教區聖方濟各大學動土（李八方）

elbar

梁振英盲搶地，收番粉嶺皇后山私立大學用地起樓，令耶穌會要另搵地籌建天主教大學。同樣籌辦天主教大學嘅天主教香港教區就比較好彩，兩年前獲批調景嶺一塊地皮，擴建明愛專上學院，新校舍上周動土，預計2016年落成。教區話私大會叫聖方濟各大學，係副主教楊鳴章建議，以奉獻畀教會內三位名叫方濟各聖人。

新校舍樓高10層，可容納3,200人，目前遇到嘅難題，就係五行欠「水」，8億建校費，仲有3億未有着落，校方話籌款唔易，希望社會賢達幫幫手。要做私大仲要過幾關，先要等首幾批學士學生畢業，再向政府申請，通過評審先至得，如果屆時特首唔係狼英，成數機會應較高。

zooweemama

資金不足，跟直資或津貼名校結龍有幫助嗎？@@
不少人認為大學應重質、不是量。
不過，多家大學，肯定好是。