港華轉直資 華小反彈超預期（程尚達）

elbar

　　傳統名校華仁書院（港華）轉制直資的諮詢進入尾聲，持份者問卷調查昨正式結束，料明年一月中始會交代結果。綜觀今次港華轉制掀起的爭議，有別於以往集中於家長與校友，而是引起直屬小學反彈，焦點更集中於番禺會所華仁小學校長陳岡身上。有港華校友友好同程尚達傾開，坦言今次爭議在港華與華小的教學成效，令持份者始料不及。

　　雖然港華在諮詢文件的初擬學費水平不高，更建議撥出兩成半學費收入作獎助學金，令校方在諮詢初期掃除被指「貴族化」的質疑，不過踏入最後階段，卻發生與華小日後銜接安排未達共識的爭議；華小校長陳岡更聯同全體教師發表公開信，質疑港華未從教學質素着手改善，甚至「靠每年踢走若干數量的華仁子弟」，以維持「英中」地位。翻查資料，以往傳統名校轉制直資，比如成功轉制的協恩中學，或未成功的聖士提反女子中學及聖保祿中學，爭議源頭均不外乎家長與校友，但今次反應強烈的卻是直屬小學。

　　友好坦言，華小即將遷往北角新校舍，適應新環境挑戰不輕，港華轉制直接影響華小的收生吸引力。港華以解除英文班「落車」威脅為由轉制，雖然受到出生人口下跌，上移錯配所致，但對華小卻不是味兒，「港華始終有相當比例的中一生從華小直升，若把矛頭針對生源質素，難免觸動華小的神經。」

　　友好稱，陳岡曾任教育局總課程發展主任、九龍華仁書院校長，對中學課程規劃甚為熟悉，這樣背景在芸芸小學校長中甚為罕見，「他在公開信集中火力指港華欠缺教學策略，質疑轉制看不到在教學上『帶來甚麼新契機』。一般的小學校長，恐未必有足夠背景提出類似反駁。」友好坦言，近兩年文憑試中文科試題已經公認偏淺，甚至被形容為「不再致命」，華小質疑港華文憑試成績不理想若然屬實，「顯然是教學策略欠效能，而非生源質素問題。」華小雖有耶穌會背景，但辦學團體是旅港番禺會所，兩校獨立運作，與不少轉制直資的傳統名校，中小學由同一辦團管理有別，令華小「發聲」空間更大。

　　港華最終能否轉制直資，要待耶穌會明年初敲定，但爭論難免傷和氣。若然「有一種直資是華仁直資」，相信下一步需要思考，正是怎樣達成「華仁式和解」。

ANChan59

又不用怕陳岡，教育局經驗好大機會是負資產，他是當時教育局通識推手之一，2012自己後來親自落埸考通識，只得個4！

眾所週知，九華成绩一向差過港華

剛剛搵「谷歌」幫手，發現原來當年在九華得罪校友及家長，提早兩年結束合約，申請港華校長一職不果，2013減薪兩萬元去華小，話提升學生B1比率，然後有機會掌管港華，現任港華校長正正給他左一巴，右一巴！他反枱是好自然的反應。

https://hk.news.appledaily.com/local/daily/article/20130511/18256305

北衛2018都會搬到華小東區新校舍接鄰，但區內家長就十分歡迎北衛的新校舍，及滿意北衛一向的 Band 1 率，好大的對比。

elbar

ANChan59 發表於 17-12-14 09:11
又不用怕陳岡，教育局經驗好大機會是負資產，他是當時教育局通識推手之一，2012自己後來親自落埸考通識，只 ...

所以有直屬小學係有辣有唔辣，如果中學轉到直資而小學唔肯轉唯有 Sayonara

ANChan59

elbar 發表於 17-12-14 09:34
所以有直屬小學係有辣有唔辣，如果中學轉到直資而小學唔肯轉唯有 Sayonara
...

直資學校可以開小學部

華小玩咁大，跟校長一齊玩完！

elbar

ANChan59 發表於 17-12-14 09:45
直資學校可以開小學部

華小玩咁大，跟校長一齊玩完！

跟隨男拔舊路

ANChan59

elbar 發表於 17-12-14 10:02
跟隨男拔舊路

都不止男拔一間！

MC1128

ANChan59 發表於 17-12-14 09:45
直資學校可以開小學部

華小玩咁大，跟校長一齊玩完！

我看到是兩敗俱傷。即使中學甩開小學，成功轉直，有家長肯讓孩子讀DSE 中文成績咁驚嚇的中學嗎？

elbar

MC1128 發表於 17-12-14 14:21
我看到是兩敗俱傷。即使中學甩開小學，成功轉直，有家長肯讓孩子讀DSE 中文成績咁驚嚇的中學嗎？
...

如果係低band 啲直小生問題就甩開都正常

MC1128

elbar 發表於 17-12-14 14:43
如果係低band 啲直小生問題就甩開都正常

本帖最後由 MC1128 於 17-12-14 16:41 編輯

正常嗎？不只是小學的責任吧？

港華自行收生佔30%，直小升上來有band 1, band 2

但最後 DSE 中文 不達3 是41 %，小學生升上中學後，中文成績越讀越......

ANChan59

MC1128 發表於 17-12-14 14:21
我看到是兩敗俱傷。即使中學甩開小學，成功轉直，有家長肯讓孩子讀DSE 中文成績咁驚嚇的中學嗎？
...

我覺得會大幅改善，自行好大機會是 top 學生，華小一半 B1，另外兩成 B2 上港華，假設B2那批絕大多數肥中文，踢走那批，補充B1學生，就”有教無「纍」”！

我懷疑最大問題是華小 B1  學生只有三成，而非五成！

shadeslayer

ANChan59 發表於 17-12-15 20:23
我覺得會大幅改善，自行好大機會是 top 學生，華小一半 B1，另外兩成 B2 上港華，假設B2那批絕大多數肥中 ...

如果小學B1只有三成，即低過全港平均。唔係差，不過唔係突出。

Vanadium

多年遊走不同校際比賽，就感受名校有分虛名與實名。

虛名者學校長歷史，出名，但明顯教學唔得，老師唔知做咩，無料到，最後成績與收生不成正比地差。

實名者出名得黎真係睇到學生有出眾表現，老師有料實幹加投入，帶起學生追求卓越，贏到不少公開比賽。

還記得某年去一個聯校科學展，名與不名之學校都好認真參賽，當然名校作品大都非常見得人同吸引。但只有一個攤位.....華仁書院，攤檔竟無咩佈置展品，大部份時間無人理，老師唔知去左邊，終於某時間突然有人坐係度，但問到時竟展示一件近乎小學質素之"作品"，可以話近無認真做過黎形容  。

若然華仁話教學唔得，我絕唔會懷疑。若華仁中學校長想澄清，可公佈其增值指標，呢個係根據收生去project DSE成績，唔好怪話自己收生差，收生弱教得好都一樣正增值，但我幾有信心佢係負增值得好緊要。

elbar

MC1128 發表於 17-12-14 14:53
本帖最後由 MC1128 於 17-12-15 12:37 編輯

本帖最後由 MC1128 於 17-12-14 16:41 編輯

男拔，聖保羅書院早將此問題解決

October.

B1學生就係得1/3咁多，男仔B1生比例又低於女仔，加上地區學校及國際校分薄生源，普通點既傳統名校已冇以前咁大優勢，現在先來脫龍有啲失咗先機。

同意MC1128,中文成績弱中學負有責任，自從DSE後，唔少中學對中文落咗唔少功夫，學校自出校本，加強中文教學， 唔知有冇華仁家長講下學校中文課程係點？

我地當年就係有啲擔心佢地DSE成績，豫然幫阿仔由對男仔絕對有優勢既網轉走。。。

elbar

October. 發表於 17-12-16 11:15
B1學生就係得1/3咁多，男仔B1生比例又低於女仔，加上地區學校及國際校分薄生源，普通點既傳統名校已冇以前 ...

相對男拔，聖保羅書院係遲咗申請轉直資才正確  

October.

elbar 發表於 17-12-16 11:37
相對男拔，聖保羅書院係遲咗申請轉直資才正確

加上咁多直資，華仁呢類唔似得人地直資“神校" 可以收大量學霸，中學係教學上再懶懶閒，成績跌是必然的。

MC1128

elbar 發表於 17-12-16 11:37
相對男拔，聖保羅書院係遲咗申請轉直資才正確

當年政府推直資，大力拉攏聖公會學校，夏永豪最熱烈回應。維基說Spc o2, DBS 03轉直。


同意，歷史悠久的傳統名校現在才轉直，失咗先機10幾年。可以估計，黔驢技窮，已是絕地反擊

MC1128

October. 發表於 17-12-16 11:15
B1學生就係得1/3咁多，男仔B1生比例又低於女仔，加上地區學校及國際校分薄生源，普通點既傳統名校已冇以前 ...

是的，港島區生源已較少，不似九龍區可由新界幫補。

外憂加內患

Vanadium

或者再講下華仁書院係呢次事件既論點問題，個人覺得華小校長所講不無道理。

首先講下banding，據一直提供既資料，香港係分區分band，即港島區學生自己分三個band，新界某D區學生又自己再分三個band。而近公開之秘密，由於社經地位較高，香港區即使band 2學生，相比新界區其實都已係band 1尾水平，或直接講，同banding，香港區學生都係比新界區學生成績好。

DSE全港日校考生中文科取3率為56%，呢個成績，係好多新界全band 2生中學都可以做到(或好接近)，港華攞住一大堆港島band 1學生，就當部份係港島band 2(但其實已係新界既band 1尾)，竟然都只係呢個全港日校平均值，如果佢中文成績唔係最低既負增值(即-9)，都應該非常接近。

再睇佢既學校報告，雖然每科成績都唔敢公佈，但公佈出黎既成績(如幾多%人可取5科4級)，真係任何地區一間唔出名既英中，都應該至少同佢相約，其實應好大機會好過佢。

再講，係咪一條龍學校一定係成績唔好呢? 或者參考協恩，未轉直資前與協小一條龍，都係津校，一直都要接收唔少協小band 2學生，但無論會考高考、DSE，成績一樣非常靚**，仲唔計人地D課外活動、學術獎項多到冠絕全港，要知道人地整個教育同老師都好有心去做。唔計協恩，名津校一條龍既仲其他好幾間，而官津名校既亦有唔少，但成績都仍保持到高水平。港華有無認真檢討自己成績下滑原因?

(**協恩現時DSE成績仍源於津貼一條龍既學生，可參考佢地學校報告。)

總的，華仁唔先檢討教學，老師心態、學校風氣有無與時並進，淨想用收生提升水平，唔知有幾多家長願意比錢送優秀仔女去負增值。咁既教學情況下話要用老牌名校名義轉直資，究竟係名校定貨不對板既學店?

cow

如果我辦直資中學, 一定開GCE AL比中文唔達標嘅同學選讀。