想請教 -- 關於體藝中學

BB200200

想問下有無家長的小朋友派去體藝, 想問下點樣"報處", 因小女成績唔係甘出眾,興趣只有游水,跑步,但係我地住響紅磡需要誇區,唔知成功率有幾高??
tks

flowerflower

體藝中學並不是由電腦派去的，亦無地區限制，收生的話事權全在學校。去考的學生一定要在體育或美術科有較突出的成積，填報名表時要小學的體育或美術科的老師和校長填D資料，(差不多像推薦信)第一次面試時報考體育的要考體能，如果pass了，就要去第二次面試。記得要帶齊所有的獎狀，但是要今年九月入讀的話，可能已截止了，可以打電話去學校查詢。

BB200200

flowerflower :
唔該晒, 不過我想問下你係咪有小朋友考到入去?? 但係我唔明白佢地唔係有部份比教育署買左位??同埋每次面試需唔需要家長一齊入去回答問題??我小朋友今年9月才升四年班,而且我估我小朋友只係band2成績,所以我而家諗著鋪定路,睇下我個入呢間學校機會大唔大。

flowerflower

BB200200  
我的小朋友是兩年前考的，pass了第一關，第二次是英語面試，因她比較害羞，回答問題時太細聲，所以沒有取錄，但放榜後再去考後補位，pass了。但最後選擇了另一間英中。當年是沒有政府買位的，收生權全在學校，與一般學校不同，家長是不需一同入去面試。去考一考也無妨，也不會影響第一次的自選學校，(即是話報了體藝也可再報另一間中學)如果取錄了也是7月放榜才知的，電腦表一樣要填的。到你小朋友考時，可能不同了，到時要找新資料參考才好。因到時的升中派位方法已不同了。

靖嵐

個人認為如果你想小朋友入體藝, 可以比佢嘗試參加o下d 訓練班操練, 例如: 校隊, 泳會等等, 又或者可以o既話玩o下比賽, 有d經驗甚至獎項都會有幫助. 除此之外亦可同小學/訓練班教練打好關係, 因佢o地可以幫手寫推薦書.
而誇區問題就唔需要擔心, 因為體藝學生全部來自各區, 佢亦預備o左宿舍給住得太遠的學生.

體藝中學的網頁: http://tic.edu.hk/
你可以留意一下佢o地開放日及收生時間表.

BB200200 寫道:
想問下有無家長的小朋友派去體藝, 想問下點樣"報處", 因小女成績唔係甘出眾,興趣只有游水,跑步,但係我地住響紅磡需要誇區,唔知成功率有幾高??
tks

anitatata

佢一般收band 1 學生，如果band 2 除非真係運動好勁好勁，攞好多獎佢先會考慮，佢都係睇左成績先ga。

BB200200

唔該晒D媽咪, 其實我已經由而家開始比個女學游水,不過佢淨係玩水,真係[比佢激死。
flowerflower,
家長是不需一同入去面試。~~>>因為我朋友個囝考德信,佢地要一家人入去面試,仲要用英文對答,因我同老公D英文唔係甘好。想問下你小朋友而家讀得好唔好(課程會唔會好深)??己我所知佢地係用體育同藝術分班,你小朋友編左去邊班??

靖嵐,
我都嘗試比佢參加泳會,不過佢淨係識玩, 我都知道教育署成日轉,所以都好留意佢地學校D資料。但我擔心係佢唔係BAND1驚考唔到。

flowerflower

BB200200
當年我小朋友考的時候是她自已入去面試的，家長不需入去回答問題的。我的小朋友最後是沒有入讀體藝，去了另一間英中。其實最好是由現在開始比你的女兒參加多D有關體育的課外活動，取多D証書和獎項，這幫助也很大的。

BB200200

flowerflower
唔好意思,因為我趕時間放工,唔記得你小朋友無讀體藝,不過好多謝你比甘多資料我。

靖嵐

BB200200,
體藝中一至中三有五班, 有兩班主修體育, 兩班主修藝術, 另一班就精英班(學科成績)一半係體育一半係藝術. 到中四至中五有五班(差不多全部都由中三直升), 就兩班文科, 三班理科, 而會考就一定要考體育/藝術科(共八科, 可再自修). 而中六至中七有三班, 一班文科, 兩班理科, 入大學入學率約八成(A level只有藝術考, 但亦可以讀學校裡的體育cert.). 可以放心, 課程沒有比出面d學校特別深.
至於band1定2, 好難講, 因為我有朋友以前band 2而體育成績又唔係十分標青都可以入到體藝.... 但小朋友入到體藝你要預o左會比較玩得多少少, 因為一個星期平均會有八堂體育堂/藝術堂, 好多時放學後亦會練校隊.
不過依幾年都轉過兩三個校長(依家個都就退休), 所以好多o野都好難講....
小朋友通常都貪玩, 唔駛唔開心, 你有冇問過佢想唔想去體藝讀? 如果佢想咪叫佢試o下操泳會/校隊囉, 又可以當識多d朋友....講真, 唔係入o左泳會就一定入到體藝.
希望以上資料可以幫到你.

flowerflower,
我想問你點解當初比小朋友考體藝?(我八掛)

BB200200 寫道:
唔該晒D媽咪, 其實我已經由而家開始比個女學游水,不過佢淨係玩水,真係[比佢激死。
flowerflower,
家長是不需一同入去面試。~~>>因為我朋友個囝考德信,佢地要一家人入去面試,仲要用英文對答,因我同老公D英文唔係甘好。想問下你小朋友而家讀得好唔好(課程會唔會好深)??己我所知佢地係用體育同藝術分班,你小朋友編左去邊班??

靖嵐,
我都嘗試比佢參加泳會,不過佢淨係識玩, 我都知道教育署成日轉,所以都好留意佢地學校D資料。但我擔心係佢唔係BAND1驚考唔到。

吉蒂

我朋友個囡入左去,佢地話大部份學生都有私人教練,一星期練五日水,好誇張,不過,佢讀左一年,今年要揾番D普通中學

靖嵐

吉蒂,
操練同學科成積無關喎, 加上中一至中三咩運動都要玩齊, 唔係操一樣就可以體育科成積好, 會唔會你朋友個女怕辛苦所以要轉學校呀?(隔日上體育堂都幾疲累)

HPChingchingma

我識人在此工作，現在收生以 EMB 全港 的 rank list 排名而評選，體藝成績己變次要，己無當年特色。因為體藝勁叻或成港隊成員的已選去傳統名校。留下來多是成績好，運動又不差的申請，而不像以往的運動標青，但成績不甚理想的小六學生。

據她說，運動項目現在小孩玩得很高水平。今年最少有800幾至1000人申請，只得300人有得測試，其中以< 美藝 > 申請比 < 體育 > 少得多， 單以男仔申請就更少，學校從申請表資料己預好 <藝 >方面人數，男仔機乎2選1  至3選１之間，很大機會。固此也叫我為仔仔預早<美藝 >方面著手。話到底是成績掛帥喎，而仔仔對美藝方面直情係白痴。
我想倒是入紙申請無妨，沒有損失。但小朋友如在美術、音藝、舞蹈熱愛的話，就真打從至少P.4 要落多心機，因此項目競爭少，多一間 band one school 作目標也不壞o丫！

如果女孩子可以從美術慢慢培養，找個好老師，現在不太難，很多國內而來的老師 ，應該找到合適。

BB200200

靖嵐:
多謝你既保貴資料, 因為我知道個女對讀書心情唔及游水興趣高,佢響一年班已同我講"游水係佢生命之一" 所以由一年班開始暑假我都比佢游,但今年9月開始升上四年班更加要比佢去比賽(希望有獎羅),如果比佢知道每個星期要游水5日,佢實開心~.~ ,另外你也提及還有其他運動也要玩齊,對我個女呢講係一個好消息,因每次幫她找課餘活動佢都例牌講"媽咪,你唔好搵D要座低響位既野比我學"都唔知係咪佢pat pat有口釘??所以有甘多運動比佢學佢唔會怕辛苦, 我響2年前已經留意呢間學校,我都知道今年轉左校長,希望我個女考時有個好校長 。

靖嵐

bb200200,
咁o係度預早祝 你囡囡考到心儀學校, 讀書讀得開開心心.

BB200200

靖嵐
希望個女心想時成   

沙田柚

【本報訊】（記者　李國標）體藝中學過去一直受批評指學業成分過重，未能體現專門培訓學生體藝技能的目的。但本港第二所新的直資體藝中學又即將誕生，由半島針織廠董事總經理林大輝致力匯聚各方社會知名人士籌組而成。該校有意通過體育及紡織製衣等訓練提高學生的學習能力水平及使本港競爭力再度攀升。 --文匯

康體發展局精英培訓及康體發展總監鍾伯光指，現存的體藝中學性質有些改變，文法課程與課節太多，沒有予彈性給運動員學生，相當多體育教練都不願送他們到該校就讀，但現時林大輝中學則有這項彈性。 --文匯

我有個親戚既女女入左體藝中學,上年話900人競爭180個位,全Band 1 (但今時今日3個bands,所有以往Band 1津中都會好溝淡晒!唔知對呢間有冇影響呢?),原來佢地分體育生及藝術生,藝術生唔使考體能,但要睇作品!所以要早一兩年,儲好"子彈"咁話,全英上堂,起初好唔適應,但半年後會ok!今年換了新校長!

沙田柚

程程媽 寫道:
我識人在此工作，現在收生以 EMB 全港 的 rank list 排名而評選，體藝成績己變次要，己無當年特色。因為體藝勁叻或成港隊成員的已選去傳統名校。留下來多是成績好，運動又不差的申請，而不像以往的運動標青，但成績不甚理想的小六學生。

據她說，運動項目現在小孩玩得很高水平。今年最少有800幾至1000人申請，只得300人有得測試，其中以< 美藝 > 申請比 < 體育 > 少得多， 單以男仔申請就更少，學校從申請表資料己預好 <藝 >方面人數，男仔機乎2選1  至3選１之間，很大機會。固此也叫我為仔仔預早<美藝 >方面著手。話到底是成績掛帥喎，而仔仔對美藝方面直情係白痴。

....好似而家咁做已叫性別歧視....冇呢支歌唱囉喎!

較肉柱

老實講呢間中學入唔入到真係唔洗恨,
由開校至今已經超過十年,
唔好話體育藝術方面毫無成就,
就連會考成績比起一間沙田既band2學校亦不如,
中英成績差都算啦！
夠膽死「體育」同「美術」科會考居然都有本事有人唔及格,
唔係一年喎年年如是.

論設備論師資(幾年前仲有幾個老師擁有碩士甚至博士資歷潻)一d都唔係差,學生宿舍都有,
如果有料到冇理由冇表現既,
因為學校既管理層係決定性既因素.
管理層唔掂,先生同學生曉飛都係假既.

冇錯佢係全港收生,而且收親都係band1學生,
好可惜大部份學生讀左5年之後成績都有令人驚訝既大倒退情況.
唔係一年兩年,係年年如是,
香港納稅人d錢就係咁樣浪費哂,
錢冇左可以搵過,入面既學生咁就一世啦....................

你地知唔知搞到間學校變成咁既罪魁禍首係邊個呢？

沙田柚

老兄似乎好了解沙田學校既情況阿!連郭得勝發生既事都知!希望你發放多的料畀大家知阿!
根據我網上所知,十多年間校長係由轉去男拔萃做校長既張灼祥.之前佢仍屯門另一Band 1既創校校長,直至早兩年去左男拔萃!你指既是新任校長??但據我親友既女兒所講,現任校長很受同學歡迎,莫非你指既係校董會?

報紙話佢近年有的變質,睇學術多於體藝,係咪真??

還有是否可以係網上查到邊間有冇大倒退??你知啦,網上既野都係道聽途說,好似你所講既馬鞍山祟真,有人話band 1有人話唔係,都唔知信邊個好!! Mnay thank!