又要煩報小一

MrsMu

我個仔4歲時confirm有自閉症, 佢讀書ok, 係社交和情緒方面有問題, 情緒大上大落, 無自信, 從來不會上台表演, 影大合影就擰轉身!

本身讀緊K3, 但上年十月做小手肌評估話佢delay左年幾, 再加未排到政府training, 所以決定讓他重讀K3, 諗住等佢接受training多一年, 輕鬆左大半年, 依家又要開始煩惱㨂咩學校! 應該㨂活動教學定傳統教學？傳統好似好d但又擔心佢坐唔到一日. 依家好多學校都大班又多活動, 好擔心佢適應唔到, 又俾人"蝦", 又唔知要唔要諗埋升中, 真係好煩!

coffeeyu

你邊區？bk小一選校應該幫到你？

MrsMu

TKO, 但SEN小朋友選校又同正常小朋友考慮既唔同😪

jolee

回覆 MrsMu 的帖子

我同您一樣都煩緊應該揀邊種小學?囝囝專注力弱, 傳統學校怕佢坐唔定, 但活動教學要經常和同學交流討論, 佢社交弱所以都難, 希望有經驗JM可以俾意見, 謝謝

unfunny

我自閉譜系的仔仔今年9月升小一啦，初初我選校我以小功課有調適，有關愛以學生為主，支援多有經驗照顧有特殊學學生的，我周圍問讀緊學校的情況，清楚知道老師如何，去開放日去聽下校長教學理念如何，你自己感覺下

piglet0529

原帖由 MrsMu 於 16-06-13 發表
我個仔4歲時confirm有自閉症, 佢讀書ok, 係社交和情緒方面有問題, 情緒大上大落, 無自信, 從來不會上台表演 ...

以下是前人的留言 (至於我自已就選傳統二線, 同前人的留言情況相似):

我認為傳統教學比較適合A仔。

因為只要A仔知道上學的流程，就會有安全感，減少未知的活動帶來的焦慮而引發的情緒問題。A 仔是很需要生活有規律的。

其二是A仔的社交能力弱，傳統教學可令他們專注學習；相對活動教學，要和其他同學合作，對A仔來說要同時處理學習及社交，會很吃力。

另外要考慮的，是A仔的能力，A仔可以資優也可以有智能障礙。語言方面有些冇問題，有些遲緩。社交的能力亦各有不同。有些A仔較固執及焦慮，有些又不太嚴重，基本上每個A 仔都是獨特的，所以要考慮的有好多。

如果語言、社交、認知能力都不太弱的話，選活動教學也許可訓練到小朋友的社交及和與別人合作的能力，否則都是傳統較適合。事實上，許多傳統教學都會有分組活動，只是比例上少而已。

普遍來說，A仔承受壓力的能力遠低於正常小朋友。所以即使好叻仔，我也認為不太適合一線催谷學校。

選校方面，有些是收較多SEN，課程較淺，但對SEN有相當的經驗，人手支援也較充足，家長間有較多同路人，較易交流和彼些支援，減少家長許多心理壓力。缺點是班中有許多SEN，要多包融能力情緒控制較弱的同學。

有些三線的小學，少一點SEN，但較接受SEN(因怕收生不足)。課程和功課量會深和多少少。但要注意近來多收國內人，資源可能多撥給他們作新來港適應，家長間多講普通話，難埋堆。

二線小學就再少一點SEN，課程及功課量就再多少少，支援都比多數SEN學生的學校少好多，因二線學校許多都不是大校，反而不及一線小學的支援，官校會多一些支援。

一線小學，雖然明示或暗示不適合SEN，但其實入到去，支援一般比二線小學多，好多都有特殊主任，ST/功輔/社交小組等都齊。不過要記住，大多支援只在一、二年班，學業跟不上會好吃力。

還要留意，如果小朋友是SEN，想轉校是很難的，即使多收SEN或三線小學，都不願意收SEN插班。

上面只是我個人意見，也只是概論、泛指，學校到底如何對待SEN，要到校參觀，跟老訢校長交談，了解學校特色，多聽家長口碑，才可找到適合的學校。

MrsMu

Thanks! 你有無直接走去學校問呀？

pyalisa

原帖由 piglet0529 於 16-06-15 發表
以下是前人的留言 (至於我自已就選傳統二線, 同前人的留言情況相似):

我認為傳統教學比較適合A仔。

很好的分析

piglet0529

原帖由 pyalisa 於 16-06-16 發表
很好的分析

我仔是比較文靜的A, 智力正常有某的特殊興趣超齡, 只是溝通社交爭的, 依家讀依間傳統2線, 谷谷地不算最谷但都多功課, 不過佢可以好快完成去玩他的特殊興趣, 見學校程度不算淺不算深, 他考到前二十, 有自信學習, SEN support其實好少, 有言語治療幾堂, 有安排輔導傾計幾次, 到現在學期尾考晒試安排左社交小組咁, 其實家長在小一初期要睇得緊的同佢多傾計, 協助及鼓勵他融入小學生活同識朋友仔好緊要

taptap83

piglet0529 發表於 16-6-16 10:06
我仔是比較文靜的A, 智力正常有某的特殊興趣超齡, 只是溝通社交爭的, 依家讀依間傳統2線, 谷谷地不算最谷但 ...

請問你有冇同小朋友講佢有自閉症呢？我仔上年年尾先確診，4月排到早期但到9月升小學就會停。而佢之後會去醫院精神科跟進，而學校都會有跟進。如果佢問我點解佢同其他同學唔，人地唔洗去精神科唔洗去治療，我唔知點開口。
而家去早期我同佢講去玩多d，去評估就話俾醫生檢查發展得好唔好。究竟應該點開口呢？

piglet0529

原帖由 taptap83 於 16-06-16 發表
請問你有冇同小朋友講佢有自閉症呢？我仔上年年尾先確診，4月排到早期但到9月升小學就會停。而佢之後會去醫 ...

我冇講, 只跟他說他說話差要言語治療, 成日唔答人人地點知你叻你識, 見醫生是看可不可以升小學 所以醫生問咩要答, 如果唔係讀番幼稚園

llam1210

Haha 嚇死要讀番幼稚園😂

Sask999

可以考慮一下比較著重關愛的小學，相信小朋友及家長都無咁大壓力！