沙田派成點

仔仔

有冇人可以傾下, 好似今年大部分都派得唔好, 明年是否用這個機制?

bunny510

仔仔 寫道:
有冇人可以傾下, 好似今年大部分都派得唔好, 明年是否用這個機制?

我個女派到第1志願, 而佢間學校都有很多個派到第1 或第2志願, 都唔錯呀.
只係有d成績較好的, 可能是隨機no唔好, 又或是頭幾個志願都揀至top個幾間學校, 反而派唔到.
不過都係幾個同學.
整體都算好呀.

mslau

我個仔派了第十志願(育才)，都幾唔開心，好彩又比佢教到馬鞍山聖約瑟中學。聽說都有幾多人考。

ABCD媽咪

mslau
我聽說馬鞍山聖約瑟中學唔錯架
lunch一定要在學校食
唔比機會出外
校風在馬鞍山來說真係唔錯的

kkmama

朋友個仔派咗第一志願-- 梁文燕, 聽講其他都派得唔.
  

Thomas-Hei

仲知唔知其他沙田友派成點 ? 有幾多沙呂小可以入到呂中. 仲有聖心, 培基, 蕭漢森, 主風等學生. 多唔多入到 Band 1 英中. 研究

lovebabay

my sister成績屬中上,科科唔係A就係B,全級名次平均10幾.
參加好多課外活動&服務.
自行分配揀沙田培英,可能面試失準,衰左.
電腦派位第一志願:培英   第二志願:沙田崇真   
第三志願:蘇浙   第四志願:鄭榮之.....暫時記得咁多......
點知結果出乎意料之外,派左去第18志願,即係育才中學
所以12號不斷去搵中學......搵左6間(分別係鄭榮之,郭得勝,馮黃鳳婷,沙田崇真,梁文燕,劉伯樂中學)到...
直至今日,3間(分別係鄭榮之,郭得勝,馮黃鳳婷中學)叫my sister去註冊,最後揀左郭得勝,因為咁多間之中,最好係呢間.
終於飲得杯落,舒服晒     

ABCD媽咪

       lovebabay...恭喜恭喜~~
郭得勝真係唔錯架...
校風也好好....真係   

lovebabay

ABCD媽咪,

Thank you     
希望BK各媽咪既仔仔女女都入到心儀既中學     

mos2468

我個細仔上年都係撲餐死，5，6年級全班考第3、4，全級頭10幾，屬band 1生，派咗去黃允畋，80幾個同學派咗去沙官，包括全級考90幾及100嘅同學，呢個簡直係[垃圾派位機制]。雖然自己內心憂心如焚，但我只會對他說錯不在他，媽媽對他有信心，所以個仔亦表現得好有自信。

去到培英叩門，直情過5關斬6將，個禮堂入面嘅氣氛簡直緊張到好似打仗咁，老師先睇四、五、六年級成績表、校長推薦信後，如果成績表得B多就叫你過主，有幾科A以上，才開始用英文同你對答，我個仔科科A，個老師都話佢成績好好，覺得佢英文OK la，然後才俾張表格你安排考筆試(中英數)，800幾人中得110幾個可以考筆試，但係個仔話d試題係F.2程度，個sir話明題目係好深架，咁先揀到最好的學生，crazy架，得10個位要爭得咁辛苦，我心諗攪珠入去果d學生都一定唔識 la，駛唔駛咁折磨d細路。等緊我個仔考試時，有幾個衣著出位的金毛小年等培英d學生放學；之後去到附近裕記買嘢有兩個培英學生係裏面爆粗，即時嚇到我眼都突埋。雖然放榜衰咗唔得，但我都讚我個仔可以有得考筆試，已証明佢有實力。

好彩，最後郭得勝收左我個仔，今年佢仲做埋prefect(要面幾次試，全中一得四五個，他是唯一的男生)，呢一年變得懂事、有責任感，e兩三日佢都有返學幫手註冊及安排考試，佢話第1日派咗6、700張form，大約收左12、3個後補生。

不要氣餒！NEVER GIVE UP !!!!

Ben2004

多口問句, 黃允畋中學口碑 如何? 屬 band 幾中學?

mos2468

小學老師話係BAND2。