為何自行收生要同派位一齊公布

ma1860

如果自行收生結果好似直資學校一樣，可預早公布就好得多了。如已知被取錄的，就可不用費神填選30間，及可安安樂樂等放榜。如知不幸落選，又可預早準備不同的策略。現在好大心理壓力啊！一日未知結果，一日個腦就想住點樣叩門、去邊間叩門、又驚派到十幾志願，又要繼續努力問定接受叩門學校的資料。唉.............................！！！！！！！！！！
「叩門」，不是論某個Banding才需要做的，而是論你夠不夠運。如不夠運的，話之你幾Top，一樣有機會派去十幾志願，到時一樣要去叩門。這樣的教育制度(六合彩文化下的教育制度)，唉！！叻又死，唔叻又死。學生慘，家長又慘。
如果可以預早知道自行收生OK了，相信起碼有部份家長可以放下心頭大石，專心工作。
教署的官生、官太們，你們可否提高透明度，方便一下家長們，不要讓家長們樣樣都自己估下估下，道聽途說，驚下驚下。

tkkmama

早前同一位朋友傾開,原來佢仔當年自行分配學位係未填30個志願前已經知道結果架,不過佢仔現在已經大學畢業.

另外好似一齊公佈既原因,係唔想入左中學既學生冇心機去考大考喎
~~唔知真定假既呢 不過有時D政策都好令人費解架

ma1860

其實會否在自行收生面試時，有學校會明示或暗示學生會否被取錄呢？

kimmyandy

dear ma1860

呢個係 hong kong教務署既遊戲規則,除非你唔玩啦 ,所以------>無計  
其實我個case重驚過你,因為1st in 封信我收唔到, 幸好有d媽咪問我個女in 左未, 我即管打去學校check下(因當時1st in已完畢,我重巳為個女冇得in),好在中學d老師肯同我check, 後來覆番電話比我叫我同埋我老公帶囡囡一齊去in(就係你2nd in果日囉),咁你話我個女當一次過in哂兩次丫,定係學校求其補番次interview呢?
之前聽上年屆d case, 有2nd in已多數會收(of course 我唔sure今年係咪一樣啦), 所以你囡囡有機會架,唔好比咁大壓力比自己同囡囡啦,問定叩門學校資料後,去玩下輕鬆下,靜心等候好消息嘛 :wink:  

ma1860

kimmyandy 寫道:

引文：
dear ma1860

唔好比咁大壓力比自己同囡囡啦,問定叩門學校資料後,去玩下輕鬆下,靜心等候好消息嘛
***************************************
Dear kimmyandy

多謝你來打氣！

****************************************
kimmyandy 寫道:
引文：

咁你話我個女當一次過in哂兩次丫,定係學校求其補番次interview呢?
****************************************
Dear kimmyandy

你個女1st+2nd in.用了多少時間？我個女1st in.當日由8:30-12:00 ，分別不停的見不同的老師，佢話問了佢好多問題。2nd in. 就用了半個鐘。你可看看約見你們時是否一樣認真處理。

祝願你心想事成，派到你們心儀的學校。

iamyvonne

其實派位派成掂,好睇你點填,有人話你唔想入的學校,你就千祈唔好填落去,因為派位都是按你的志願o既,頭五個志願為一組,第二組就由六至十一,之後就有乜派乜,意思是若你的隨機編號攪得好,入頭三或頭五志願並不難,當然你唔好明明自己是band two生,就硬要填哂的band one學校啦,這樣實死,只要你按自己的banding填,其實唔係禁得人驚,你o地無聽見常有報導話學生能派獲首三志願的百分率是相當高咩?好啦祝願今年升中的同學能入讀心儀學校啦!

P6parent

200% agreed.  

virgokaren

絕對同意 iamyvonne 所言！

以我所見所聞，派頭五個志願的比率好高。
最緊要係確定自己組別，心頭不要太高。

band one 學生運氣差極都最多係入唔到band one英中，要執番個band one 中中應該唔難！
band two 咪疊埋心水揀間 band one 尾 band two 頭的中中，差極都係去到 band 3 頭的中學，起碼都校風嚴D掛！
band 3 就慘d 了，真係睇你隨機編號前唔前了！

band 3 生如果操行好，去叩門時找間 band 2 尾的試下都有機，去年外甥女有個同學都係咁入左。

至於為何自行收生要同派位一齊公布？？？
我估教統局係想渾淆視聽，費事你地計數計得咁清楚掛！


祝大家都好運，放榜果日開香檳！