d情況），幾個月後明顯好轉， 如果吾係ftm實在做吾到甘多。

黎緊佢升小3穩定既話，我都打算搵番野做。 但諗到返工小左時間照顧佢地，未發生已吾捨得。

irenelwl

回覆 Octopusma 的帖子

我細仔都升小了，可以轉半日。老公一份糧實唔夠。公司話重新安排工作，都唔會要同事做埋我個份，都會請人啦。你當年仔細，情況會趕迫d.我女一直都係帶暖壼，小一食得小，到而家小4都能清晒我入的飯餸，唔知關唔關食左魚油事，d年胃口好左。

Octopusma

原帖由 irenelwl 於 16-01-16 發表
回覆 Octopusma 的帖子

我細仔都升小了，可以轉半日。老公一份糧實唔夠。公司話重新安排工作，都唔會要同 ...

係喎，食魚油都好喎。
我細仔吾食肉，所以我煮飯必加藜麥，補充番d肉類蛋白質。

irenelwl

我地真係要絞盡腦汁

白玫瑰

原帖由 irenelwl 於 15-12-21 發表
有無人好似我咁諗，或已實行?

我